រដ្ឋមន្ត្រី ប៉េង ពោធិ៍នា ចុះពិនិត្យបន្ទាន់ ស្ថានភាពកំណាត់ផ្លូវជាតិលេខ៤ ដែលជន់លិចដោយជំនន់ទឹកភ្លៀង ត្រង់ចំណុចគីឡូម៉ែត្រលេខ ១១៦ ស្រុកកំពង់សីលា

ភ្នំពេញ៖ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន នាយប់ថ្ងៃទី២៧ ខែកញ្ញា ឆ្នាំ២០២៣ បានចុះពិនិត្យបន្ទាន់ ស្ថានភាពកំណាត់ផ្លូវជាតិលេខ៤ ដែលជន់លិចដោយជំនន់ទឹកភ្លៀង ត្រង់ចំណុចគីឡូម៉ែត្រលេខ ១១៦ ស្រុកកំពង់សីលា ខេត្តព្រះសីហនុ ដោយមានការអមដំណើរពី ឯកឧត្តមអភិបាល នៃគណៈអភិបាលខេត្តព្រះសីហនុ ថ្នាក់ដឹកនាំ មន្រ្តីបច្ចេកទេស និងកងកម្លាំងសមត្ថកិច្ចជាច្រើនរូប។

ការចុះនេះ ក្នុងគោលបំណងពិនិត្យស្ថានភាពទឹកជំនន់ និងផលប៉ះពាល់ ដើម្បីមានវិធានការដោះស្រាយបន្ទាន់។ កំណាត់ផ្លូវនេះ នឹងត្រូវលើកកម្ពស់ ក្រោមគម្រោងគ្រប់គ្រងសម្បត្តិផ្លូវថ្នល់ជំហាន២ និងហិរញ្ញប្បទានបន្ថែម RAMP-IIAF។

សូមជម្រាបជូនថា​ នាព្រឹកថ្ងៃទី២៨​ កញ្ញា ២០២៣ នេះ​ ទឹកបានស្រក​ និងបង្កលក្ខណៈ​ឱ្យរថយន្ត​អាចបន្តធ្វេីចរាចរណ៍​ វិញបណ្តេីរៗហេីយ ៕