ខេត្តស្ទឹងត្រែង និងខេត្តអត្តពឺ ឯកភាពពង្រឹងកិច្ចសហប្រតិបត្តិការទប់ស្កាត់ និងបង្រ្កាបបទ ល្មើសគ្រឿងញៀន មបណ្តាយព្រំដែន
ភ្នំពេញ៖ ឯកឧត្តម ស្វាយ សំអ៊ាង អភិបាលខេត្តស្ទឹងត្រែង ដឹកនាំគណៈប្រតិភូបើកកិច្ចប្រជុំ ស្តីកិច្ចសហប្រតិបត្តិការ លើកទី៦ ជាមួយគណៈប្រតិភូ នៃខេត្តអត្តពឺ សាធារណៈរដ្ឋប្រជាធិតេយ្យ ប្រជាមានិតឡាវ ដឹកនាំដោយឯកឧត្តម ឡេត សៃយ៉ាផន អភិបាលខេត្តអត្តពឺ ។ កិច្ចប្រជុំលើកទី៦ នេះបានប្រព្រឹត្តទៅនាព្រឹក ថ្ងៃ ទី២៦ ខែកញ្ញា ឆ្នាំ២០២៣ ដែលខេត្តអត្តពឺ ធ្វើជាម្ចាស់ផ្ទះ។
កិច្ចប្រជុំប្រារព្ធជារៀងរាល់ឆ្នាំ ដើម្បីស្វែងរកកិច្ចសហប្រតិបត្តិការរវាងខេត្តទាំង២ ហើយភាគីទាំង២ បានកំណត់យ៉ាងច្បាស់អំពីការអនុវត្តខ្លឹមសារ កំណត់ហេតុកិច្ចប្រជុំលើកទី៥ រវាងខេត្តស្ទឹងត្រែង និងខេត្តអត្តពឺ ប្រទេសឡាវ នៅសាលាខេត្តស្ទឹងត្រែង នាថ្ងៃទី១៨ ខែមិនា ឆ្នាំ២០១៩ ដើម្បីជាមូលដ្ឋាន នៃ ការអនុវត្តក្របខណ្ឌទ្វេភាគី(ស្ទឹងត្រែង អត្តពឺ) បន្តជំរុញ និងពង្រីកកិច្ចសហប្រតិបត្តិការរវាងខេត្តទាំង២ ឱ្យកាន់តែប្រសើរឡើង ។
ភាគីទាំង២ បានព្រមព្រៀងលើកិច្ចសហប្រតិបត្តិការការពារសន្តិសុខ សុវត្ថិភាព និងរក្សាសណ្តាប់ធ្នាប់តាមបណ្តោយព្រំដែន កិច្ចសហប្រតិបត្តិការទប់ស្កាត់ និងបង្រ្កាបបទ ល្មើសគ្រឿងញៀននៅតាមបណ្តាយព្រំដែន កិច្ចសហប្រតិបត្តិការលើវិស័យសេដ្ឋកិច្ចសង្គម យន្តការនៃ កិច្ចសហប្រតិបត្តិការ និងទំនាក់ទំនងរវាងភាគីទាំង២ ៕
