ទំនាក់ទំនងកម្ពុជា-ចិន មានលក្ខណៈជាយុទ្ធសាស្ត្រគ្រប់ជ្រុងជ្រោយ

ភ្នំពេញ៖ ឯកឧត្តមឧបនាយករដ្ឋមន្ត្រីសាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានលើកឡើងថា ទំនាក់ទំនងកម្ពុជា-ចិន មានលក្ខណៈជាយុទ្ធសាស្ត្រគ្រប់ជ្រុងជ្រោយ ហើយក៏ជាមូលដ្ឋានសម្រាប់កាអភិវឌ្ឍសេដ្ឋកិច្ចកម្ពុជា។

ឯកឧត្តមឧបនាយករដ្ឋមន្ត្រីបានលើកឡើងបែបនេះនៅក្នុងជំនួបជាមួយលោកស្រី Lin Huifang តំណាងក្រសួងកសិកម្មនិងកិច្ចការជនបទនៃសាធារណរដ្ឋប្រជាមានិត នាព្រឹកថ្ងៃទី៦ ខែកញ្ញា ឆ្នាំ២០២៣ ។

ឧបនាយករដ្ឋមន្ត្រីសាយ សំអាល់ បានបញ្ជាក់ថា ដោយហេតុថា វិស័យកសិកម្ម ជាផ្នែកសំខាន់មួយក្នុងសេដ្ឋកិច្ចកម្ពុជា ការត្រៀមដីធ្លីសមស្របសម្រាប់វិស័យនេះ ជាការចាំបាច់ ហើយកិច្ចសហការកម្ពុជា-ចិន លើវិស័យនេះ ត្រូវមានផែនការច្បាស់លាស់រួមគ្នា ដោយចាប់ផ្តើមផលិតផលពីត្រី ស្រូវ ការចិញ្ចឹមសត្វ ហើយភាគីទាំងពីរត្រូវរៀបចំកិច្ចព្រមព្រៀងពាណិជ្ជកម្ម និងកិច្ចព្រមព្រៀងចាំបាច់ផ្សេងទៀត សម្រាប់ធានាឱ្យការនាំចេញផលិតផលទាំងនេះអនុវត្តបានដោយជោគជ័យ៕