ឯកឧត្តម វេង សាខុន អញ្ជើញសំណេះសំណាលជាមួយសមាជិក សមាជិកាគណៈកម្មាធិការគណបក្សមូលដ្ឋានទាំង១៥ឃុំ ក្នុងស្រុកកំពង់សៀម

ភ្នំពេញ៖ ឯកឧត្តម វេង សាខុន តំណាងរាស្ត្រមណ្ឌលខេត្តកំពង់ចាម និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម នាព្រឹកថ្ងៃសៅរ៍ ១០កើត ខែស្រាពណ៍ ឆ្នាំថោះ បញ្ចាស័ក ព.ស. ២៥៦៧ ត្រូវនឹងថ្ងៃទី២៦ ខែសីហា ឆ្នាំ២០២៣ បានអញ្ជើញជាអធិបតីក្នុងពិធីបូកសរុបលទ្ធផលការងារបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ និងសំណេះសំណាលជាមួយសមាជិក សមាជិកាគណៈកម្មាធិការគណបក្សមូលដ្ឋានទាំង១៥ឃុំ ក្នុងស្រុកកំពង់សៀម ខេត្តកំពង់ចាម និងក្រុមការងារគណបក្សថ្នាក់កណ្តាលចុះមូលដ្ឋានភូមិ ឃុំ និងស្រុកកំពង់សៀម ខេត្តកំពង់ចាម នៅទីស្នាក់ការគណបក្សប្រជាជនកម្ពុជាស្រុកកំពង់សៀម ខេត្តកំពង់ចាម។

យោងតាមរបាយការណ៍បូកសរុបគណៈកម្មាធិការបក្ស ស្រុកកំពង់សៀមបានបញ្ជាក់ឲ្យដឹងថា៖
១-មានសមាជិកបក្ស សរុបមាន ៥៩,៩៤១នាក់ ស្មើនឹង ៨៣,១៧% នៃអ្នកដែលមានឈ្មោះក្នុងបញ្ជីបោះឆ្នោតចំនួន ៧២,០៧១នាក់។
២-ប្រជាពលរដ្ឋបានទៅបោះឆ្នោតសរុបចំនួន ៦១,៦០០នាក់ ស្មើនឹង ៨៥,៤៧% នៃចំនួនប្រជាពលរដ្ឋមានឈ្មោះក្នុងបញ្ជី បោះឆ្នោត។
៣-ទទួលបានសម្លេងគាំទ្រចំនួន ៤៦,២៨៣សម្លេង៖
-ស្មើនឹង ៨០% នៃសន្លឹកឆ្នោតបានការសរុប ៥៧,៩៣៧សន្លឹក។
-ស្មើនឹង ៦៤,២១% នៃអ្នកមានឈ្មោះក្នុងបញ្ជីបោះឆ្នោត។
-ស្មើនឹង ៨៦,៨០% នៃចំនួនសមាជិកបក្សសរុប។
-ស្មើនឹង ៩៦,៦១% នៃចំនួនសមាជិកបក្សសរុបចំនួន ៥១,០០៧នាក់ នៅក្នុងឆ្នាំ២០២២
-ធៀបនឹងសម្លេងគាំទ្រឆ្នាំ២០២២ មានចំនួន ៣៩,៤៧៩សម្លេង គឺកើនឡើង ៦,៤៧៩សម្លេង។
-ធៀបនឹងសម្លេងគាំទ្រឆ្នាំ២០១៨ ចំនួន ៣៤,៥៦៤សម្លេង គឺកើនឡើង ១១,៧១៩សម្លេង។
-សន្លឹកឆ្នោតមិនបានការចំនួន ៣,៦៦៣សន្លឹក ស្មើនឹង ៥.៩៤% នៃសន្លឹកឆ្នោតបានបោះ។
-ពលរដ្ឋចំណាកស្រុកដែលបានមកបោះឆ្នោតចំនួន ៤,៤៤៨នាក់ ស្មើនឹង ៤៨.២១% នៃចំណាកស្រុកសរុប ៩,២២៦នាក់ ៕