សៀវភៅ កម្ពុជាសម័យតេជោ វគ្គ៤០« ភាពជោគជ័យ នៃការធ្វើជាម្ចាស់ផ្ទះ មហាព្រឹត្តិការណ៍កីឡាស៊ីហ្គេមលើកទី៣២»
សៀវភៅ«កម្ពុជា សម័យតេជោ»ជាស្នាដៃរបស់ ឯកឧត្តម ពៅ សុខ ទីប្រឹក្សាផ្ទាល់សម្តេចតេជោនាយករដ្ឋមន្រ្តី ហ៊ុន សែន និងជាសមាជិកក្រុមប្រឹក្សាភិបាលសមាគមអ្នកនិពន្ធខ្មែរ។ ឯកឧត្តម ចងក្រងសៀវភៅនេះឡើងដើម្បីបង្ហាញទៅដល់មនុស្សជំនាន់ក្រោយៗទៀតឱ្យបានជ្រាបថា ក្នុងសម័យកាល ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា កម្ពុជាមានការរីកចម្រើន និងមានសមិទ្ធផលជាច្រើនរាប់មិនអស់ ដែលត្រូវចាប់អារម្មណ៍កោតសរសើរ និងកត់ត្រាទុក។ ដូច្នេះ ខ្លឹមសារក្នុងសៀវភៅនេះ មិនមានរៀបរាប់លម្អិត អំពីដំណើរជីវិតរបស់សម្តេច ហ៊ុន សែន ដូចសៀវភៅដទៃៗទៀតទេ។
ប៉ុន្តែ និយាយអំពីរាល់ការអភិវឌ្ឍ ដែលសម្តេចតេជោ ហ៊ុន សែន ខិតខំប្រឹងប្រែង ដើម្បីជាតិ សាសនា និងព្រះមហាក្សត្រ ជាពិសេស ដើម្បីសុខុមាលភាពប្រជាជនដោយគ្មានរើសអើង ជាតិសាសន៍ សាសនា ឬពណ៌សម្បុរ ឬនយោបាយចាប់តាំងពីក្រោយព្រះរាជាណាចក្រកម្ពុជាទី២ ត្រូវបានបង្កើតឡើងនៅឆ្នាំ១៩៩៣និងការបញ្ចប់សង្រ្គាមទាំងស្រុងនៅកម្ពុជា នាថ្ងៃទី២៩ ខែធ្នូ ឆ្នាំ១៩៩៨។
ឯកឧត្តម ពៅ សុខ ជឿថា សៀវភៅនេះ ទោះបីមិនល្អឥតខ្ចោះ ប៉ុន្តែ នឹងក្លាយជាពន្លឺ ជាឯកសារជំនួយស្មារតីខ្លះៗដល់អ្នកស្រាវជ្រាវ មិត្តអ្នកអាន ឬមនុស្សជំនាន់ក្រោយ ក្នុងការសិក្សាឈ្វេងយល់អំពីព្រឹត្តិការណ៍នានា ដែលកើតមានឡើងនៅក្នុងផ្ទៃប្រទេសចន្លោះពីឆ្នាំ១៩៧០ដល់ឆ្នាំ២០២៣។ ខាងក្រោមនេះគឺជាខ្លឹមសារតាមជំពូកនីមួយៗដែលមាននៅក្នុងសៀវភៅ«កម្ពុជា សម័យតេជោ»។ សូមមិត្តអ្នកអាន តាមដានតាមវគ្គនីមួយៗដោយក្ដីរីករាយ។
វគ្គ៤០« ភាពជោគជ័យ នៃការធ្វើជាម្ចាស់ផ្ទះ មហាព្រឹត្តិការណ៍កីឡាស៊ីហ្គេមលើកទី៣២»
ក្រៅពីកិច្ចប្រជុំធំៗដែលលើកឡើងនៅជំពូកមុននោះ ចាប់ពីឆ្នាំ២០២០មក កម្ពុជាបាន ឆ្លងកាត់ព្រឹត្តិការណ៍ធំៗមួយចំនួន ដូចជា ការផ្ទុះឡើង នូវជំងឺរាតត្បាតកូវីដ-១៩ ការរៀបចំកិច្ច ប្រជុំអាស៊ី អឺរ៉ុប លើកទី១៣ ការបោះឆ្នោតជ្រើសរើសក្រុមប្រឹក្សាឃុំ សង្កាត់ ការធ្វើជាប្រធាន និងធ្វើជាម្ចាស់ផ្ទះ នៃកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ការធ្វើជាម្ចាស់ផ្ទះ និងរៀប ចំការប្រកួតកីឡាស៊ីហ្គេម និងប៉ារ៉ាហ្គេម ២០២៣ និងការបោះឆ្នោតជាសកល ជ្រើសតាំងតំ ណាងរាស្រ្ត នីតិកាលទី៧។ ប៉ុន្តែ ការប្រកាសទទួលធ្វើជាម្ចាស់ផ្ទះ នៃការប្រកួតកីឡាស៊ីហ្គេមដោយគ្មានការប្រែប្រួល ធ្វើ ឡើងនៅឆ្នាំ២០១៧ ខណៈកាលពីជាង១០ឆ្នាំមុន ក្រុមអ្នកសារព័ត៌មានបានផ្សព្វផ្សាយថា កម្ពុ ជាបានប្រកាសសុំពន្យារពេលម្តងរួចមកហើយ ដោយហេតុផលថា មិនទាន់រៀបចំខ្លួនរួចរាល់ ។
ក្នុងឱកាសអញ្ជើញជួបសំណេះសំណាលជាមួយកម្មករ-កម្មការិនី ជាង១៥.០០០នាក់ មកពី រោងចក្រចំនួន២០ នៅតំបន់ចម្ការដូង ខណ្ឌដង្កោរ រាជធានីភ្នំពេញ ព្រឹកថ្ងៃទី០៨ ខែវិច្ឆិកា ឆ្នាំ ២០១៧ សម្តេចតេជោ ហ៊ុន សែន ដែលជាប្រមុខរាជរដ្ឋាភិបាលកម្ពុជា មានប្រសាសន៍ថា មូលហេតុ ដែលកម្ពុជាមិនព្រមធ្វើម្ចាស់ផ្ទះស៊ីហ្គេម នៅមុនឆ្នាំ២០២៣ ព្រោះដោយហេតុថា ប្រ សិនបើកម្ពុជាយកលុយទៅកសាងពហុកីឡដ្ឋានមួយ កម្ពុជានឹងប្រើប្រាស់អស់ថវិកា ប្រមា ណ៣០០ ឬ៤០០លានដុល្លារអាមេរិក ដើម្បីទទួលការប្រកួត ទទួលភ្ញៀវជាតិ-អន្តរជាតិ និង កី ឡាករ-កីឡាការិនីប្រមាណជាង៧០០០នាក់ ជាពិសេស កម្ពុជា ត្រូវការថវិកាសម្រាប់កសាង ហេដ្ឋារចនាសម្ព័ន្ធ មានផ្លូវ ថ្នល់ ទឹក ភ្លើង ស្ពាន សាលារៀន និងមន្ទីរពេទ្យជាមុនសិន ព្រោះ កម្ពុជា ទើបតែងើបពីភ្លើងសង្រ្គាម។
ប៉ុន្តែ មិនមែនមានន័យថា កម្ពុជា លុបចោល ការធ្វើ ជាម្ចា ស់ផ្ទះនៃកីឡាស៊ីហ្គេមនោះទេ ។ ផ្ទុយទៅវិញបើយកថវិកា៣០០ ឬ៤០០លានដុល្លារនោះ ទៅ កសាងស្ពានឆ្លងទន្លេមេគង្គ ស្ពានឆ្លងទន្លេសាប និងផ្លូវដទៃនោះ នឹងផ្ដល់ផលប្រ យោជន៍ ដល់ប្រជាពលរដ្ឋកម្ពុជាបានច្រើនជាង។ សម្ដេចតេជោ មានប្រសាសន៍ដោយការភ្ញាក់ផ្អើលថា កាលពីពេលកន្លងទៅ មានគេនិយាយថា សម្ដេចបានលុបចោល គម្រោងធ្វើជា ម្ចាស់ផ្ទះ ស៊ី ហ្គេម នេះទៅហើយ។ ការលើកឡើងនោះ គឺជាការយល់ច្រឡំដ៏ធំមួយ ព្រោះការធ្វើ ជាម្ចាស់ ផ្ទះ នៃកីឡាស៊ីហ្គេមឆ្នាំ២០២៣របស់កម្ពុជា គឺគ្មានការលុបចោលឡើយ ហើយសម្ដេចរំពឹងថា សម្ដេចនឹងមានឱកាសដុតភ្លើងគប់ប្រកាសបើកការប្រកួតស៊ីហ្គេមនេះក្នុងឋានៈជានាយករដ្ឋមន្ត្រី នៃកម្ពុជាបន្តទៀតផងដែរ។
ស៊ីហ្គេមលើកទី៣២នៅកម្ពុជា នឹងត្រូវ ធ្វើនៅខែឧសភា ឆ្នាំ ២០២៣។ មូលហេតុដែលរាជរដ្ឋាភិបាលកម្ពុជាកំណត់យកខែឧសភា២០២៣ ជាខែប្រកួតស៊ី ហ្គេម ដោយសារតែខ្លាចប៉ះពាល់ដល់ការបោះឆ្នោតជាតិ ជ្រើសតាំង តំណាងរាស្រ្ត នីតិកាល ទី៧។ សម្តេចតេជោ នាយករដ្ឋមន្រ្ដី ហ៊ុន សែន បានលើកឡើងថា នៅ អំឡុងខែកក្កដាឬនៅ ចុងឆ្នាំ២០២៣ ជាពេលដែលកម្ពុជាត្រូវមមាញឹកជាមួយការបោះឆ្នោត ហើយរាល់ពេលក្រោយ បោះឆ្នោតម្តងៗ តែងមានការបង្កចលាចល និងបាតុភាពផ្សេងៗពីក្រុមអ្នកចាញ់ឆ្នោត។ ដូច្នេះ ដើម្បីកុំឱ្យមានការរំខានដោយសារសកម្មភាពណាមួយក្រោយពេលបោះឆ្នោតនោះទើបកម្ពុ ជាសម្រេចយកការប្រកួតក្នុងខែឧសភាមុនពេលបោះឆ្នោតតែម្តង។សម្តេចតេជោ ក៏បានប្រកា សជាថ្មីថា នៅឆ្នាំ២០២៣ កម្ពុជាត្រូវតែធ្វើជាម្ចាស់ផ្ទះ នៃព្រឹត្តិ
ការណ៍កីឡាស៊ីហ្គេមហើយ ធ្វើ ឱ្យបានល្អប្រកបដោយកិត្តិយសថែមទៀត។
ដើម្បីត្រៀមការប្រកួតកីឡាស៊ីហ្គេមឆ្នាំ២០២៣ សម្តេចនាយករដ្ឋមន្រ្ដី បានជំរុញឱ្យក្រសួងអប់រំ និងគ្រប់ សហ ព័ន្ធទាំងអស់ ប្រឹងប្រែងពង្រឹ ង សមត្ថភាពកីឡាករ កីឡាការិនី និងបណ្តុះបណ្តាលធនធានផ្នែកកីឡាកម្ពុជាឱ្យកាន់តែប្រសើរ ឡើងថែមទៀត ហើយការបណ្តុះបណ្តាលនេះ មិនមែនត្រឹមតែសម្រាប់ស៊ីហ្គេមប៉ុណ្ណោះទេ ប៉ុន្តែក៏សម្រាប់ការប្រកួតប្រជែងផ្សេងទៀត ផងដែរ។ ក្នុងកិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍ នៅថ្ងៃទី១១ ខែកក្កដា នៅរាជធានីភ្នំពេញ សម្តេចតេជោនាយករដ្ឋមន្រ្តី ហ៊ុន សែន បានប្តេជ្ញាផងដែរថា រៀបចំព្រឹត្តិការណ៍ស៊ីហ្គេម អា ស៊ានប៉ារ៉ាហ្គេម ឆ្នាំ២០២៣ ប្រកបដោយជោគជ័យ តាមរយៈការធ្វើបដិសណ្ឋារកិច្ចល្អ ដោយ ក្តីសោមនស្សរីករាយទទួលស្វាគមន៍ភ្ញៀវជាតិ និងអន្តរជាតិ រួមទាំងប្រតិភូកីឡា ដោយភាពក ក់ក្តៅនិងសេវាល្អ ខណៈកម្ពុជារង់ចាំឱកាសដ៏អស្ចារ្យនេះរយៈពេល៦៤ឆ្នាំមកហើយ។ សម្តេ ចតេជោបញ្ចាក់ថា កម្ពុជាបានខកខានឱកាសនេះជាច្រើនលើកច្រើនសាក្នុងការត្រៀមខ្លួនយ៉ា ងពេញលេញ និងកៀរគរធនធានចាំបាច់ទាំងអស់ ដើម្បីរៀបចំព្រឹត្តិការណ៍កីឡាថ្នាក់តំបន់ដ៏ ធំនេះឱ្យបានល្អ និងរលូន ប្រកបដោយស្មារតីទទួលខុសត្រូវខ្ពស់។
ជំហានបឋម អគ្គលេខាធិការគណៈកម្មាធិការជាតិអូឡាំពិកកម្ពុជា បានប៉ាន់ប្រមាណថា កម្ពុ ជាអាចនឹងចំណាយថវិកាប្រមាណ៣០ លានដុល្លារសហរដ្ឋអាមេរិក ដើម្បីប្រកួតកីឡា ស៊ីហ្គេ មលើកទី៣២ ចំនួន៣០ប្រភេទ ដោយមានប្រទេសចំនួន១១ចូលរួម។ ប៉ុន្តែ ក្រោយមកការវា យតម្លៃ របស់អគ្គលេខាធិការគណៈ កម្មាធិការជាតិរៀបចំការប្រកួតកីឡាអាស៊ីអាគ្នេយ៍ បាន កើនឡើងដល់១២៤លានដុល្លារ សម្រាប់រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២ ៣ដោយមិនទាន់រាប់បញ្ចូលព្រឹត្តិការណ៍អាស៊ានប៉ារ៉ាហ្គេមនិងតម្លៃសាងសង់ពហុកីឡដ្ឋានស ម្រាប់រៀបចំការប្រកួត ដែលមានតម្លៃជាង១៥០លានដុល្លារផង ។
គេអាចរម្លឹកឡើងវិញថា ពហុកីឡដ្ឋានជាតិមរតកតេជោ ត្រូវបានបើកការដ្ឋានសាងសង់ដំណា ក់កាលទី១នៅថ្ងៃទី១២ ខែមេសា ឆ្នាំ២០១៣ ក្រោមអធិបតីភាពសម្តេចតេជោនាយករដ្ឋមន្រ្តី ហ៊ុន សែន និងដំណាក់កាលទី២ នៅថ្ងៃទី៤ ខែមេសា ឆ្នាំ២០១៧។ ពហុកីឡដ្ឋានជាតិ មរត កតេជោ ត្រូវបានសាងសង់ឡើងដោយឈរលើទស្សនាទានកីឡាបៃតង «Green Sport» ដោ យមានសំណង់អគារ៣០% ហើយ៧០% ជាតំបន់បៃតង មានដូចជាដើមឈើ ស្មៅ និងទឹក។ ពហុកីឡដ្ឋាននេះក៏មានប្រើបច្ចេកវិជ្ជា កាត់បន្ថយប្រើប្រាស់ថាមពលអគ្គិសនី ដោយប្រើប្រា ស់បច្ចេកទេសរចនាប្លង់ ដែលមានខ្យល់ និងពន្លឺព្រះអាទិត្យចេញចូលគ្រប់កន្លែង។ ពហុកីឡ ដ្ឋានមរតកតេជោ ក៏មានសណ្ឋាគារចំនួន៣៤បន្ទប់ ហាងលក់ទំនិញសម្លៀកបំពាក់កីឡា ឧប ករណ៍ សម្ភារកីឡា ផលិតផលផ្សេងៗ និងមានបំពាក់កន្លែងកម្សាន្តរបស់កុមារ មាន សាល ហាត់កីឡាមួយចំនួនក្រោមអគារធំ ហើយលក្ខណៈពិសេសរបស់កីឡដ្ឋានធំនេះ គឺមានច្រក សុវត្ថិភាពច្រើន ដែលអាចរំដោះមនុស្ស៦ម៉ឺននាក់ ក្នុងរយៈត្រឹមតែ៧នាទី។
វិមានកីឡដ្ឋានមរតកតេជោ សាងសង់លើទំហំផ្ទៃដីប្រមាណជាង ៨៥ហិកតា ក្នុងសង្កាត់ ព្រែ កតាសេក ខណ្ឌជ្រោយចង្វារ រាជធានីភ្នំពេញ។ ក្នុងនោះទំហំ សំណង់ប្រមាណ៨ ,២៤ ម៉ឺន ម៉ែត្រការ៉េ ដែលអាចផ្ទុកអ្នកទស្សនាបានរហូតដល់៦ម៉ឺននាក់ ហើយមានសមត្ថភាពទទួល រៀបចំព្រឹត្តិការណ៍ប្រកួតកីឡាថ្នាក់ជាតិ និងអន្តរជាតិធំៗកម្រិតពិភពលោក ពិសេសជាកីឡ ដ្ឋានដ៏សំខាន់ សម្រាប់ស្វាគមន៍ការប្រកួតកីឡាស៊ីហ្គេម និងអាស៊ានប៉ារ៉ាហ្គេម នៅកម្ពុជា ឆ្នាំ២០២៣។ ពហុកីឡដ្ឋានជាតិមរតកតេជោ ជាជំនួយឥតសំណងពីមិត្តចិន ដែលកើតឡើងពី ចំណងមិត្តភាពដែកថែបកម្ពុជា-ចិន។ សំណង់វិមានកីឡដ្ឋាននេះ ត្រូវបានសាងសង់ ឡើង ដោយក្រុមហ៊ុន China State Construction Engineering Co. Ltd ស្ថិតក្រោមការគ្រប់គ្រង និង ត្រួតពិនិត្យរបស់ក្រសួងពាណិជ្ជកម្មចិន ដោយប្រើប្រាស់កម្លាំងពលកម្មដែលជាបុគ្គលិក និង កម្មករជំនាញជនជាតិចិនចំនួន២៧០នាក់ និងកម្មករជំនាញ កម្លាំងពលកម្មជាពលរដ្ឋ ខ្មែរ ចំនួន ៥៥០នាក់។
ការសាងសង់វិមានពហុកីឡដ្ឋាន ធ្វើឡើងជាបីដំណាក់កាល និង បាន ប្រើ ប្រាស់រយៈពេលប្រមាណ៤៨ខែ ឬលើសពីនេះ គិតចាប់ពីថ្ងៃបើកការដ្ឋានសាងសង់ រហូត ដ ល់ពេលបិទបញ្ចប់នៅចុងខែសីហា ឆ្នាំ២០២១។ ពហុកីឡដ្ឋាននេះ ពេលយប់មើលពីចម្ងាយ បំពាក់ដោយអគ្គិសនី មានរាងដូចទូក ង ឬទូកមួងខ្មែរ ប៉ុន្តែ នៅពេលមើលជិត ពេលថ្ងៃមាន រាងដូចជាសំពៅ។ ពហុកីឡដ្ឋានជាតិមរតកតេជោ បានសង់រួចរាល់ស្ថាពរ១០០% នៅពាក់កណ្តាល ខែសីហា ឆ្នាំ២០២១ និងត្រូវបានធ្វើពិធីប្រគល់ ទទួល ដោយទីប្រឹក្សារដ្ឋ និងជារដ្ឋមន្ត្រីការបរទេសចិន លោក វ៉ាង យី និងសម្តេចតេជោនាយករដ្ឋមន្រ្តី ហ៊ុន សែន នៅមួយខែបន្ទាប់ គឺនៅរសៀល ថ្ងៃអាទិត្យ ៦កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹង ថ្ងៃទី១២ ខែកញ្ញា ឆ្នាំ២០២១ ។ ដោយសារដំណាក់កាលនេះ ការរាតត្បាតជំងឺកូវីដ-១៩ មិនទាន់ធូរស្រាល ពិធីប្រគល់ទទួ លត្រូវធ្វើឡើងដោយការពាក់ម៉ាស នៅពហុកីឡដ្ឋានតែម្តង។ កម្ពុជាបានប្រកាសបើកប្រទេ សឡើងវិញ នៅថ្ងៃទី០១ ខែវិច្ឆិកា ឆ្នាំ២០២១ ។
ក្នុងពិធីចុះហត្ថលេខា ប្រគល់ ទទួល ពហុកីឡដ្ឋាន មរតកតេជោ លោក វ៉ាង យី បានអប អរ សាទរចំពោះកម្ពុជា ដែលទទួលបាន នូវសមិទ្ធផលថ្មីនៅថ្ងៃនេះ និងអះអាងថា កីឡដ្ឋានជាតិ មរតកតេជោនេះ កើតឡើងតាមរយៈកិច្ចសហប្រតិបត្តិការរវាងកម្ពុជា និងចិន ដែលបានផ្សារ ភ្ជាប់ទំនាក់ ទំនងជាមួយគ្នាល្អជាបន្តបន្ទាប់។ លោក វ៉ាង យី ក៏បានអរគុណ ចំពោះសម្ដេច តេ ជោ ហ៊ុន សែន ដែលតែងតែពង្រឹង នូវកិច្ចសហប្រតិបត្តិការល្អ ជាបន្តបន្ទាប់ជាមួយនឹងប្រ ទេសចិន។ ក្នុងពិធីនេះដែរ ជាមួយនឹងស្នាមញញិម ប្រកបដោយមោទនៈ សម្តេចតេជោ ហ៊ុន សែន មាន ប្រសាសន៍ថា តាមរយៈសមិទ្ធផល នៃពហុកីឡដ្ឋានជាតិមរតកតេជោ គឺកើតចេញពីការខិតខំ ប្រឹងប្រែង និងកិច្ចសហប្រតិបត្តិការដ៏ល្អរវាងកម្ពុជា និងចិន ជាពិសេសប្រទេសទាំង២ជាមិត្ត ភាពដ៏យូរអង្វែង ដែលមិត្តភាពនេះតែងតែផ្សារភ្ជាប់ជាបន្តបន្ទាប់។
សម្តេចតេជោ បញ្ជាក់ថា សមិទ្ធផលផល ដ៏ធំនេះ មិនមែនកើតឡើងដោយចៃដន្យទេ គឺកើតឡើងដោយសារ ការជឿ ទុកចិត្តគ្នាទៅវិញទៅមក រវាងមិត្តចិន និងកម្ពុជា ក្នុងក្របខណ្ឌដៃគូយុទ្ធសាស្ត្រគ្រប់ជ្រុង ជ្រោយ និងមិត្តដែកថែប។ កម្ពុជាមានទំនាក់ទំនងល្អជាមួយមិត្តចិនតាំងពីយូ រយាណា ស់ ម កហើយ គឺតាំងពីសម័យនគរភ្នំ សម័យអង្គរ ក្រោយអង្គរ និងក្រោយមកនៅសម័យសង្គមរា ស្ត្រនិយម ដែលមានសម្តេចព្រះវររាជបិតា ព្រះនរោត្តមសីហនុ ជាតួអង្គដ៏សំខាន់ក្នុងការផ្សារ ភ្ជាប់ទំនាក់ទំនងនេះរហូតមក បន្តដល់ព្រះមហាក្សត្របច្ចុប្បន្ន ព្រះរាជវង្សានុវង្ស និង សម្តេច ផងដែរ។ សម្តេចតេជោ ហ៊ុន សែន បានថ្លែងអំណរគុណយ៉ាងជ្រាលជ្រៅផងដែរ ចំពោះមិត្តចិនដែល បានផ្តល់ជំនួយឥតសំណងលើការសាងសង់ពហុកីឡដ្ឋានមរតកតេជោ ព្រោះប្រសិនបើគ្មាន ការជួយជ្រោមជ្រែងពីមិត្តចិន នៃប្រធានាធិបតី ស៊ី ជិនពីង ទេ កម្ពុជាប្រហែលជាគ្មានពហុកី ឡដ្ឋានជាតិមរតកតេជោទេ។
សម្ដេចតេជោ ហ៊ុន សែន អះអាងថា សមិទ្ធផលពហុកីឡដ្ឋានជាតិមរតកតេជោ ជាកំណត់ត្រា ថ្មីមួយទៀត នៃទំនាក់ទំនងដែកថែបរវាងកម្ពុជា-ចិន ដែល មិនអាចនឹកស្មានដល់ សូម្បី កាល ពី២០ឆ្នាំមុន គឺឆ្នាំ២០០០ ក៏យើងមិននឹកស្មានថា កម្ពុជានឹងមានពហុកីឡដ្ឋានដ៏ល្អបែបនេះ ឡើយ។ សម្តេចតេជោ មានប្រសាសន៍ថា សម្តេចធ្លាប់បានលើកឡើងខ្លះៗរួចមកហើយថា សម្តេចផ្ទា ល់បានសុំការអធ្យាស្រ័យ សុំការយោគយល់ពីសំណាក់មិត្តភក្ដិក្នុងក្របខ័ណ្ឌអាស៊ាន និងដៃ គូដទៃទៀត ដែលបានធ្វើស៊ីហ្គេមក្នុងរយៈកាលពីរឆ្នាំម្ដង ប៉ុន្តែសម្រាប់កម្ពុជា ពុំទាន់មាន លទ្ធ ភាព ដើម្បីនឹងប្រារព្ធធ្វើទេ ព្រោះកម្ពុជាមានតម្រូវការចាំបាច់ ក្នុងការកសាងនូវហេដ្ឋារចនា សម្ព័ន្ធបម្រើឱ្យការអភិវឌ្ឍសេដ្ឋកិច្ច និងសង្គមជាមុនសិន។
ប៉ុន្តែ នៅពេលសម្ដេច ចាប់ ផ្ដើម ធ្វើទំនាក់ទំនងដ៏ល្អ ជាមួយនឹងដៃគូដែលជឿទុកចិត្តគ្នា នៅក្នុងក្របខ័ណ្ឌ នៃទំនាក់ ទំនង យុទ្ធ សាស្ត្រគ្រប់ជ្រុងជ្រោយ កម្ពុជា-ចិន ជាពិសេសជាមួយប្រធានាធិបតីចិន ស៊ី ជិនពីង កម្ពុជា ក៏បានទទួលនូវសញ្ញានៃការផ្ដល់នូវវិភាគទានសម្រាប់ការសាងសង់ហេដ្ឋារចនាសម្ព័ន្ធចាំបាច់ បម្រើឱ្យការប្រកួតកីឡាស៊ីហ្គេម ហើយយើងក៏ប្រកាសដាក់ នូវបេក្ខភាពជាម្ចាស់ផ្ទះសម្រាប់ ការទទួលយកការរៀបចំ ការប្រកួតកីឡាស៊ីហ្គេមនៅឆ្នាំ២០២៣។ សម្ដេចតេជោលើកឡើង ទៀតថា សមិទ្ធផលនេះជាមោទនភាពរបស់ជាតិខ្មែរទាំងមូលដែលទទួលបានជំនួយដ៏ សប្បុរ សពីមិត្តរបស់កម្ពុជា ដើម្បីជាតិ ដើម្បីសុខុមាលភាពប្រជាជន ជាពិសេសយុវជន និងកុមារ។ នៅអំឡុងចុងខែកក្កដា ឆ្នាំ២០១៩ ខណៈពហុកីឡដ្ឋាកំពុងដំណើរការសាងសង់ សម្តេចតេ ជោនាយករដ្ឋមន្រ្តី ធ្លាប់អញ្ជើញចុះត្រួតពិនិត្យការ សាងសង់ពហុកីឡដ្ឋានមរតកតេជោមួយ លើកដែរ ដោយសម្តេចបានជួបសំណេះសំណាលជាមួយក្រុមវិស្វករ កម្មករ កម្មការិនី និង កីឡាករ កីឡាការិនី នៅការដ្ឋានផងដែរ ។
នៅពាក់កណ្តាលខែធ្នូ ឆ្នាំ២០២១ដដែល អមដំណើរដោយមន្រ្តីរាជការ លោក វ៉ាង វិនធាន (Wang Wentian )អគ្គរដ្ឋទូតចិនប្រចាំកម្ពុជា អង្គទូត និងមានការចូលរួមពីប្រជាពលរដ្ឋ កីឡា ករ កីឡាការិនី ច្រើនកុះករ សម្តេចតេជោនាយករដ្ឋមន្រ្តី ហ៊ុន សែន ក៏បានអញ្ជើញសម្ពោធ ដាក់ឱ្យប្រើប្រាស់ជាផ្លូវការ នូវវិមានកីឡដ្ឋាន នៃពហុកីឡដ្ឋានជាតិមរតកតេជោ ។ ក្នុងពិធីនេះសម្តេចតេជោមានប្រសាសន៍ដោយមោទនភាពថា សមិទ្ធផលពហុកីឡដ្ឋានមរតក តេជោនេះ គឺជាផលប្រយោជន៍មួយក្នុងចំណោមផលប្រយោជន៍ជាច្រើនទៀត នៅក្នុងក្រប ខ័ណ្ឌនៃកិច្ចសហប្រតិបត្តិការភាពជាដៃគូយុទ្ធសាស្រ្តគគ្រប់ជ្រុងជ្រោយនិងក្រោមគំនិតផ្តួចផ្តើ មផ្លូវមួយ ខ្សែក្រវាត់មួយ ដែលទទួលបានពីទំនាក់ទំនងយ៉ាងជិតស្និទ្ធជាមួយចិន ដែលជាមិត្ត ដែកថែប។ ជាថ្មីម្តងទៀត សម្តេចតេជោ ហ៊ុន សែន បានថ្លែងអំណរគុណចំពោះមិត្តចិន ដែលតែងតែជួ យមកដល់កម្ពុជា និងថ្លែងអំណរព្រះគុណដល់សម្តេចព្រះនរោត្តម សីហនុ ព្រះបរមរតនកោដ្ឋ ដែលព្រះអង្គបានកសាងទំនាក់ទំនងដ៏ល្អជាមួយប្រទេសចិន ហើយបានបន្សល់ទុក នូវកេ រម រតកទំនាក់ទំនង រវាងប្រទេសទាំងពីរ ដល់កូនចៅជំនាន់ក្រោយ។
សម្ដេចតេជោ បញ្ជាក់ថា ស មិទ្ធផលពហុកីឡដ្ឋានជាតិដែលកម្ពុជាទទួលបាននាពេលនេះមិនធំធេងដល់ជម្រៅចិត្តរដ្ឋាភិ បាលនិងប្រជាជនចិនផ្ដល់ជូនកម្ពុជាទេ ហើយតាមរយៈ លោក វ៉ាង វិនធាន ឯកអគ្គរដ្ឋទូត ចិន សម្ដេចតេជោ បានផ្ញើសារថ្លែងអំណរគុណដល់រដ្ឋាភិបាលនិងប្រជាជនចិន សម្រាប់ទឹក ចិត្តដ៏ធំធេងក្នុងការផ្ដល់ជំនួយដល់កម្ពុជានាពេលនេះ។ ជាងកន្លះឆ្នាំក្រោយមក
គឺនៅចុងខែឧសភា ឆ្នាំ២០២២ ទង់សម្គាល់កីឡាស៊ីហ្គេមលើកដំបូង បានមកដល់កម្ពុជា បន្តពីប្រទេសវៀតណាម ធ្វើឱ្យប្រជាជនកម្ពុជាទូទាំងប្រទេសកក្រើករំភើ បសប្បាយញាប់ញ័រ ស្រែកហ៊ោរកញ្ជ្រៀវទ្រហឹងអឺងកង ព្រោះនេះជាលើកទីមួយជាប្រវត្តិ សា ស្រ្តហើយ ដែលកម្ពុជាធ្វើជាម្ចាស់ផ្ទះរៀបចំការប្រកួតកីឡាស៊ីហ្គេម និងប៉ារ៉ាហ្គេម។ ពិធី ប្រគល់ទទួលទង់ស៊ីហ្គេម ធ្វើឡើងក្នុងពិធីបិទព្រឹត្តិការណ៍ស៊ីហ្គេមលើកទី៣១ នៅ ទីក្រុង ហាណូយ យប់ថ្ងៃទី២៣ ខែឧសភា ឆ្នាំ២០២២ ដោយមានការចូលរួមពីសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈ កម្មាធិ ការជាតិ រៀបចំការប្រកួតកីឡាស៊ីហ្គេមលើកទី៣២ឆ្នាំ២០២៣(CAMSOC)។
បន្ទាប់ពីទទួលបានទង់ ស៊ីហ្គេម នៅល្ងាចថ្ងៃទី២៤ ខែឧសភា ឆ្នាំ២០២២ CAMSOC និងNOCC បានរៀបចំពិធី ដង្ហែ ទង់ស៊ីហ្គេម ពីអាកាសយានដ្ឋានអន្ដរជាតិភ្នំពេញ តាមមហាវិថីសំខាន់ៗមួយចំនួន ក្នុងរាជ ធានីភ្នំពេញ ឆ្ពោះទៅកាន់វិមានឯករាជ្យ ឆ្ពោះទៅកាន់បណ្តាខេត្តទាំង២៥រាជធានីខេត្ត និងបន្ដ ដង្ហែទៅបញ្ចប់នៅទីស្នាក់ការNOCC ដែលជាការបញ្ជាក់ថា កីឡាស៊ីហ្គេម បានមកដល់កម្ពុជា ជាផ្លូវការហើយ ហើយរួមចំណែកឆ្ពោះទៅកាន់ព្រឹត្តិការណ៍ជាប្រវត្តិសាស្ដ្រ ឆ្នាំ២០២៣ ទាំងអ ស់គ្នា។ ពីទីក្រុងដាវ៉ូស ប្រទេសស្វ៊ីស នៅព្រឹកថ្ងៃទី២៥ ខែឧសភា ឆ្នាំ២០២២ តាមរយៈសារជាសំឡេ ងសម្ដេចតេជោនាយករដ្ឋមន្ដ្រី ហ៊ុន សែន បានបង្ហាញមោទនភាព ចំពោះការទទួលបាន ទង់ស៊ីហ្គេម សម្រាប់ធ្វើជាម្ចាស់ផ្ទះរៀបចំការប្រកួតកីឡាស៊ីហ្គេមឆ្នាំ២០២៣និងការទទួល បានមេដាយទ្វេដង ពីការប្រកួតស៊ីហ្គេមលើកទី៣១ នៅប្រទេសវៀតណាម។
សម្ដេចតេជោ បានចាត់ទុកការទទួលបានទង់ស៊ីហ្គេម រៀបចំការប្រកួត និងការទទួលបានមេដាយច្រើន ក្នុងការប្រកួតស៊ីហ្គេមលើកនេះ ជាកម្រងប្រវត្តិសាស្ដ្រថ្មីរបស់កម្ពុជាក្នុងវិស័យកីឡា។ នេះគឺ ជាចំណុចថ្មី នៃរបត់ប្រវត្តិសាស្ដ្រ ដែលកម្ពុជាបានឆ្លងកាត់ នូវដំណាក់កាលដ៏ល្អ លើការពង្រឹងវិស័យកីឡា។ សម្តេចប្រមុខរាជរដ្ឋាភិបាល ក៏បានថ្លែងអំណរគុណដល់ជនរួមជាតិ កីឡាករ កីឡាការិនី និងថ្នាក់ដឹកនាំ ដែលបានធ្វើពិធី និងចូលរួមដង្ហែទង់ស៊ីហ្គេម ដង្ហែគ្រឿងឥ ស្សរិយយសទាំងឡាយ មកកាន់មាតុប្រទេសវិញ និងចូលទៅកាន់ស្នាក់ គណៈកម្មកា រអូឡាំ ពិកកម្ពុជា។ កីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ នឹងប្រព្រឹត្តិ ទៅពីថ្ងៃ៥ ដល់ថ្ងៃ១៧ ខែឧសភា ឆ្នាំ២០២៣។ ក្នុងនោះកម្ពុជា បានដាក់បញ្ចូលកីឡា៣ប្រភេទ ដែលជាអត្តសញ្ញាណជាតិ គឺកីឡាគុនល្បុក្កតោ កីឡាគុនខ្មែរ និងកីឡាអុកចត្រង្គ ក្នុងចំណោម កីឡាចំនួន៣៨ប្រភេទ ស្មើនឹង៦០៨វិញ្ញាសា និង១ប្រភេទកី ឡាទៀត ជាការ ប្រកួតសម្តែង ។
ដើម្បីជាការអបអរសាទរ ចំពោះមោទនភាពជាតិ ដ៏អស្ចារ្យនេះ សម្ដេចតេជោ ហ៊ុន សែន បាន កំណត់យកថ្ងៃទី២៥ ខែមករា ឆ្នាំ២០២៣ ជាថ្ងៃចាប់ផ្ដើមរាប់ថយក្រោយ១០០ ថ្ងៃឆ្ពោះទៅកា ន់ស៊ីហ្គេម២០២៣ ។ ក្នុងពិធីប្រគល់សញ្ញាបត្រជូននិស្សិតជ័យលាភី នៃសាកលវិទ្យាល័យឯកទេសនៃកម្ពុជា(CU S) ជិត៧ពាន់នាក់ នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ ព្រឹកថ្ងៃ ទី២៣ ខែមករា ឆ្នាំ២០២៣ សម្តេចតេជោនាយករដ្ឋមន្រ្តី ហ៊ុន សែន មានប្រសាសន៍ថា នៅថ្ងៃទី២៥ ខែមករា កម្ពុជានឹងបើកយុទ្ធនាការរាប់ថយក្រោយ១០០ថ្ងៃ នៃការទទួលធ្វើម្ចាស់ផ្ទះ ដើម្បី ប្រកួតស៊ីហ្គេមលើកទី៣២។ គប្បីត្រូវធ្វើឱ្យយុទ្ធនាការនេះ មានការផុលផុសនៅទូទាំងប្រទេស ព្រោះព្រឹត្តិការណ៍នេះ កម្ពុជាបានរង់ចាំអស់រយៈពេលជាងកន្លះសតវត្សរ៍ គឺ៦៤ឆ្នាំមកហើយ។ សម្តេចតេជោបញ្ជាក់ដែរថា កម្ពុជា មិនគ្រាន់តែសម្រាប់ការយកឈ្នះមេដាយប៉ុណ្ណោះទេ ប៉ុន្តែ ត្រូវធ្វើជាម្ចាស់ផ្ទះដែលមានការទទួលខុសត្រូវផ្ដល់នូវការសប្បាយរីករាយសម្រាប់មនុស្សទាំ ងឡាយដែលមកដល់ទឹកដីនៃព្រះរាជាណាចក្រកម្ពុជា។
ដូច្នេះ ស្នើប្រព័ន្ធផ្សព្វផ្សាយទាំងអស់ ចូលរួមផ្សព្វផ្សាយ សម្រាប់យុទ្ធនាការរាប់ថយក្រោយ១០០ថ្ងៃ នៃព្រឹត្តិការណ៍ប្រកួតកីឡាស៊ី ហ្គេម និងប៉ារ៉ាហ្គេមនៅកម្ពុជា។ សម្រាប់ថ្ងៃទី២៥ ខែមករា ឆ្នាំ២០២៣ ត្រូវធ្វើឱ្យមានចលនា ជាតិមួយគឺការរាប់ថយក្រោយដែលនៅថ្ងៃចុងក្រោយ គឺព្រះមហាក្សត្រ ព្រះបាទ នរោត្តម សីហមុនី ព្រះអង្គនឹងយាងទៅអង្គរវត្តអតីតរាជធានីអង្គរ ដើម្បីប្រទានព្រះអគ្គិជ័យ គឺភ្លើងជ័យ កីឡាតែម្ដង។ នៅថ្ងៃទី២១ ខែមីនា ឆ្នាំ២០២៣ នៅមុខប្រាសាទអង្គរវត្ត ព្រះករុណា ព្រះបាទ សម្តេច ព្រះប រមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈ ដ៏ខ្ពង់ខ្ពស់បំផុត បានសព្វព្រះរាជហឫទ័យ ស្តេចយាងប្រោសប្រទានព្រះ អគ្គិជ័យកីឡាស៊ី ហ្គេម២០២៣ ដែលកម្ពុជា ធ្វើជាម្ចាស់ផ្ទះ បន្ទាប់ពីរង់ចាំរយៈពេល៦៤ឆ្នាំ ដោយសារសង្រ្គាម ។
ចាប់ពីថ្ងៃទី២២ ខែមីនា ព្រះអគ្គិជ័យកីឡាត្រូវបាន ដង្ហែទៅកាន់ប្រទេសសមាជិកកីឡា ស៊ីហ្គេមរួមមាន៖ វៀតណាម ហ្វីលីពីន ឥណ្ឌូនេស៊ី ទីម័រខាងកើត ម៉ាឡេស៊ី ប្រ៊ុយណេ សិង្ហបុរី ថៃ មីយ៉ាន់ម៉ា និងប្រទេសឡាវ។ការប្រកួតគឺចាប់ផ្តើមពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២ ០២ ៣។ តាមការលវិភាគ ភ្លើងគប់ស៊ីហ្គេម នឹងដង្ហែចេញពីខេត្តសៀមរាប ឆ្លងកាត់ប្រទេស១០ក្នុង តំប ន់អាស៊ាន ក្នុងរយៈពេល៣ខែ
ហើយចាប់ថ្ងៃទី២៥ ខែមីនា ឆ្នាំ២០២៣ ពិធីដង្ហែភ្លើងគប់នឹង ដង្ហែរជុំវិញទីក្រុងហាណូយ ដើម្បីបន្តដំណើរទៅកាន់ទីក្រុង ម៉ានីល ប្រទេសហ្វីលីពីន មុនចេ ញទៅទីក្រុងបានដាសេរីបេហ្កាវ៉ាន់ ប្រទេសព្រុយណេ នៅថ្ងៃទី២៨ ខែមីនា។ នៅថ្ងៃទី៣១ ខែ មីនា ដង្ហែចេញពីប្រទេសប្រ៊ុយណេ ឆ្ពោះទៅកាន់ទីក្រុង ហ្សាការតា ប្រទេសឥណ្ឌូណេស៊ី បន្ត ឆ្ពោះទៅកាន់ទីក្រុង ឌីលី ប្រទេសទីម័រខាងកើត នៅថ្ងៃទី៧ ខែមេសា។ បន្ទាប់ពីដង្ហែ ក្នុងទី ក្រុងឌីលី ហើយនឹងបន្តឆ្ពោះទៅទីក្រុងគូឡាឡាំពួ ប្រទេសម៉ាឡេស៊ី នៅថ្ងៃទី១១ ខែមេសា រួច បន្តទៅកាន់ទីក្រុងសិង្ហបុរី ប្រទេសសិង្ហបុរី ថ្ងៃទី១២ ខែមេសា។
៣ថ្ងៃបន្ទាប់ ពិធីដង្ហែភ្លើងគប់ នឹងបន្តឆ្ពោះទៅ ទីក្រុងបាងកក ប្រទេសថៃ រួចបន្តដំណើរ ទៅទីក្រុងយ៉ាំងហ្គូន ឬទៅកាន់ណៃ ពិដោ ប្រទេសមីយ៉ាន់ម៉ា នៅថ្ងៃទី២១ ខែមេសា។ នៅថ្ងៃទី២២ ខែមេសា ពិធីដង្ហែនឹងបន្ត ទៅ ទីក្រុងវៀងចន្ទន៍ ប្រទេសឡាវ មុនធ្វើមាតុភូមិនិវត្តន៍ មកកាន់មាតុប្រទេសកម្ពុជាវិញ នៅថ្ងៃទី ២៧ ខែមេសា តាមខេត្តស្ទឹងត្រែង។ បន្ទាប់មក នៅថ្ងៃទី២៨ ខែមេសា នឹងចេញ ដំណើរពី ខេត្ត ស្ទឹងត្រែង ទៅរាជធានីភ្នំពេញ និងនៅថ្ងៃទី៣០ ខែមេសា ចេញពីភ្នំពេញ ទៅកាន់ ខេត្តកំ ពង់ ឆ្នាំង។ នៅថ្ងៃទី០១ ខែឧសភា ក្បូនដង្ហែត្រូវចេញពីកំពង់ឆ្នាំង ទៅខេត្តពោធិ៍សាត់ និងបន្ត ទៅ ខេត្តបាត់ដំបង នៅថ្ងៃទី០២ ខែឧសភា។
នៅថ្ងៃទី០៣ ខែឧសភា ចាប់ដង្ហែពីបាត់ដំបង ទៅខេ ត្តសៀមរាប និងបន្តដំណើរចេញពីខេត្តសៀមរាប ទៅខេត្តកំពង់ធំ នៅថ្ងៃទី៤ និងនៅថ្ងៃទី៥ ដង្ហែពីខេត្តកំពង់ធំ ទៅកាន់ពហុកីឡដ្ឋានមរតកតេជោតែម្តង។ ភ្លើងគប់កីឡាស៊ីហ្គេម ត្រូវបាន បន្តដោយកីឡាការិនីល្បីឈ្មោះ ស៊ន ស៊ីវម៉ី ដែលយោងដោយខ្សែពួរហោះ លើអាកាស គួរឱ្យ ស្ញប់ស្ញែង យកទៅជូនសម្តេច តេជោ ដែលកំពុងមានវត្តមានក្នុងពហុកីឡដ្ឋាន បន្ទាប់ពីដុត ភ្លើងគប់រួច ដើម្បីប្រារព្ធពិធីបើក។ ការដុតពន្លឺភ្លើងជ័យកីឡាលើកទី៣២ ឆ្នាំ២០២៣ ត្រូវបានប ន្តដោយ នាគរាជ ដែលរៀបចំដោយបច្ចេកទេសស្រ៊ីឌី(3D) ដ៏អស្ចារ្យ។ ពិធីបើកមហាព្រឹត្តិការ ណ៍ដ៏អស្ចារ្យ នៃការប្រកួតកីឡាស៊ីហ្គេមលើកទី៣២ ឆ្នាំ២០២៣ ធ្វើឱ្យប្រជាជនកម្ពុជា ទូទាំង ប្រទេស គ្រប់មជ្ឈដ្ឋាន រំភើប យ៉ាងខ្លាំង។
តាមសាវតារ អគ្គិជ័យកីឡាកើតឡើង តាំងពីសម័ យក្រិចបុរាណ ដោយមុនពេលប្រកួតកីឡា គេបានទៅសុំព្រះអគ្គិពីអទិទេព នៅភ្នំអូឡាំពិក។ ពីសម័យបុរាណ វិធីដែលគេធ្វើ គឺគេយកចំណាំងផ្លាតដាក់ទៅលើស្លឹកអូលីវ ដែលស្ងួតរហូត ដល់ស្លឹកអូលីវឆេះ បន្ទាប់មកគេយកភ្លើងនោះទៅហែរបណ្តាក់គ្នារហូតដល់កន្លែងប្រកួតដោ យគេរក្សាភ្លើងនោះមិនឱ្យរលត់ឡើយ រហូតដល់បញ្ចប់ការប្រកួត ។
ជាការកត់សម្គាល់ គ្រប់បណ្តាខេត្ត នៃព្រះរាជាណាចក្រកម្ពុជា និងគ្រប់បណ្តាប្រទេស នៃស មាជិកអាស៊ាន ដែលភ្លើងគប់ស៊ីហ្គេមលើកទី៣២បានទៅដល់ គឺទទួលបានការស្វាគមន៍ ពី ប្រជាជន ពីអ្នកពាក់ព័ន្ធនិងមេដឹកនាំប្រទេសនោះយ៉ាងកក់ក្តៅបំផុត។ នេះជាមោទនភាព ជាតិ ដែលមិនធ្លាប់មានតាំងពីយូរណាស់មកហើយ គឺ៦៤ឆ្នាំ។ នៅយប់ថ្ងៃទី៥ ខែឧសភា ឆ្នាំ២០២៣ ជារាត្រីដ៏អស្ចារ្យ នៃការ បើកមហា ព្រឹត្តិការ ណ៍កីឡា ស៊ីហ្គេម អាស៊ានប៉ារ៉ាហ្គេមលើកទី៣២ អមដំណើរដោយឧត្តមភរិយា គឺសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ សម្តេចពិជ័យសេនាទៀ បាញ់ ឧបនាយរដ្ឋមន្រ្តី រដ្ឋមន្រ្តីក្រសួងការពារជាតិ និងលោកជំទាវ លោក ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូប នីយកម្ម និងសំណង់ កុលបុត្រប្រសូតចេញពីត្រកូលកសិករ នៃខេត្តកំពង់ចាម និងជាអតីតក្មេងវត្តមួយរូប ដែលរលីងរលោងទឹកភ្នែកដោយក្តីរំភើប និងឈរញញិមលើកដៃទាំងពី រគ្រ វីឡើងស្វាគមន៍ទៅកាន់មហាជន ទាំងបានចូលរួមផ្ទាល់ ទាំងទស្សនាតាមកញ្ចក់ទូរទស្សន៍ ឬទូរទស្សន៍អនឡាញនៅគេហដ្ឋាន ឬនៅទីសាធារណៈនានាទូទាំងប្រទេស ដែលកំពុងហ៊ោរកញ្ច្រៀវដោយក្តីសប្បាយរីករាយ និងរំភើប ញាប់ញ័រ សម្តេចតេជោនាយករដ្ឋមន្រ្តី ហ៊ុន សែន មានប្រសាសន៍ទាំងអួលដើម ក ស្ទើរតែមានប្រសាសន៍មិនចេញថា ជយោ !!! ព្រះរាជាណាចក្រកម្ពុជា។ ជយោ!!! ការអភិវឌ្ឍ។
កីឡារស់នៅក្នុងសន្តិភាព សន្តិភា ពដើម្បី ទាំងអស់គ្នា ទាំងអស់គ្នា ដើម្បីសន្តិភាព ហើយក្នុងព្រះបរមនាមព្រះមហាក្សត្រ នៃព្រះ រាជា ណាចក្រកម្ពុជា ក្នុងនាមរាជរដ្ឋាភិបាល និងក្នុងនាមសម្តេចផ្ទាល់ សម្តេចសូមប្រកាសបើ កព្រឹត្តិការណ៍កីឡាអាស៊ីអាគ្នេយ៍ ឬហៅថាស៊ីហ្គេមលើកទី៣២ ឆ្នាំ២០២៣ ចាប់ពីពេល នេះតទៅ។ សម្តេចតេជោ ក៏បានថ្លែងអំណរគុណចំពោះវត្តមានរបស់លោក ថងលួន ស៊ីសូលី ត ប្រធានរដ្ឋឡាវ តំណាងគណៈកម្មាធិការអូឡាំពិកអន្ដរជាតិ (IOC) កីឡាករកីឡាការិនី និង បងប្អូនប្រជាពលរដ្ឋ ដែលចូលរួម និងគាំទ្រដល់ព្រឹត្តិការណ៍កីឡាស៊ីហ្គេមនេះ។
ភាពអស្ចារ្យលើសពីការរំពឹងទុក នៃពិធីបើកព្រឹត្តិការណ៍លើកទី៣២ ឆ្នាំ២០២៣នៅកម្ពុជា ធ្វើ ឱ្យមហាជន ជាពិសេសអ្នកជំនាញផ្នែករៀបចំព្រឹត្តិការណ៍កីឡាលាន់មាត់កោតសរសើរថា ពិធី បើកព្រឹត្តិការណ៍ស៊ីហ្គេមនៅកម្ពុជា គឺល្អហួសពីកម្រិត នៃស៊ីហ្គេមទៅហើយ គឺប្រៀបដូចទៅ នឹងព្រឹត្តិការណ៍វើលខាប់(World Cup)
ឬព្រឹត្តិការណ៍កីឡាអូឡាំពិករបស់ពិភពលោក។ ភាពអស្ចារ្យ ដែលមិនធ្លាប់មានទាំងនៅកម្ពុជា និងតំបន់អាស៊ាន ឬពិភពលោកនេះ ក៏បានធ្វើឱ្យមានការមិនសប្បាយចិត្ត ឬភាសាសាមញ្ញហៅថា ជាការច្រណែន ពីបណ្តា ប្រទេ សជិតខាងកម្ពុជាខ្លះទៀតផង។
តាមការសង្កេតនៅពេលព្រឹត្តិការណ៍ស៊ីហ្គេមចាប់ផ្តើមនៅលើបណ្តាញសង្គមហ្វេសប៊ុកគេ ឃើញមានការបង្ហោះ នូវរូបភាពស្តីពីកីឡា និងសារអបអរសាទរកោតសរសើរពីការរៀបចំ និងការប្រកួត កីឡាស៊ីហ្គេមនៅកម្ពុជា ដោយក្តីរំភើប និងមោទនៈ ចេញពីគ្រប់ទីកន្លែងទូ ទាំង២៥ រាជធានី ខេត្ត សូម្បីតាម ភោជនីយដ្ឋាន កន្លែងកន្សាន្ត ឬកន្លែងជួបជុំនានា។ ទាំងនេះ គឺជាសមិទ្ធផលដ៏អស្ចារ្យចេញពីទេពកោសល្យ និងសិល្បៈ នៃការការដឹកនាំ ប្រកបដោយ គតិបណ្ឌិត និងឧត្តមគតិជាតិខ្ពស់របស់សម្តេចតេជោនាយករដ្ឋមន្រ្តី ហ៊ុន សែន។ ដើម្បីអបអរសាទរ ប្រកបដោយមោទនភាពជាតិនេះដែរ មុនពេលព្រឹត្តិការណ៍ស៊ីហ្គេមមកដល់ សម្តេចតេជោ នាយករដ្ឋមន្រ្តី ហ៊ុន សែន បានហាម ឬបញ្ជាដាច់ណាត់ មិនឱ្យមានការលក់ សំបុត្រ សម្រាប់មហាជនទាំងការចូលរួមពិធីបើក ពិធីបិទ និងការចូលទស្សនាការប្រកួត កីឡាស៊ីហ្គេមនៅកម្ពុជាផងដែរ។
តាមរយៈសារជាសំឡេងដ៏ម៉ឺងម៉ាត់គួរឱ្យគោរពស្ងើចសរសើរ ផ្ញើជូនជនរួមជាតិ ថ្ងៃទី៣០ខែមី នា ឆ្នាំ២០២៣ សម្តេចតេជោ ហ៊ុន សែន មានប្រសាសន៍ថា សម្តេច បានទទួល ព័ត៌មាន ពីស ម្តេចពិជ័យសេនា ទៀ បាញ់ រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ ថាមានការលក់សំបុត្រសម្រាប់ទស្សនាព្រឹត្តិការណ៍ប្រកួតស៊ីហ្គេម។
សម្តេចតេជោ បានអះអាងថា កម្ពុជាបានចំណាយដវិការាប់ទាំងមូលដ្ឋានសម្ភារៈបច្ចេកទេស ក៏ដូចជាជំនួយពីមិត្តចិន សម្រាប់ការកសាងនូវមូលដ្ឋាននៃការប្រកួត ព្រមទាំងចំណាយ នូវធនធានជាច្រើន ដើម្បីកសាងហេដ្ឋារចនាសម្ព័ន្ធដទៃទៀតរាប់រយលានដុល្លារ និងចំណាយជាច្រើនឆ្នាំ ទម្រាំកើតចេញជារូបរាង នៃការប្រកួត។ ដូច្នេះសម្តេចមិនយល់ព្រមជាដាច់ខាត ចំពោះការលក់សំបុត្រទាំងពេលចូលបើក និងចូលបិទ ក៏ដូចជាការប្រកួតកីឡាផ្សេងៗទៀត ក្នុងការប្រកួតស៊ីហ្គេម។ សម្តេចតេជោ ក៏បានចេញនូវយន្តការចំនួន៣ សម្រាប់ការចូលទស្សនាកីឡាស៊ីហ្គេមនេះ៖
ទី១. មិនឱ្យមានការលក់សំបុត្រ ទាំងការចូលបើកនិងចូលបិទ កីឡា
ទី២. ឱ្យពលរដ្ឋចូលទស្សនាដោយសេរី គ្មានការបង់ប្រាក់ និង ទី៣. សម្រាប់ការប្រកួតតាមវិញ្ញាសានានា ក៏មិនត្រូវឱ្យបង់ថ្លៃណាមួយឡើយ។ ក្រុមណាមួយ ផ្នែកណា ដែលអនុវត្តផ្ទុយនឹងបទបញ្ជារបស់សម្តេច នឹងត្រូវទទួលខុសត្រូវចំពោះមុខនាយករដ្ឋមន្ត្រី និងចំពោះមុខច្បាប់។ សម្តេចតេជោ ហ៊ុន សែន បញ្ជាក់ថា «យើងបានធ្វើកិច្ចការច្រើនហើយ សូមអ្នកទាំងអស់គ្នាយកចិត្តទុកដាក់ ធ្វើបុណ្យ១០០សំពៅ ទោសមួយ ចូលទៅរលាយបាត់អស់ សូមចាំនូវពាក្យនេះ យើងចាយលុយអស់រាប់រយលានដុល្លារ តើយើងប្រមូល លុយតាមរយៈការលក់សំបុត្រឱ្យជនជាតិឯង ដែលត្រូវចូលទស្សនានេះរបៀបណាទៅ តើបានប៉ុន្មានទៅ បើអ្នកទាំងអស់គ្នាចង់បានលុយ សូមមកទទួលយកលុយពីខ្ញុំ ខ្ញុំទទួលខុសត្រូវ» ។
មួយថ្ងៃបន្ទាប់ គឺក្នុងកិច្ចប្រជុំគណៈរដ្ឋមន្ត្រី ព្រឹកថ្ងៃទី៣១ ខែមីនា ឆ្នាំ២០២៣ សម្តេចតេជោនាយករដ្ឋមន្ត្រី ហ៊ុន សែន បានចេញនូវសេចក្តីសម្រេចមួយទៀត គឺការមិនអនុញ្ញាតឱ្យយកថវិកាសម្រាប់ការផ្សាយបន្តទៅក្រៅប្រទេស ក្នុងព្រឹត្តិការណ៍ប្រកួតកីឡាស៊ីហ្គេមលើកទី៣២ នៅកម្ពុជា ។ ក្រៅពីនេះ សម្តេចនាយករដ្ឋមន្រ្តី ហ៊ុន សែន ក៏បានសម្រេចមិនតម្រូវឱ្យប្រតិភូកីឡាអាស៊ីអាគ្នេយ៍ទាំងអស់បង់ថ្លៃហូបចុក ថ្លៃស្នាក់នៅក្នុងម្នាក់ៗចំនួន៥០ដុល្លារអាមេរិក ក្នុង១ថ្ងៃផងដែរ។
រាលការសម្រេចចិត្តនេះ ធ្វើឱ្យមានការគាំទ្រយ៉ាងគគ្រឹកគ្រេងពីមហាជនកម្ពុជា ទាំងក្នុង និងក្រៅប្រទេស រួមទាំងអន្តរជាតិផងថា កម្ពុជា ជាប្រទេស តូច តែបេះដូងទូលាយ។ នៅចុងខែមេសា ឆ្នាំ២០២៣ ក្នុងពិធីបុណ្យបញ្ចុះខណ្ឌសីមាព្រះវិហារ ពុទ្ធាភិសេក និងឆ្លងសមិទ្ធផលនានាក្នុងវត្តព្រះបារមីវង្កតបុរី សង្កាត់ទឹកថ្លា ខណ្ឌសែនសុខ រាជធានីភ្នំពេញ សម្តេចតេជោនាយករដ្ឋមន្ត្រី ហ៊ុន សែន បានប្រកាសពីការបន្ថែមថវិកា ចំនួន៧លានដុល្លារបន្ថែមទៀត សម្រាប់ការស្នាក់នៅ និងហូបចុករបស់គណៈប្រតិភូនានា ដែលមកចូលរួមព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម។ សម្តេចតេជោបញ្ជាក់ថា ការចំណាយ៧លានដុល្លារបន្ថែមទៀត គឺដើម្បីចិញ្ចឹមកីឡាករ កីឡាការិនី បរទេស ដែលមកប្រកួតនៅកម្ពុជា ព្រោះជាធម្មតា ពេលកីឡាករកម្ពុជាចេញទៅប្រកួតនៅប្រទេសគេ គឺគេយកថ្លៃ៥០ដុល្លារម្នាក់ក្នុង១ថ្ងៃ ប៉ុន្តែ សម្រាប់កម្ពុជា គឺយើងមិនឱ្យបង់ថ្លៃពីគេទេ កម្ពុជាទទួលចិញ្ចឹមគេតែម្តង។
ទោះបីមានភាពរកាំរកូស បន្តិចបន្តួច ដែលបង្កឡើងដោយកីឡាករបាល់ទាត់បុរសជនជាតិថៃម្នាក់ ធ្វើឱ្យមានការថ្នាំងថ្នាក់មិនប្បាយចិត្តពីមហាជន និងមជ្ឈដ្ឋានទូទៅ ក្រោយបញ្ចប់ការប្រកួត ជាលទ្ធផល កម្ពុជាទទួលបានចំណាត់ថ្នាក់លេខ៤ ដោយទទួលបានមេដាយសរុប២៨២គ្រឿង ក្នុងនោះមេដាយមាស៨១គ្រឿង មេដាយប្រាក់៧៤ និងមេដាយសំរឹទ្ធ១២៧ គ្រឿង។ ប្រទេសដែលឈរលំដាក់លេខ១ គឺប្រទេសវៀតណាម
ទទួលបានមេដាយសរប៣៥៥គ្រឿង។លេខ២បានទៅព្រះរាជាណាចក្រថៃ ដែលទទួលបានមេដាយសរុប ៣១២គ្រឿង លេខ៣ ប្រទេសឥណ្ឌូនេស៊ី ទទួលបានមេដាយសរុប២៧៦គ្រឿង។
លេខ៥ បានទៅប្រទេសហ្វីលីពីន ដែលទទួលបានមេដាយសរុប ២៥០គ្រឿង លេខ៦ បានទៅប្រទេស សិង្ហបុរី ដែល ទទួ ល បា នមេដាយសរុប១៥៧គ្រឿង លេខ៧ បានទៅប្រទេសម៉ាឡេស៊ី ដែលទទួលបានមេដាយ ស រុប១៧៥គ្រឿង លេខ៨បានទៅប្រទេសមីយ៉ាន់ម៉ាដែលទទួលបាន មេដាយសរុប ១១៤គ្រឿង លេខ៩ បានទៅប្រទេសឡាវ ដែលទទួលបានមេដាយសរុប៨៨គ្រឿង លេខ១០ បានទៅប្រ ទេស ប្រ៊ុយណេដារូសាឡឹម ដែលទទួលមេដាយសរុប ៩គ្រឿង និងលេខ១១ បានទៅប្រទេ សទីម័រខាងកើត ដែលទទួលបានមេដាយសរុប៨ គ្រឿង។ ក្នុងពិធីបិទមហាព្រឹត្តិការណ៍ស៊ីហ្គេម នៅយប់ថ្ងៃទី១៧ ខែឧសភា ឆ្នាំ២០២៣ សម្តេចតេជោនា យករដ្ឋមន្រ្តី ហ៊ុន សែន មានប្រសាសន៍ឡើងវិញថា កីឡារស់ក្នុងសន្តិភាព សន្តិភាពដើម្បីទាំ ងអស់គ្នា ទាំងអស់គ្នា ដើម្បីសន្តិភាព។
សម្តេចតេជោ ក៏បានលើកជាសំណួរ ដ៏សំខាន់ចំនួន ៣ទៅកាន់មហាជនដែលមកទស្សនាផ្ទាល់ និងប្រជាជនទូទាំងប្រទេសដោយរំភើបថា តើស ប្បាយចិត្តទេ ? តើនេះ ជាសមិទ្ធផលរួម គួរជាទីមោទនៈរបស់ប្រជាជនខ្មែរគ្រប់និន្នាការមែនទេ ? តើចង់ឱ្យមានមហាព្រឹត្តិការណ៍ស៊ីហ្គេមនៅឆ្នាំ២០៤៣ ទៀតទេ?គ្រប់សំណួរដែលសម្តេចតេជោបានសួរ ទទួលបានការឆ្លើយតបមកវិញ នូវសំឡេងហ៊ោរកញ្រ្ចៀវយ៉ាងសប្បាយរីករាយ ទ្រហឹងអឺងកង បញ្ជាក់ពីការស្វាគមន៍យ៉ាងកក់ក្តៅរបស់ពួកគេ ក្នុងការទទួលយកនូវសមិទ្ធផលសន្តិភាព លទ្ធផលដែលរាជរដ្ឋាភិបាលបានធ្វើ និងបន្តធ្វើនៅថ្ងៃអនាគត។ សម្តេចតេជោ ក៏សូមឱ្យមានការអធ្យាស្រ័យអភ័យទោសពីមហាជនគ្រប់មជ្ឈដ្ឋានផងដែរ ប្រសិនបើការរៀបចំមហាព្រឹត្តិការណ៍ស៊ីហ្គេមនេះ មានភាពខ្វះចន្លោះ ឬមានកំហុសឆ្គងដោយអចេតនាណាមួយ។
សម្តេចតេជោ ហ៊ុន សែន បានឧទ្ទិសសមិទ្ធផលស៊ីហ្គេម លើកទី៣២ នៅកម្ពុជាឱ្យទៅជាចំណែកមួយ នៃជោគជ័យក្នុងក្របខ័ណ្ឌស្មារតីសាមគ្គីភាពរបស់អាស៊ាន និងបានអំពាវនាវឱ្យពលរដ្ឋ ចូលរួមជាមួយរាជរដ្ឋាភិបាល ក្នុងការការពារសន្ដិភាពឱ្យខាងតែបាន ដើម្បីមានឱកាសរៀបចំព្រឹត្តិការណ៍ ដ៏អស្ចារ្យដូចការប្រកួតកីឡាស៊ីហ្គេមបន្តទៀត។ ថ្លែងក្នុងពិធីប្រគល់សញ្ញាបត្រដល់និស្សិតសាកលវិទ្យាល័យ វិទ្យាសាស្ត្រសុខាភិបាលចំនួនជាង ១៣០០នាក់ ព្រឹកថ្ងៃទី១៨ ខែឧសភា ឆ្នាំ២០២៣ សម្តេចតេជោ ក៏មានប្រសាសន៍ដែរថា ការមិនយកថវិកាពីប្រតិភូកីឡា ក៏ដូចជាកីឡាករ និងអ្នកសារព័ត៌មានបរទេស លើការផ្សព្វផ្សាយព័ត៌មាន ជាពិសេសការមិនយកថវិកាពីការលក់សំបុត្រចូលទស្សនាការប្រកួត ក្នុងនាមកម្ពុជាធ្វើជាម្ចាស់ផ្ទះកីឡាស៊ីហ្គេមលើកទី៣២គឺជាការលើកតម្កើង និងតម្កល់បន្សល់កិត្តិយស កេរ្តិ៍ឈ្មោះកម្ពុជាតទៅរាប់រយឆ្នាំខាងមុខ។ សម្តេចតេជោ ហ៊ុន សែន មានប្រសាសន៍ថា លុយអាចចាយអស់ ក៏ប៉ុន្តែកិត្តិយស និងកិត្យានុភាពរបស់ជាតិ ចាយមិនអស់ទេ។
ដូច្នេះ ក្នុងនាមសមាជិកអាស៊ាន សម្តេចមានគំនិតផ្តួចផ្ដើមក្នុងការបង្កើតកម្មវិធីនេះ ហើយកម្ពុជាបានធ្វើសកម្មភាពមុនគេ ដើម្បីជាការពង្រឹងសាមគ្គីភាពនៅក្នុងប្រជាជនអាស៊ាន។ ក្នុងពិធីប្រគល់សញ្ញាបត្រជូនដល់និស្សិតជ័យលាភី នៃសាកលវិទ្យាល័យ ភូមិន្ទកសិកម្ម វិទ្យាស្ថានជាតិកសិកម្ម ព្រែកលៀប និងវិទ្យាស្ថានជាតិកសិកម្ម កំពង់ចាម ជាង៣០០០ នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ ព្រឹកថ្ងៃ១៥ ឧសភា ឆ្នាំ២០២៣ មុនថ្ងៃបិទបញ្ចប់មហាព្រឹត្តិការណ៍ស៊ីហ្គេមលើកទី៣២ ពីរថ្ងៃ សម្ដេចតេជោ ហ៊ុន សែន មានប្រសាសន៍ថា មានមនុស្សប្រហែល៨០% មានការក្តុកក្តួល និងស្រក់ទឹកភ្នែក ដោយក្តីរំភើប នៅពេលឃើញព្រឹត្តិការណ៍បើកស៊ីហ្គេម នាពេលកន្លងទៅ។
ប៉ុន្ដែមិនមែនស្រក់ទឹកភ្នែកដោយសារគេធ្វើបាបនោះទេ គឺស្រក់ទឹកភ្នែកដោយសារមោទនភាពជាតិ ហើយព្រឹត្តិ ការណ៍ស៊ីហ្គេម ក៏បានធ្វើឱ្យសម្តេចរំជួលចិត្តផងដែរ ដោយមិននឹកស្មានថា កម្ពុជាមានថ្ងៃនេះផងទេ។ជាមួយនឹងមោទនភាពនេះ សម្តេចតេជោ ហ៊ុន សែន បានចែករំលែក នូវមហាព្រឹត្តិការណ៍ដ៏ជោគជ័យនេះ ទៅដល់មហាជនទូទាំងប្រទេស ដោយសម្តេច មានប្រសាសន៍ថា នេះមិនមែនជារបស់ ហ៊ុន សែន ផ្តាច់មុខ ហើយក៏មិនមែនរបស់រាជរដ្ឋាភិបាល ឬគណបក្សប្រជាជន ប៉ុន្តែ គឺ ជារបស់មនុស្សទាំងអស់គ្នា ទូទាំងព្រះរាជាណាចក្រកម្ពុជា។
សម្ដេចតេជោ បានឱ្យដឹងដែរថា សម្រាប់ការរៀបចំព្រឹត្តិការណ៍ស៊ីហ្គេមនេះ រាជរដ្ឋាភិបាលបានចំណាយថវិកាសរុបជាង១១៨លានដុល្លារ ព្រោះការរៀបចំព្រឹត្តិការណ៍ស៊ីហ្គេម ជាកាតព្វកិច្ចរបស់រដ្ឋជាសមាជិកអាស៊ាន។ សម្ដេចតេជោ ហ៊ុន សែន ក៏បានប្រកាសមិនយកលុយថ្លៃសំបុត្រ សម្រាប់កីឡាករ កីឡាការិនី ដែលអញ្ជើញទស្សនាប្រាសាទអង្គរវត្តទៀតផង។ សម្ដេចតេជោ ហ៊ុន សែន មានប្រសាសន៍ថា ប្រសិនបើកីឡាករ កីឡាការិនី បរទេស បន្ទាប់ពីការប្រកួតហើយចង់ទៅមើលអង្គរ គឺរាជរដ្ឋាភិបាលអនុញ្ញាតឱ្យ
ចូលទស្សនាដោយមិនបាច់សំបុត្រនោះទេ។ គឺកីឡាករ កីឡាការិនី និងប្រតិភូកីឡាទាំងអស់ អាចចូលមើលអង្គរវត្តដោយឥតគិតថ្លៃ លើកលែងអ្នកដែលមកគាំទ្រកីឡាតែប៉ុណ្ណោះ។ សម្តេចនាយករដ្ឋមន្រ្ដី បានថ្លែងអំណរគុណ ដល់បណ្តាប្រទេសនានា នៃអាស៊ាន ដែលបានបញ្ជូនកីឡាករ កីឡាការិនី និងផ្ដល់ការគាំទ្រមកដល់កម្ពុជាក្នុង ឋានៈជាម្ចាស់ផ្ទះ។ សម្តេចតេជោ ក៏បានផ្ញើសារអរគុណជាអនេក ជូនចំពោះប្រជាជនចិនជាពិសេសជូនលោកប្រធានាធិបតីចិន ស៊ី ជីនពីង ដែលលោកក៏ដូចជាប្រជាជនចិន បានផ្ដល់ជាអំណោយពហុកីឡដ្ឋានដ៏ស្រស់ស្អាត និងរឹងមាំ សម្រាប់កម្ពុជា ក្នុងការបើកកីឡាស៊ីហ្គេមឆ្នាំ២០២៣។
សម្ដេចតេជោ ក៏មិនភ្លេចថ្លែងអំណរព្រះគុណ ដល់ព្រះករុណា ព្រះបិតាព្រះបរមរតនកោដ្ឋ នរោត្តម សីហនុ ដែលបានបន្សល់ទុកនៅពហុកីឡដ្ឋានជាតិអូឡាពិកសម្រាប់ការប្រកួតកីឡាស៊ីហ្គេម បន្ទាប់ពី៦៤ ឆ្នាំមុន ដែលព្រះអង្គបានធ្វើនៅទីនេះ។ សម្តេចតេជោ ក៏ថ្លែងអំណរព្រះគុណជាពិសេស ដល់អង្គ ព្រះមហាក្សត្រ នរោត្តម សីហមុនី និងហ្វួងម៉ែ ដែលបានផ្ញើសារជាសំឡេងមកសម្តេច ដើម្បីថ្លែងអំណរគុណ ចំពោះរាជរដ្ឋាភិបាល ក្នុងការរៀបចំដ៏ល្អឥតខ្ចោះក្នុងព្រឹត្តិការណ៍កីឡាស៊ីហ្គេមនៅកម្ពុជា។ សម្តេចតេជោនាយករដ្ឋមន្រ្ដី បានចាត់ទុកថា អ្វីៗទាំងនេះ ជារបស់ប្រជារាស្ត្រខ្មែរ ទាំងព្រះមហាក្សត្រ រហូតដល់ប្រជាជនសាមញ្ញា ព្រោះជាមោទនភាព ជាតិទាំងមូល ហើយសម្តេចសង្ឃឹមថា នឹងបញ្ចប់ដោយជោគជ័យជា មួយនឹងអ្វីៗគ្រប់យ៉ាងដោយសុវត្ថិភាព។
អ្វីដែលជាការកត់សម្គាល់ គឺនៅមុនពេលវត្តមានសម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅពហុកីឡដ្ឋាន មរតកតេជោ ដើម្បីបិទបញ្ចប់មហាព្រឹត្តិការណ៍ស៊ីហ្គេមបន្តិច មានព្រឹត្តិការណ៍ដ៏អស្ចារ្យ គឺមេឃចាប់ផ្តើមធ្លាក់ភ្លៀងខ្លាំង លាយឡំដោយខ្យល់ និងផ្គរខ្លាំងផង លុះវត្តមានសម្តេចទាំងទ្វេទៅដល់ មេឃក៏ចាប់ផ្តើមរាំង ហើយក៏ស្រឡះល្អឡើងវិញ៕
