បណ្ឌិត ហ៊ុន ម៉ាណែត៖ ពាក្យ «រើសដុំថ្មគប់ឆ្កែ» ជាពាក្យរបស់អតីតនាយករដ្ឋមន្ត្រីអង់គ្លេស ក្នុងសម័យសង្គ្រាមលោកលើកទី២

ភ្នំពេញ៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានលើកឡើងថា ពាក្យ «បើយើងរវល់តែឈប់ ហើយរើសដុំថ្មគប់ឆ្កែទាំងអស់ ដែលព្រុសដាក់យើង យើងមិនអាចដើរដល់គោលដៅទេ» ជាពាក្យស្លោករបស់ អតីតនាយករដ្ឋមន្រ្តី ក្នុងសម័យសង្គ្រាមលោកលើកទី២ គឺលោក វីនស្តុន ឆឺឈីល ។

ក្នុងឱកាសជួបសំណេះសំណាលជាមួយកម្មករ និយោជិតជិត ២ម៉ឺននាក់ នៅតំបន់ព្រៃស្ពឺ ខណ្ឌពោធិ៍សែនជ័យ នាថ្ងៃទី២៩ ខែសីហា ឯកឧត្តមបានលើកឡើងថា ឯកឧត្តមស្រលាញ់ពាក្យស្លោកមួយរបស់ អតីតនាយករដ្ឋមន្រ្តីអង់គ្លេស ក្នុងសម័យសង្គ្រាមលោកលើកទី២ គឺលោក វីនស្តុន ឆឺឈីល ដែលគាត់មានឃ្លាមួយថា «បើយើងរវល់តែឈប់ ហើយរើសដុំថ្មគប់ឆ្កែទាំងអស់ ដែលព្រុសដាក់យើង យើងមិនអាចដើរដល់គោលដៅទេ» ៕