គ.ជ.អ.ប រៀបចំសិក្ខាសាលាពិគ្រោះយោបល់លើសេចក្ដីព្រាងសៀវភៅណែនាំបច្ចេកទេស ស្ដីពីគោលការណ៍បែបបទ និងនីតិវិធីសម្រាប់គ្រប់គ្រងចាត់ចែង និងអនុវត្តមុខងារក្នុងវិស័យអប់រំ ដែលផ្ទេរទៅឱ្យរដ្ឋបាលក្រុង ស្រុក ខណ្ឌ

ភ្នំពេញ៖ លេខាធិការដ្ឋាន គ.ជ.អ.ប. នាថ្ងៃទី២៦ ខែកញ្ញា ឆ្នាំ២០២៣ បានរៀបចំសិក្ខាសាលាពិគ្រោះយោបល់ លើសេចក្ដីព្រាងសៀវភៅណែនាំបច្ចេកទេសស្ដីពីគោលការណ៍បែបបទនិងនីតិវិធីសម្រាប់គ្រប់គ្រងចាត់ចែង និងអនុវត្តមុខងារក្នុងវិស័យអប់រំ យុវជន និងកីឡាដែលបានផ្ទេរទៅឱ្យរដ្ឋបាលក្រុង ស្រុក ខណ្ឌ ក្រោមគណៈអធិបតីឯកឧត្តម ចាន់សុធា អនុរដ្ឋលេខាធិការ ក្រសួងមហាផ្ទៃ និងជាអនុប្រធានលេខាធិការដ្ឋាន គ.ជ.អ.ប. មានការចូលរួមពីលោកជំទាវ ឃុន រចនា អនុរដ្ឋលេខាធិការ ក្រសួងអប់រំ យុវជន និងកីឡា និងឯកឧត្តម ពេជ្រ វិជ្ជាគន្ធី អនុរដ្ឋលេខាធិការ ក្រសួងមុខងារសាធារណៈ តំណាងសាលាជាតិរដ្ឋបាលមូលដ្ឋាន មន្រ្តីបច្ចេកទេសក្រសួងមហាផ្ទៃ តំណាងក្រសួងសេដ្ឋកិច្ច និងហិរញ្ញវត្ថុ តំណាងក្រសួងមុខងារសារធារណៈ តំណាងសមាគមក្រុមប្រឹក្សារដ្ឋបាលមូលដ្ឋាន មន្រ្តី និងទីប្រឹក្សាលេខាធិការដ្ឋាន គ.ជ.អ.ប. រដ្ឋបាលថ្នាក់ក្រោមជាតិ( ខេត្តបាត់ដំបង ខេត្តសៀមរាប ខេត្តកំពត ខេត្តកំពង់ចាម) មន្រ្តី និងទីប្រឹក្សាកម្មវិធីISD/GIZ សរុបចំនួន ១២៦នាក់ ។

គោលបំណងនៃការរៀបចំសិក្ខាសាលានេះគឺដើម្បីប្រមូលធាតុចូលពីអ្នកពាក់ព័ន្ធនានា ដើម្បីជាមូលដ្ឋានសម្រាប់រៀបចំបញ្ចប់សេចក្ដីព្រាងសៀវភៅណែនាំបច្ចេកទេសស្ដីពីគោលការណ៍បែបបទ និងនីតិវិធីសម្រាប់ការគ្រប់គ្រងការចាត់ចែងនិងការអនុវត្តមុខងារ យុវជននិងកីឡាដែលបានផ្ទេរទៅឱ្យរដ្ឋបាលក្រុង ស្រុក ខណ្ឌ ដើម្បីឈានទៅរៀបចំការបណ្តុះបណ្តាលដល់ថ្នាក់ដឹកនាំនិងមន្ត្រីពាក់ព័ន្ធនានា នៃរដ្ឋបាលក្រុង ស្រុក ខណ្ឌ នាចុងឆ្នាំ២០២៣ នេះ។