ឯកឧត្ដម អ៊ុត សំអន និងឯកឧត្ដម អ៊ុង សាមី មានភារកិច្ចជួយរដ្ឋមន្ត្រីមហាផ្ទៃ លើការងារកិច្ចការរដ្ឋបាលក្រុង ស្រុក ឃុំ សង្កាត់ និងក្រុមការងារអន្តរក្រសួងឆ្វៀលដីពីតំបន់ការពារ
ភ្នំពេញ៖ ឯកឧត្ដម អ៊ុត សំអន និងឯកឧត្ដម អ៊ុង សាមី ជារដ្ឋលេខាធិការ មានភារកិច្ចជួយឯកឧត្ដមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ លើការងារកិច្ចការរដ្ឋបាលក្រុង ស្រុក ឃុំ សង្កាត់ និងក្រុមការងារអន្តរក្រសួងឆ្វៀលដីពីតំបន់ការពារ ។
ជាមួយគ្នានោះដែររដ្ឋមន្ត្រី ស សុខា ក៏បានបែងចែកការងារជូនអនុរដ្ឋលេខាធិការមានឯកឧត្ដម ស្រេង វង្សហៀង និងឯកឧត្ដម អ៊ីវ លាង សម្រាប់ជួយកិច្ចការងារឯកឧត្ដម អ៊ុត សំអន និងឯកឧត្ដម អ៊ុង សាមី ។
នេះបើយោងតាមសេចក្ដីសម្រេច កំណត់របៀបរបបការងារ និងបែងចែកភារកិច្ចជូនរដ្ឋមន្ត្រី រដ្ឋលេខាធិការ និងអនុរដ្ឋលេខាធិការ សំដៅធានាការអនុវត្តច្បាប់ និងដឹកនាំកិច្ចការទូទៅរបស់ក្រសួងមហាផ្ទៃ កាលពីថ្ងៃទី២៨ ខែសីហា ឆ្នាំ២០២៣ ។
