ឧបនាយករដ្ឋមន្ត្រី ហង់ ជួនណារ៉ុន អញ្ជើញទស្សនកិច្ចពិនិត្យលើការអនុវត្តកម្មវិធី អំណានដំបូង EGRA & គណិតវិទ្យាដំបូង EGMA នៅសាលាគរុកោសល្យ និងវិក្រឹតការខេត្តកំពង់ឆ្នាំង

ភ្នំពេញ៖ ឯកឧត្តម ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នៅព្រឹកថ្ងៃទី២៨ ខែសីហា ឆ្នាំ២០២៣ បានអញ្ជើញទស្សនកិច្ចពិនិត្យលើការអនុវត្តកម្មវិធី អំណានដំបូង EGRA & គណិតវិទ្យាដំបូង EGMA នៅសាលាគរុកោសល្យ និងវិក្រឹតការខេត្តកំពង់ឆ្នាំង។

ក្នុងឱកាសនេះ ឯកឧត្តម ហង់ ជួនណារ៉ុន ឧបនាយករដ្ឋមន្ត្រី បានវាយតម្លៃខ្ពស់ និងថ្លែងអំណរគុណសាលាគរុកោសល្យ និងវិក្រឹតការខេត្តកំពង់ឆ្នាំង ដែលបានអនុវត្តកម្មវិធីអំណានដំបូង និងគណិតវិទ្យាដំបូង និងបានផ្តល់អនុសាសន៍ដូចជា៖

ទី១.សម្រាប់ការបណ្ដុះបណ្ដាលគ្រូបឋមសិក្សានឹងត្រូវចាប់ផ្តើមអនុវត្តប្រពន្ធ័១២+៤។

ទី២.នាយកដ្ឋានបណ្តុះបណ្តលនិងវិក្រឹតការ និងនាយកដ្ឋានបឋមសិក្សាត្រូវរៀបចំអញ្ជើញគ្រូបង្រៀនល្អ មកបង្រៀន ឬបង្ហាញបទពិសោធន៍បង្រៀនល្អដល់គរុសិស្ស។

ទី៣.នាយកសាលាត្រូវរៀបចំបន្ទប់កុំព្យូទ័រ ដោយយកវីដេអូរបស់គ្រូបង្រៀនល្អ មកបង្ហាញដល់គរុសិស្ស ជាពិសេសផ្ដោតលើអំណានដំបូង និងគណិតវិទ្យាដំបូង។

ទី៤.នាយកដ្ឋានបណ្តុះបណ្តល និងវិក្រឹតការត្រូវពិនិត្យមើលឡើងវិញលើវិធីសាស្រ្តបង្រៀន មុខវិជ្ជាវិទ្យាស្រ្ត ដោយមានថតជាវីដេអូ និងថតសម្ភារឧបទេសសម្រាប់បង្រៀន ហើយចងក្រងជាឯកសារទន់ និងរៀបចំជាតារាងទៅតាមលំដាប់មេរៀន ៕