គ្រោះថ្នាក់ចរាចរណ៍មួយកើតឡើង រវាងម៉ូតូនិងគោយន្តកសិកម្មទិសដៅស្របទិសគ្នា នៅស្រុកទ្រាំង ខេត្តតាកែវ

ភ្នំពេញ៖ នៅថ្ងៃទី១៨ ខែសីហាឆ្នាំ ២០២៣ វេលាម៉ោង 18:30 នាទីមានករណីគ្រោះថ្នាក់ចរាចរណ៍មួយកើតឡើងត្រង់ចំណុចភូមិជីខ្មា ឃុំជីខ្មា ស្រុកទ្រាំង ខេត្តតាកែវ លើផ្លូវខេត្តលេខ 126 ចន្លោះគីឡូម៉ែត្រលេខ 2-3 រវាងម៉ូតូនិងគោយន្តកសិកម្មទិសដៅស្របទិសគ្នាពីលិចទៅកើត។

– ម៉ូតូមួយគ្រឿងម៉ាកហុងដា C125 ពណ៌ក្រហម ស៊េរី 2022 ស្លាកលេខគ្មានបើកបរដោយឈ្មោះសួស សុវណ្ណបូរី ភេទប្រុសអាយុ 19 ឆ្នាំមុខរបរសិស្សរស់នៅភូមិយុលចេក ឃុំជីខ្មា ស្រុកទាំ្រង ខេត្តតាកែវ ស្លាប់នៅនឹងកន្លែងកើតហេតុ(ពាក់មួកសុវត្ថិភាព)។

– រួមដំណើរទី1 ឈ្មោះលី វ៉ាន់ ភេទប្រុសអាយុ18 ឆ្នាំមុខរបរសិស្ស រស់នៅភូមិឈើនៀងខ្ពស់ ឃុំគោកព្រិច ស្រុកគីរីវង្ស ខេត្តតាកែវ រងរបួសធ្ងន់(មិនពាក់មួកសុវត្ថិភាព)។

– រួមដំណើរទី 2 ឈ្មោះស្រី ម៉ី ភេទស្រី អាយុ 17 ឆ្នាំមុខរបរកសិករ រស់នៅភូមិស្វាយវ័រ ឃុំត្រឡាច ស្រុកទាំ្រង ខេត្តតាកែវ រងរបួសស្រាល(មិនពាក់មួកសុវត្ថិភាព)។ មុនពេលកើតហេតុម៉ូតូនេះបានបើកបរមកពីទិសខាងលិចទៅទិសខាងកើតពេលមកដល់ត្រង់ចំណុចកើតហេតុក៏បានបុកគូទគោយន្តពីខាងក្រោយពេញទំហឹងចំផ្នែកខាងឆ្វេងបណ្ដាលឲ្យដួលបោកទៅលើផ្លូវទាំងបីនាក់។ចំណែកឯគោយន្តបានដាច់ករគោយន្តធ្លាក់ពីលើផ្លូវរត់ចូលទៅសំយាបផ្ទះប្រជាពលរដ្ឋពីខាងត្បូងផ្លូវ។

– អ្នកបើកគោយន្តមានឈ្មោះគង់ វាសនាភេទប្រុសអាយុ 33 ឆ្នាំមុខរបរ កសិករ រស់នៅភូមិក្រាំងស្បែក ឃុំប្រាំបីមុំ ស្រុកទ្រាំង ខេត្តតាកែវ មិនរងរបួស។ សាកសពត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី។ អ្នករងរបួសត្រូវបានបងប្អូនសាច់ញាតិដឹកយកទៅសង្គ្រោះនៅមន្ទីរពេទ្យបង្អែកខេត្តតាកែវ។ រីឯវត្ថុតាងត្រូវបានយកមករក្សាទុកនៅអធិការដ្ឋាននគរបាលស្រុកទ្រាំងរង់ចាំកសាងសំណុំរឿងតាមនីតិវិធី។
– មូលហេតុ(ម៉ូតូបើកបរក្នុងល្បឿនលឿនខ្វះការប្រុងប្រយ័ត្ន)៕