ការចុះជួសជុលថែទាំប្រចាំលើកំណាត់ផ្លូវជាតិតាមបណ្តាខេត្ត ដើម្បីជួយសម្រួលការធ្វើដំណើររបស់បងប្អូនប្រជាពលរដ្ឋ

ភ្នំពេញ៖ គិតចាប់ពីថ្ងៃទី០៧ ដល់ថ្ងៃទី១៤ ខែសីហា ឆ្នាំ២០២៣ ក្រុមការងារបច្ចេកទេស នៃមន្ទីរសាធារណការ និងដឹកជញ្ជូន រាជធានី ភ្នំពេញ ខេត្តតាកែវ កំពង់ស្ពឺ មណ្ឌលគីរី រតនគិរី ព្រះវិហារ ត្បូងឃ្មុំ បន្ទាយមានជ័យ កំពង់ចាម បាត់ដំបង កំពង់ធំ និងខេត្តសៀមរាប បានខិតខំប្រឹងប្រែងយកចិត្តទុកដាក់យ៉ាងសកម្ម ដោយបានជួសជុលថែទាំ ដាំបង្គោលសញ្ញា ដំឡើងផ្លាកសញ្ញាចរាចរណ៍ លាបពណ៌បង្គោលសញ្ញា កាយដីដាក់ប្រព័ន្ធលូ និងកាត់ស្មៅ សម្អាតរុក្ខជាតិតាមដងផ្លូវ កាត់សម្អាតស្មៅ កៀរនិងកិនបង្ហាប់គ្រឹះ ដាក់លូ លុបសំបុកមាន់ អ៊ុតកៅស៊ូ (Reseal) រោយថ្មម៉ិចពង្រីកតួផ្លូវ អ៊ុតចិញ្ចើមផ្លូវ អ៊ុតគំនូស-បំពាក់ផ្លាកបង្គោលសញ្ញាចរាចរណ៍ ដាំបង្គោលបង្ហាញផ្លូវ កៀរសម្អាតចិញ្ចើមផ្លូវ ប៉ះចិញ្ចើមផ្លូវ នៅលើកំណាត់ផ្លូវជាច្រើនខ្សែ រួមមាន៖ កំណាត់ផ្លូវជាតិលេខ៥ លេខ៦ លេខ៧ លេខ៧២ លេខ៧៦ លេខ៧៨ លេខ៦៧ លេខ៦៤ លេខ៦៨ លេខ៥៦ លេខ៧១ លេខ៥៧B លេខ៥៦ និងផ្លូវជាតិលេខលេខ៥៧ ដើម្បីជួយសម្រួលដល់ការធ្វើដំណើរ របស់បងប្អូនប្រជាពលរដ្ឋ ផ្តល់ភាពងាយស្រួលក្នុងការដឹកជញ្ជូនទំនិញឆ្លងកាត់ ចំណេញពេលវេលា និងកាត់បន្ថយការគ្រោះថ្នាក់ចរាចរណ៍។

ទន្ទឹមនឹងការដែលមានផ្លូវថ្នល់ស្អាតល្អ សូមបងប្អូនប្រជាពលរដ្ឋមេត្តាចូលរួមគោរពច្បាប់ សូមកុំបំពានយកដីចំណីផ្លូវមកធ្វើអាជីកម្ម ដើម្បីផលប្រយោជន៍ផ្ទាល់ខ្លួន ជៀសវាងការចាក់ដីខ្ពស់ជាងផ្លូវ និងកុំដឹកទំនិញលើសទម្ងន់កម្រិតកំណត់ ដើម្បីរក្សាគុណភាពផ្លូវថ្នល់ឱ្យមានភាពល្អប្រសើរ និងអាចប្រើប្រាស់បានយូរអង្វែង។

ប្រសិនបើបានជួបប្រទះបញ្ហាផ្លូវថ្នល់ ខូចខាតក្លាយជាជង្ហុកសំបុកមាន់ សូមបងប្អូនប្រជាពលរដ្ឋទាញយកកម្មវិធីថែទាំផ្លូវ (Road Care) និងរាយការណ៍មកក្រសួងសាធារណការ និងដឹកជញ្ជូន ដើម្បីអាចចាត់ក្រុមការងារចុះជួសជុល និងថែទាំបានទាន់ពេលវេលា៕