ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ចំណាយលើកការព្យាបាលអ៊ំប្រុស ឃឹម ផា ជាកសិកររស់នៅខេត្តពោធិ៍សាត់ មានជំងឺរលាកថ្លើម និងជំងឺផ្សិតបំពង់អាហារ

ភ្នំពេញ៖ អ៊ំប្រុស ឃឹម ផា អាយុ ៦៥ ឆ្នាំ ជាកសិកររស់នៅភូមិស្វាយមាស ឃុំចំរេីនផល ស្រុកសំពៅមាស ខេត្តពោធិ៍សាត់ មានជំងឺរលាកថ្លើម និងជំងឺផ្សិតបំពង់អាហារ ។

ដោយទឹកចិត្តសប្បុរសដ៏ខ្ពង់ខ្ពស់ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានចាត់ឱ្យក្រុមគ្រូពេទ្យយុវជនស្ម័គ្រចិត្តសម្តេចតេជោ (TYDA) ជួយព្យាបាលអ៊ំប្រុស នៅមន្ទីរពេទ្យមិត្តភាពកម្ពុជា-ចិនព្រះកុសមៈ រហូតទទួលបានភាពធូរស្បេីយ និងល្អប្រសេីរឡេីងវិញ ។

បច្ចុប្បន្ន អ៊ំប្រុស ត្រូវបានអនុញ្ញាតឲ្យចេញទៅផ្ទះ ប៉ុន្តែត្រូវណាត់តាមដានជំងឺជាមួយក្រុមគ្រូពេទ្យយើងបន្តមួយរយ:សិន។

ការចំណាយទាំងអស់ទាំងក្នុងការព្យាបាល ការស្នាក់នៅ និងហូបចុក គឺត្រូវបានឧបត្ថម្ភទំនុកបម្រុងដោយ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី៕