កិត្តិទេសាភិបាលបណ្ឌិត ហ៊ុន ម៉ាណែត៖ សហសេវឹកក្នុងរាជរដ្ឋាភិបាល ត្រូវប្ដេជ្ញាប្រឹងប្រែងឲ្យអស់សមត្ថភាព បំពេញបេសកកម្មជាតិ ឱ្យបានសម្រេចជោគជ័យ
ភ្នំពេញ៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានស្នើដល់សហសេវឹកក្នុងរាជរដ្ឋាភិបាល ត្រូវប្ដេជ្ញាប្រឹងប្រែងយ៉ាងខ្លាំងក្លាបំផុតឱ្យអស់សមត្ថភាព ដើម្បីបំពេញបេសកកម្មជាតិដ៏ឧត្តុង្គឧត្តមនេះ ដើម្បីឱ្យបានសម្រេចជោគជ័យ ដ៏ត្រចះត្រចង់ក្នុងអាណត្កិថ្មី ដែលប្រជាពលរដ្ឋប្រគល់ជូនតាមរយៈការបោះឆ្នោត ។
តាមរយៈសុន្ទរកថាថ្លែងក្នុងកិច្ចប្រជុំពេញអង្គគណៈរដ្ឋមន្ដ្រី លើកដំបូង នាថ្ងៃទី២៤ ខែសីហា ឆ្នាំ២០២៣ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានថ្លែងអំណរគុណយ៉ាងជ្រាលជ្រៅចំពោះជនរួមជាតិទាំងអស់ ដែលបានផ្ដល់យុត្តិធម៌ ជំនឿទុកចិត្ដ និងការគាំទ្រយ៉ាងរឹងមាំចំពោះគណបក្សប្រជាជនកម្ពុជា តាមរយៈការបោះឆ្នោតជ្រើសតាំងតំណាងរាស្ត្រដែលបានប្រព្រឹត្តទៅកាលពីថ្ងៃទី ២៣ ខែកក្កដា ឆ្នាំ ២០២៣ កន្លងទៅ ដើម្បីឱ្យគណបក្សប្រជាជនកម្ពុជា មានលទ្ធភាពដឹកនាំរាជរដ្ឋាភិបាលនិងបម្រើជាតិមាតុភូមិបន្តទៅទៀតជាមួយភាពកាន់តែស្វាហាប់និ ងការប្ដេជ្ញាចិត្តយ៉ាងពេញទំហឹងដើម្បីកសាង ការពារនិង អភិវឌ្ឍន៍ប្រទេសជាតិ។
ឯកឧត្តមកិត្តិទេសាភិបាលបណ្ឌិតបានថ្លែងបញ្ជាក់ថា ជាការពិតការបោះឆ្នោតកន្លងទៅនេះបាន ប្រព្រឹត្តទៅយ៉ាងត្រឹមត្រូវដោយសេរី និងយុត្តិធម៌គ្មានអំពើហិង្សា គ្មានការគំរាម ជាពិសេសមានការចូលរួមពីសំណាក់ប្រជាពលរដ្ឋយ៉ាងច្រើនកុះកររហូតដល់ជាង ៨ លាន ២សែននាក់ ត្រូវជាប្រមាណ៨៤,៥៤ភាគរយ នៃបញ្ជីឈ្មោះបោះឆ្នោតរបស់ គ.ជ.ប ខណៈសំឡេងគាំទ្រគណបក្សប្រជាជនកម្ពុជាមានរហូត ៨២,៣ភាគរយ។
ឯកឧត្ដមនាយករដ្ឋមន្រ្ដីបានថ្លែងបញ្ជាក់បន្ថែមថា ច្បាស់ណាស់ថា លទ្ធផលនេះគឺជាការឆ្លុះបញ្ចាំងឱ្យឃើញនូវឆន្ទៈនៃការគាំទ្រដ៏ពេញទំហឹង និងមោះមុតពីប្រជាពលរដ្ឋភាគច្រើន លើសលប់និងពីគ្រប់មជ្ឈដ្ឋានលើកិច្ចដំណើរការប្រជាធិបតេយ្យដ៏ត្រឹមត្រូវ និងទៀងទាត់របស់កម្ពុជាក៏ដូចជាការជឿទុកចិត្តដ៏ធំធេងនៅក្នុងថ្ងៃនេះ។
ឯកឧត្តមកិត្តិទេសាភិបាលបណ្ឌិតបានអះអាងថា ជាការពិតការគាំទ្រជឿទុកចិត្តដ៏ធំធេងមានន័យមិនត្រឹមតែជាការលើកទឹកចិត្តដ៏មហិមាចំពោះរាជរដ្ឋាភិបាលដឹកនាំដោ យគណបក្សប្រជាជនកម្ពុជាប៉ុណ្ណោះទេ តែក៏ជាការទទួលខុសត្រូវធំបំផុតរបស់យើងទាំងអស់គ្នានៅក្នុងការបំពេញបេសកកម្មសម្រាប់ជាតិដ៏ឧត្តុង្គឧត្តមឆ្លើយតបនឹងបំណងប្រាថ្នា របស់ប្រជាជនយើង ជាពិសេសការធានាបន្តរក្សាបានរឹងមាំនូវសន្តិភាព ស្ថិរភាព សណ្តាប់ធ្នាប់ ព្រមទាំងការបន្តជំរុញកែលម្អជីវិត ជីវភាពរបស់ប្រជាជននិងការអភិវឌ្ឍ
ឈានឡើងឥតឈប់ឈររបស់ប្រទេសជាតិ។
ឯកឧត្តមកិត្តិទេសាភិបាលបណ្ឌិតនាយករដ្ឋមន្រ្ដីបានសង្កត់ធ្ងន់ថា៖ «អាស្រ័យហេតុនេះ យើងទាំងអស់គ្នា ជាសហសេវឹកក្នុងរាជរដ្ឋាភិបាលត្រូវប្ដេជ្ញាប្រឹងប្រែងយ៉ាងខ្លាំងក្លាបំផុតឱ្យអស់សមត្ថភាពនៅក្នុងស្មារតី សាមគ្គីស្អិតរមួត និងស ហប្រតិបត្តិការល្អនិងការសម្រាប់សម្រួលប្រកបដោយប្រសិទ្ធភាពខ្ពស់ដើម្បីបំពេញបេសកកម្មជាតិដ៏ឧត្តុង្គឧត្តមនេះ ឱ្យបានសម្រេចជោគជ័យដ៏ត្រចះត្រចង់ក្នុងអាណត្កិថ្មីដែលប្រជាពលរដ្ឋយើងដ៏ច្រើនកុះករបានប្រគល់ជូន» ៕
