រដ្ឋមន្ត្រីក្រសួងសង្គមកិច្ច អញ្ជើញជាអធិបតីក្នុងកិច្ចប្រជុំការធ្វើបទបង្ហាញអំពីតួនាទី និងភារកិច្ចរបស់អគ្គនាយកដ្ឋានស្តារសម្បទា
ភ្នំពេញ៖ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នារសៀលថ្ងៃអង្គារ ទី០៥ ខែកញ្ញា ឆ្នាំ២០២៣ បានអញ្ជើញជាអធិបតីក្នុងកិច្ចប្រជុំការធ្វើបទបង្ហាញអំពីតួនាទី និងភារកិច្ចរបស់អគ្គនាយកដ្ឋានស្តារសម្បទា នៅទីស្តីការក្រសួង។
ឯកឧត្តម សន សុផល អគ្គនាយកនៃអគ្គនាយកដ្ឋានស្ដារសម្បទាបានលើកឡើងថា ច្បាប់ស្ដីពីយុត្តិធម៌អនីតិជន មានគោលបំណង៖
១.ធានាការពារសិទ្ធិ និងឧត្តមប្រយោជន៍របស់អនីតិជនដែលប្រព្រឹត្តបទល្មើស
២.គាំទ្រដល់ការស្តារនីតិសម្បទា និងការធ្វើសមាហរណកម្មអនីតិជនទៅក្នុងសង្គម និងសហគមន៍
៣.ធានាការពារផលប្រយោជន៍សង្គម និងសហគមន៍។
ឯកឧត្តមបន្ថែមថា អគ្គស្តារមានតួនាទី និងភារកិច្ចផ្តល់សេវាស្ដារសម្បទាទាំងអស់រួមមាន នីតិសម្បទា កាយសម្បទា និងបញ្ញាស្មារតី ក្នុងគោលបំណងឲ្យបុគ្គលនោះវិលត្រឡប់ទៅរកស្ថានភាពប្រក្រតីទាំងសុខភាព បញ្ញាស្មារតី កាយសម្បទា នីតិសម្បទាដូចជនទូទៅ។
អគ្គនាយកដ្ឋានស្ដារសម្បទាមាននាយកដ្ឋានចំណុះចំនួន៤គឺ៖
១.នាយកដ្ឋានស្ដារនីតិសម្បទាអនីតិជន
២.នាយកដ្ឋានគាំពារអ្នកញៀនគ្រឿងញៀន
៣.នាយកដ្ឋានសុខាភាពជនពិការ
៤.មូលនិធិសង្គមកិច្ច។
អគ្គនាយកដ្ឋានស្តារសម្បទា មានមន្ត្រីរាជការក្រោមឱវាទសរុបចំនួន ១៦៥នាក់ (ស្រី ៧២នាក់) និងបុគ្គលិកកិច្ចសន្យាសរុបចំនួន ៩៤នាក់ (ស្រី ៤២នាក់) ៕
