ឯកឧត្តម អ៊ូច ភា អញ្ជើញប្រកាសចូលកាន់មុខតំណែង ប្រធាន អនុប្រធាន នៃមន្ទីរពេទ្យបង្អែកខេត្តតាកែវ

ភ្នំពេញ៖ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ នារសៀលថ្ងៃអង្គារទី ២៦ ខែ កញ្ញា ឆ្នាំ២០២៣ បានអញ្ជើញជាអធិបតីក្នុងពិធីប្រកាសចូលកាន់មុខតំណែង ប្រធាន អនុប្រធាន មន្ទីរពេទ្យបង្អែកខេត្ត នៃមន្ទីរសុខាភិបាលខេត្តតាកែវ។

ពិធីនេះក៏មានការអញ្ជើញចូលរួមដោយ ឯកឧត្តម វេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្ត លោកអនុប្រធានមន្ទីរពេទ្យ លោក លោកស្រី មន្រ្តីរាជការសុខាភិបាលទាំងអស់ចូលរួមផងដែរ។

សូមជម្រាបជូនដែរថា លោកវេជ្ជបណ្ឌិតឯកទេស តែ វ៉ាន់ថា ដែលត្រូវបានតែងតាំងជា ប្រធានមន្ទីរពេទ្យបង្អែកខេត្តថ្មី ជំនួស លោកវេជ្ជបណ្ឌិត ឈូវ ឈួន ដែលត្រូវចូលនិវត្តន៍ ហើយក៍សូមអបអរសារចំពោះ លោកវេជ្ជបណ្ឌិត ចា សង្ហៈ និងលោកស្រី សុខ តុញ ដែលត្រូវបានតែងតាំងជាអនុប្រធានមន្ទីរពេទ្យបង្អែកខេត្តតាកែវ ៕