នគរបាលខណ្ឌបឹងកេងកង ឃាត់ខ្លួនជនសង្ស័យ ៣នាក់ ពាក់ព័ន្ធករណីជួញដូរ និងរក្សាទុកគ្រឿងញៀន
ភ្នំពេញ៖ នៅថ្ងៃទី១៤ ខែកញ្ញា ឆ្នាំ២០២៣ វេលាម៉ោង១៥:៤៥នាទី កម្លាំងផ្នែកជំនាញ នៃអធិការដ្ឋាននគរបាលខណ្ឌបឹងកេងកង បានធ្វើការឃាត់ខ្លួនជនសង្ស័យចំនួន០៣នាក់ ពីបទជួញដូរ និងរក្សាទុកដោយខុសច្បាប់ នូវសារធាតុញៀន ប្រព្រឹត្ដនៅចំណុច ដីឡូតិ៍គ្មានលេខ ផ្លូវលេខ១៩៩ កែងផ្លូវលេខ៣៥៨ សង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ។
នគរបាលបានឱ្យដឹងថា ជនសង្ស័យឃាត់ខ្លួនចំនួន០៣នាក់មានឈ្មោះ៖ ១-ឈ្មោះ ឆាំង វណ្ណណូយ ភេទ ប្រុស ជនជាតិខ្មែរ ទីលំនៅមិនពិតប្រាកដ មុខរបរ រើសអេតចាយ( មានសារធាតុញៀន)។ ២-ឈ្មោះ សុត ប៊ុនថៃ ភេទ ប្រុស ជនជាតិខ្មែរ ទីលំនៅមិនពិតប្រាកដ មុខរបរ រើសអេតចាយ ( មានសារធាតុញៀន)។ ៣-ឈ្មោះ សុខ ចាន់ឌី ភេទ ប្រុស ជនជាតិខ្មែរ ទីលំនៅមិនពិតប្រាកដ មុខរបរ មិនពិតប្រាកដ (មានសារធាតុញៀន)។
វត្ថុតាងចាប់យក៖ ម្សៅក្រាមពណ៌សថ្លា សង្ស័យជាសារធាតុញៀន ចំនួន០៥កញ្ជប់តូច។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌបឹងកេងកង បណ្ដោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវីធីច្បាប់៕
