ឯកឧត្ដមសន្តិបណ្ឌិត សុខ ផល មានភារកិច្ចជួយរដ្ឋមន្ត្រីមហាផ្ទៃ លើការងារផែនសន្តិសុខ
ភ្នំពេញ៖ ឯកឧត្ដមសន្តិបណ្ឌិត សុខ ផល ជារដ្ឋលេខាធិការ មានភារកិច្ចជួយឯកឧត្ដមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ លើការងារផែនសន្តិសុខ ។
ជាមួយគ្នានោះដែររដ្ឋមន្ត្រី ស សុខា ក៏បានបែងចែកការងារជូនអនុរដ្ឋលេខាធិការមានឯកឧត្ដម នៅ លក្ខណា សម្រាប់ជួយកិច្ចការងារឯកឧត្ដមសន្តិបណ្ឌិត សុខ ផល ។
នេះបើយោងតាមសេចក្ដីសម្រេច កំណត់របៀបរបបការងារ និងបែងចែកភារកិច្ចជូនរដ្ឋមន្ត្រី រដ្ឋលេខាធិការ និងអនុរដ្ឋលេខាធិការ សំដៅធានាការអនុវត្តច្បាប់ និងដឹកនាំកិច្ចការទូទៅរបស់ក្រសួងមហាផ្ទៃ កាលពីថ្ងៃទី២៨ ខែសីហា ឆ្នាំ២០២៣ ។
