ឧបនាយករដ្ឋមន្ត្រី ហង់ជួន ណារ៉ុន អញ្ជើញចុះហត្ថលេខាលើកិច្ចព្រមព្រៀងជាមួយនឹងគ្រឹះស្ថានពហុសិក្សា សម្ដេច ហ៊ុន សែន ក្នុងទីក្រុងបាម៉ាកូ
ភ្នំពេញ៖ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នារសៀលថ្ងៃទី១១ ខែកញ្ញា ឆ្នាំ២០២៣ បានអញ្ជើញចុះហត្ថលេខាលើកិច្ចព្រមព្រៀងជាមួយនឹងគ្រឹះស្ថានពហុសិក្សា សម្ដេច ហ៊ុន សែន ក្នុងទីក្រុងបាម៉ាកូ ប្រទេសម៉ាលី។
ការចុះកិច្ចព្រមព្រៀងនេះ ធ្វើឡើងក្នុងគោលដៅលេីកកម្ពស់កិច្ចសហប្រតិបត្តិការវិស័យអប់រំរវាងភាគីទាំងពីរ ដែលផ្ដោតសំខាន់ទៅលើការចែករំលែកបទពិសោធន៍ ការបង្រៀនខាងផ្នែកវិធីសាស្ត្រនៃការបង្រៀន បច្ចេកវិទ្យា ការបណ្តុះបណ្តាលគ្រូ ការអនុវត្តវិធីសាស្ត្របង្រៀនថ្មី និងការបណ្ដុះបណ្តាលសិស្សជាដើម។
ឆ្លៀតក្នុងឱកាសនេះ ឯកឧត្តមបណ្ឌិតសភាចារ្យ ឧបនាយករដ្ឋមន្រ្តី សង្ឃឹមយ៉ាងមុតមាំថា ភាគីទាំងពីរនឹងផ្លាស់ប្ដូរបទពិសោធន៍គ្នាទៅវិញទៅមក ដើម្បីស្វែងរកគន្លឹះថ្មីៗដែលអាចធ្វើឱ្យវិស័យអប់រំកាន់តែមានភាពរីកចម្រើន ៕
