លោក Xi Jinping ផ្ញើលិខិតអបអរសាទរទៅកាន់វេទិកាអភិវឌ្ឍន៍យុវជនឆ្លងច្រកសមុទ្រ លើកទី៦
ប៉េកាំង៖ លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន និងជាប្រធានាធិបតីចិន កាលពីថ្ងៃសុក្រ បានផ្ញើលិខិតអបអរសាទរមួយទៅកាន់វេទិកាអភិវឌ្ឍន៍យុវជនឆ្លងច្រកសមុទ្រលើកទី៦ ដែលបានបើកនៅថ្ងៃតែមួយនៅទីក្រុង Hangzhou នៃខេត្ត Zhejiang។
លោក Xi Jinping បានសង្កត់ធ្ងន់លើតួនាទីសំខាន់របស់យុវជនដែលជាក្តីសង្ឃឹមរបស់ប្រទេស និងអនាគតរបស់ប្រទេសជាតិ ដោយសាទរវេទិកានេះជាវេទិកាដ៏សំខាន់សម្រាប់យុវជនមកពីភាគីទាំងពីរនៃច្រកសមុទ្រតៃវ៉ាន់ដើម្បីផ្លាស់ប្តូរគំនិត ជំរុញការយល់ដឹងគ្នាទៅវិញទៅមក និងរៀនសូត្រពីគ្នាទៅវិញទៅមក។
លោក Xi Jinping បានសម្តែងក្តីសង្ឃឹមថា តាមរយៈវេទិកានេះ យុវជនកាន់តែច្រើននៅទូទាំងច្រកសមុទ្រតៃវ៉ាន់ នឹងក្លាយជាមិត្តជិតស្និទ្ធ និងជាដៃគូដ៏ល្អដែលធ្វើការជាមួយគ្នាសម្រាប់អនាគតដ៏ល្អប្រសើរ។
ដោយសង្កត់ធ្ងន់ថា ការធ្វើឱ្យជាតិមានសភាពស្រស់ថ្លាឡើងវិញ គឺជាសេចក្តីប្រាថ្នារួមគ្នារបស់ប្រជាជនចិនទាំងអស់នោះ លោក Xi Jinping បានស្វាគមន៍យុវជនមកពីកោះតៃវ៉ាន់ ដើម្បីបន្ត និងសម្រេចក្តីសុបិនរបស់ពួកគេនៅលើដីគោក។
លោកបានអំពាវនាវដល់យុវជននៅទូទាំងច្រកសមុទ្រតៃវ៉ាន់ឲ្យបន្តដើរតាមនិន្នាការនៃប្រវត្តិសាស្ត្រ និងការពារផលប្រយោជន៍រួមរបស់ប្រជាជាតិចិន និងឯកភាពជាតិ។
លោក Xi Jinping ក៏បានជំរុញឱ្យពួកគេរក្សាការប្តេជ្ញាចិត្តចំពោះមាគ៌ាត្រឹមត្រូវនៃការអភិវឌ្ឍន៍ដោយសន្តិវិធីនៃទំនាក់ទំនងឆ្លងច្រកសមុទ្រ ហើយធានាថាអនាគតនៃទំនាក់ទំនងឆ្លងកាត់ច្រកសមុទ្រនៅតែយ៉ាងរឹងមាំនៅក្នុងដៃរបស់ប្រជាជនចិននៅលើភាគីទាំងពីរនៃច្រកសមុទ្រ។
ប្រភព៖ English News
ប្រែសម្រួលដោយ៖ {ឡាយ លីហួ}
