នគរបាលប្រឆាំងគ្រឿងញៀនបញ្ជូនជនសង្ស័យជនជាតិថៃចំនួន០៣នាក់ពាក់ព័ន្ធករណីជួញដូរនូវសារធាតុញៀនខុសច្បាប់និងវត្ថុតាងទៅសាលាដំបូងខេត្តបន្ទាយមានជ័យ
ភ្នំពេញ៖ នគរបាលជំនាញការិយាល័យប្រឆាំងគ្រឿងញៀនបញ្ជូនខ្លួនជនសង្ស័យជាជនជាតិថៃចំនួន០៣នាក់ ស្រី០១នាក់ ពាក់ព័ន្ធករណីជួញដូរនូវសារធាតុញៀនខុសច្បាប់ទៅសាលាដំបូងខេត្តបន្ទាយមានជ័យ ដើម្បីចាត់ការតាមនិតិវិធី នារសៀលថ្ងៃទី១០ ខែកញ្ញា ឆ្នាំ២០២៣។
លោកឧត្តមសេនីយ៍ត្រី ធិន ស៊ិ្នដេត ស្នងការរង ទទួលការងារប្រឆាំងបទល្មើសគ្រឿងញៀន បានឲ្យដឹងថា៖ដើម្បីអនុវត្តនូវគោលនយោបាយ ភូមិ ឃុំ សង្កាត់មានសុវត្ថិភាព។ លោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយមានជ័យ បានដាក់បទបញ្ជាដល់កម្លាំងនគរបាលការិយាល័យជំនាញ និងគ្រប់អធិការដ្ឋានគរបាលក្រុង ស្រុក ត្រូវស៊ើបអង្កេតស្រាវជ្រាវនូវរាល់បទល្មើសគ្រឿងញៀនតាមមានវិធានការជំនាញឲ្យដូចជាភ្លៀងរលឹម។
នៅវេលាម៉ោង ០៧និង៣០នាទីយប់ថ្ងៃទី០៨ ខែកញ្ញា ឆ្នាំ២០២៣ ក្រោយពីទទួលបានព័ត៌មានពីប្រជាពលរដ្ឋរាយការណ៍ថាសង្ស័យមានករណីជួញដូរគ្រឿងញៀន នៅចំណុចភូមិបាលិលេយ្យ១ សង្កាត់ អូរជ្រៅ ក្រុងប៉ោយប៉ែត។
លោកឧត្តមសេនីយ៍ទោ ស្នងការ និងមានការសម្របសម្រួលពីឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ។ លោកបានដឹកនាំកម្លាំងការិយាល័យជំនាញប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលក្រុងប៉ោយប៉ែតចុះទៅដល់គោលដៅភ្លាមៗនិងឃាត់ខ្លួនជនសង្ស័យជាជនជាតិថៃ បុ្រស ស្រី ចំនួន០៣នាក់៖
១. ឈ្មោះ ឆៃឆាណៈ ពីខងហៅផយ ភេទប្រុសអាយុ៣២ឆ្នាំ(ធ្លាប់ជាប់ពន្ធនាគារ២០ខែពីបទជួញដូរគ្រឿងញៀន)
២. ឈ្មោះ មិលវីឡានី ថងថាប់ ភេទស្រីអាយុ៤០ឆ្នាំ
៣. ឈ្មោះ ម៉ុងគុត ហមផាណា ភេទប្រុសអាយុ២៨ឆ្នាំ (ធ្លាប់ជាប់ពន្ធនាគារ២០ខែពីបទរំលោភ)។
លោកឧត្តមសេនីយ៍ត្រី ស្នងការរង បានបញ្ជាក់ថា ក្នុងកិច្ចប្រតិបរត្តិការនេះកម្លាំងសមត្ថកិច្ចនគរបាលយើងបានដកហូតបានវត្ថុតាងមាន៖
១. ម្សៅក្រាមពណ៌សថ្លា(ខេទឹកកក)ចំនួន ១៣ថង់ ទម្ងន់ ១៥.០ក្រាម (ថ្លឺងសាច់ថ្នាំសុទ្ធ)
២. កញ្ឆាក្រៀមចំនួន ០៦ថង់ ទម្ងន់ ២,១៥៨.៨១ក្រាម (ថ្លឺងទាំងសំបកថង់)
៣. កូនជញ្ជីងចំនួន ១០
៤. សំបកថង់សម្រាប់ច្រកថ្នាំញៀនមួយចំនួន
៥. ម៉ាស៊ីនអ៊ុតថង់ចំនួន០១
៦. ថ្នាំទឹកសប្បាយចំនួន ១៨ដប
៧. បារីអេឡិចត្រូនិកចំនួន០២
៨. គ្រាប់កាំភ្លើងខ្លីចំនួន ០៥គ្រាប់
៩. លិខិតឆ្លងដែន០១ក្បាល
១០. ប័ណ្ណព្រំដែន០១ក្បាល
១១. អត្តសញ្ញាណប័ណ្ណជនជាតិថៃចំនួន ០៣សន្លឹក
១២. ទូរស័ព្ទដៃចំនួន ០២គ្រឿង
១៣. ឧបករណ៍កែច្នៃសម្រាប់ជក់គ្រឿងញៀនចំនួន០២
១៤. ឧបករណ៍កែច្នៃសម្រាប់ជក់កញ្ឆាចំនួន០១ ៕
