លោកជំទាវប្រធានរដ្ឋសភា អនុញ្ញាតឱ្យ ឯកអគ្គរាជទូតកម្ពុជា ចំនួន៧រូប ចូលជួបសម្តែងការគួរសម មុនពេលទៅបំពេញបេសកកម្មការទូតនៅប្រទេសជាមិត្ត
ភ្នំពេញ៖ លោកជំទាវ កិត្តិសង្គហបណ្ឌិត ឃួន សុដារី ប្រធានរដ្ឋសភា នារសៀលថ្ងៃទី២៨ ខែសីហា ឆ្នាំ២០២៣ បានអនុញ្ញាតឱ្យ ឯកអគ្គរាជទូតនៃព្រះរាជាណាចក្រកម្ពុជា ទើបតែងតាំងថ្មី ចំនួន៧រូប ចូលជួបសម្តែងការគួរសម និងទទួលអនុសាសន៍ មុនពេលអញ្ជើញទៅបំពេញបេសកកម្មការទូតប្រចាំនៅប្រទេសជាមិត្តនានា នៅវិមានរដ្ឋសភា។
ឯកអគ្គរាជទូតទាំង៧រូប ដែលត្រូវអញ្ជើញទៅបំពេញបេសកកម្មការទូតប្រចាំប្រទេសជាំមិត្តនានារួមមាន៖
១. ឯកឧត្តម លុយ ដាវីត ឯកអគ្គរាជទូតវិសាមញ្ញ និងពេញសមត្ថភាពកម្ពុជា ប្រចាំប្រទេសបារាំង
២. ឯកឧត្តម ឡាយ សំកុល ឯកអគ្គរាជទូតវិសាមញ្ញ និងពេញសមត្ថភាពកម្ពុជា ប្រចាំប្រទេសអង់គ្លេស
៣. ឯកឧត្តម សុក ជា ឯកអគ្គរាជទូតវិសាមញ្ញ និងពេញសមត្ថភាពកម្ពុជា ប្រចាំប្រទេសតួកគី
៤. ឯកឧត្តម ទាន សំណាង ឯកអគ្គរាជទូតវិសាមញ្ញ និងពេញសមត្ថភាពកម្ពុជា ប្រចាំប្រទេសឥណ្ឌូនេស៊ី
៥. ឯកឧត្តម ហ៊ុលក្រង ផាណង ឯកអគ្គរាជទូតវិសាមញ្ញ និងពេញសមត្ថភាពកម្ពុជា ប្រចាំប្រទេសឡាវ
៦. ឯកឧត្តម ឈាង ធីរ៉ា ឯកអគ្គរាជទូតវិសាមញ្ញ និងពេញសមត្ថភាពកម្ពុជា ប្រចាំប្រទេសអាល្លឺម៉ង់
៧. ឯកឧត្តម តាន់ ប៊ុនប៉ា ឯកអគ្គរាជទូតវិសាមញ្ញ និងពេញសមត្ថភាពកម្ពុជា ប្រចាំប្រទេសស៊ែប៊ី ៕
