ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះផ្តល់ជូននូវសម្ភារៈពេទ្យជូនដល់ប្រធានមន្ទីរសុខាភិបាល ខេត្តបាត់ដំបង

ភ្នំពេញ៖ ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី នៅថ្ងៃទី១៥ ខែកញ្ញា ឆ្នាំ២០២៣ បានចុះផ្តល់ជូននូវសម្ភារៈពេទ្យរួមមាន៖ ស្រោមដៃពេទ្យចំនួន ២៥កេស ស្មើនឹង ២៥០,០០ ស្រោមដៃ និង Covid-19 Antigen Test ចំនួន ៤០ប្រអប់ ដែលជាអំណេាយដ៏ថ្លៃថ្លារបស់ ឯកឧត្តម ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ជូនដល់ឯកឧត្តមឱសថបណ្ឌិត វឿង ប៊ុនរេត ប្រធានមន្ទីរសុខាភិបាល ខេត្តបាត់ដំបង និងជាអនុប្រធានប្រតិបត្តិ ទទួលបន្ទុកប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ខេត្តបាត់ដំបង តាមរយះលោកវេជ្ជបណ្ឌិត អ៊ុក វិទ្យា អនុប្រធានមន្ទីរសុខាភិបាលខេត្តបាត់ដំបង និងជាសមាជិកអចិន្ត្រៃយ៍។

ដោយមានការចូលរួមពិធីប្រគល់ពី ឯកឧត្តម លេង ផាលី ប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី អមដំណើរដោយឯកឧត្តមវេជ្ជបណ្ឌិត ឌឿន វុទ្ធា, ឯកឧត្តម សេក សម្ភាស, វេជ្ជបណ្ឌិត សាយ រិទ្ធី អនុប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី រួមជាមួយ អ្នកគ្រូពេទ្យ ចាន់ ទិន្នារី សមាជិកអចិន្រ្តៃយ៍, លោក សួន សារ៉ាក់, លោកអនុបណ្ឌិត ដួង ចន្ថា, លោកអនុបណ្ឌិត យឹម លឿត, លោក ទឺ ធាវី, លោក សំណាង និងលោក ឈឹម គឹមហ៊ួត សមាជិក ព្រមជាមួយនឹងសមាជិកសមាជិកា ចំនួន៨ នាក់ផ្សេងទៀតផងដែរ ៕