អ្នកវិភាគ៖ រដ្ឋមួយដែលមាន ការអភិវឌ្ឍន៍លឿនទៅបាន អាស្រ័យការចូលរួមបង់ពន្ធរបស់ពលរដ្ឋ និងវិស័យឯកជន
ភ្នំពេញ៖ លោកបណ្ឌិត មាស នី អ្នកស្រាវជ្រាវ និងវិភាគបញ្ហាសង្គម បានលើកឡើងថា រដ្ឋមួយដែលមានការអភិវឌ្ឍន៍លឿនទៅបាន អាស្រ័យការចូលរួមបង់ពន្ធ របស់ពលរដ្ឋនិងវិស័យឯកជន ហើយការកំណែទម្រង់ប្រព័ន្ធពន្ធដារនៅកម្ពុជា គឺជាភាពចាំបាច់បំផុតដែលត្រូវតែពង្រឹង។
ខាងក្រោមនេះជាខ្លឹមសារទាំងស្រុង របស់លោក មាស នី សរសេរលើបណ្ដាញសង្គមហ្វេសប៊ុក នាថ្ងៃទី២៦ កញ្ញានេះ៖
រដ្ឋមួយដែលមានការអភិវឌ្ឍន៌លឿនទៅបានក៏អាស្រ័យការចូលរួមបង់ពន្ធរបស់ពលរដ្ឋនិងវិស័យឯកជន ផងដែរ។ ការកំណែទម្រង់ប្រព័ន្ធពន្ធដារនៅកម្ពុជាគឺជាភាពចាំបាច់បំផុតដែលត្រូវតែពង្រឹង។
ការឈឺចាប់ដែលកើតចេញពីការផ្លាស់ប្តូរពិតជាមាន ដោយជៀសមិ ផុត។ អ្នកបង់ពន្ធពិតជាក្តៅក្រហាយ រីរដ្ឋក៏ត្រូវទទួលរងការវាយប្រហារធ្ងន់ផងដែរ ហើយចង់មិនចង់ ត្រូវបាត់បង់ប្រជាប្រីយភាពគាំទ្រពីពលរដ្ឋ។ ប៉ុន្តែបើគ្មានបង់ពន្ធចំណូលរដ្ឋក៏គ្មានការអភិវឌ្ឍន័ក៏ទៅមុខមិនរួច។
សម្រាប់កម្ពុជាកំណែទម្រង់ពន្ធគឺជាការចាំបាច់មិនថាគណបក្សបច្ចុប្បន្នឬបក្សផ្សេងនៅពេលខាងមុខក៏ត្រូវតែធ្វើដោយជៀសមិនផុត។ ការឃោសនាមិនឱ្យបង់ពន្ធនេះ លើកលែងពន្ធនោៈវាគ្រាន់តែជាការធ្វើប្រជាភិថុតយកមុខតែមួយគ្រាប៉ុណ្ណោៈ ។ មុនក្រោយនឹងត្រូវតែអនុវត្តន៌ដូចគ្នា។
តែទោះបីជាយ៉ាងណាក៏ដោយ បើគ្រាន់តែកំណែរទម្រង់ដោយបង្ខំអោយពលរដ្ឋបង់ពន្ធ តែរដ្ឋមិនបានធ្វើការកំណែរទម្រង់ខ្លួនឯងដើម្បីតម្លាភាព សមធម៌ យុត្តិធម៌ និង មានប្រសិទ្ធិភាពខ្ពស់ទេនោៈ វានឹងនាំឱ្យមានទំនាស់កាន់តែធំ រវាងរដ្ឋនិងរាស្ត្រហើយវាក៏អាចនិងនាំទៅរកការធ្វើបដិវត្តន៌ប្រឆាំងនឹងរដ្ឋាភិបាលផងដែរប្រសិនបើមានតែការកំណែរទម្រង់តែជាមួយរាស្រ្ត តែរដ្ឋខ្លួនឯងមិនកែខ្លួន។
ការប្រមូលពន្ធក្នុងសម័យអាណានិគមបារាំងបានបន្សល់ទុក នូវប្រវត្តិរបស់ភូមិក្រាំងលាវឬភូមិតិរច្ឆានក្នុងខេត្តកំពង់ឆ្នាំងដែលបង្ហាញនូវទំនាសសង្គមមួយក្នុងរឿងបង់ពន្ធនេះ ៕
