មន្ត្រីជាន់ខ្ពស់ធនធានទឹក ចុះពិនិត្យទីតាំងអនុវត្តគម្រោង IWRM ត្រង់ភូមិសាស្រ្ត ប្រព័ន្ធធារាសាស្រ្តក្បាលហុង ក្នុងក្រុងពោធិ៍សាត់ ស្រុកកណ្តៀង និងស្រុកបាកាន
ភ្នំពេញ៖ នៅថ្ងៃទី១២ ខែកញ្ញា ឆ្នាំ២០២៣ ដោយបានទទួលនូវការអនុញាតពី ឯកឧត្តម ថោ ជេដ្ឋា រដ្ឋមន្ដ្រីក្រសួងធនធានទឹក និងឧតុនិយម ឯកឧត្តម ចាន់ ស៊ីណាត រដ្ឋលេខាធិការ និងដោយបានទទួលនូវកិច្ចសហប្រតិបត្តិការគ្រប់ជ្រុងជ្រោយពីសំណាក់ក្រសួងសេដ្ឋកិច្ច និងហិរញ្ញវត្តុ (MEF) បានដឹកនាំគណៈប្រតិភូ ធ្វើការចុះពិនិត្យទីតាំងអនុវត្តគម្រោង IWRM របស់ក្រសួងត្រង់ភូមិសាស្រ្តប្រព័ន្ធធារាសាស្រ្តក្បាលហុងក្នុងក្រុងពោធិ៍សាត់ ស្រុកកណ្តៀង និងស្រុកបាកាន។
គណៈប្រតិភូចូលរួមចុះត្រួតពិនិត្យគម្រោងរួមមាន ធនាគារ ADB ធនាគារ AIIB ក្រសួងសេដ្ឋកិច្ច និងហិរញ្ញវត្ថុ លោកអភិបាលរងនៃគណៈអភិបាលខេត្តពោធិ៍សាត់ លោកប្រធានមន្ទីរធនធានទឹក និងឧតុនិយមខេត្តពោធិ៍សាត់ មន្ទីរពាក់ព័ន្ធនានាជុំវិញសាលាខេត្តពោធិ៍សាត់ អភិបាលអភិបាលរងនៃគណៈអភិបាលក្រុង ស្រុក-ខណ្ឌពាក់ព័ន្ធទាំងអស់។
សូមបញ្ជាក់ជូនថា អាជ្ញាធរថ្នាក់ក្រោមជាតិគ្រប់លំដាប់ថ្នាក់របស់ខេត្តពោធិ៍សាត់ មន្ទីរធនធានទឹក និងឧតុនិយម និងមន្ទីរពាក់ព័ន្ធទាំងអស់ជុំវិញសាលាខេត្តបានចូលរួមល្អប្រសើរក្នុងការរៀបចំយុទ្ធសាស្រ្តដោះស្រាយផលប៉ះពាល់នានា និងកិច្ចការបរិស្ថានជាខេត្តគំរូក្នុងការសហការជាមួយនឹងក្រសួងធនធានទឹក និងឧតុនិយមធ្វើការអនុវត្តនូវយុទ្ធសាស្រ្ត និងគោលនយោបាយ IWRM៕
