ឯកឧត្តម សួន រស្មី និងឯកឧត្តម អន ភារៈ អញ្ជេីញជាអធិបតីក្នុងវគ្គបណ្តុះបណ្តាល និងផ្សព្វផ្សាយស្តីពី “ការងារអធិការកិច្ចពាក់ព័ន្ធនឹងវិស័យមុខងារសាធារណៈ” នៅខេត្តព្រៃវែង

ភ្នំពេញ៖ ឯកឧត្តម សួន រស្មី អគ្គាធិការ នៃអគ្គាធិការដ្ឋានក្រសួងមុខងារសាធារណៈ និង ឯកឧត្តម អន ភារៈ អភិបាលរងខេត្តព្រៃវែង តំណាងដ៏ខ្ពង់ខ្ពស់ ឯកឧត្តម ជា សុមេធី អភិបាលខេត្ត នាព្រឹកថ្ងៃពុធ ១៥រោច  ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៦ ខែសីហា ឆ្នាំ២០២៣ បានអញ្ជេីញជាអធិបតីក្នុងវគ្គបណ្តុះបណ្តាល និងផ្សព្វផ្សាយស្តីពី “ការងារអធិការកិច្ចពាក់ព័ន្ធនឹងវិស័យមុខងារសាធារណៈ” នៅសាលប្រជុំសាលាខេត្ត។

ក្នុងឱកាសនោះ ឯកឧត្តម សួន រស្មី អគ្គាធិការ នៃអគ្គាធិការដ្ឋានក្រសួងមុខងារសាធារណៈ បានអញ្ជេីញធ្វេីបទបង្ហាញក្នុងវគ្គបណ្តុះបណ្តាលនិងផ្សព្វផ្សាយ។

សមាសភាពចូលរួមមាន ថ្នាក់ដឹកនាំ មន្ត្រីរាជការអគ្គាធិការដ្ឋាន នាយក នាយករងរដ្ឋបាលខេត្ត អភិបាលក្រុង ស្រុក ប្រធានមន្ទីរមុខងារសាធារណៈខេត្ត ប្រធានមន្ទីរ/អង្គភាពជុំវិញខេត្ត នាយកទីចាត់ការ ប្រធានសាលាដំបូងខេត្ត ប្រធានលេខាធិការដ្ឋានសាលាដំបូងខេត្ត ប្រធានការិយាល័យទទួលបន្ទុកបុគ្គលិករដ្ឋបាលក្រុង/ស្រុក មន្ទីរ/អង្គភាព និងមន្ត្រីរាជការនៃមន្ទីរមុខងារសាធារណៈ សរុបប្រមាណ ១៦០នាក់ ៕