ឯកឧត្តម អង្គ វង្សវឌ្ឍានា និងឯកឧត្តម កើត រិទ្ធ នាំយកទេយ្យទានប្រគេនព្រះសង្ឃគង់នៅវត្តចំនួន ២ នៃស្រុកមោងឫស្សី ក្នុងឱកាសពិធីបុណ្យកាន់បិណ្ឌវេនទី១
ភ្នំពេញ៖ នៅព្រឹកថ្ងៃទី៣០ ខែកញ្ញា ឆ្នាំ២០២៣ ឯកឧត្តម អង្គ វង្ស វឌ្ឍានា ប្រធានក្រុមការងារចុះជួយស្រុកមោងឫស្សី និង ឯកឧត្តម កើត រិទ្ធ អនុប្រធានទី១ នៃក្រុមការងារចុះជួយស្រុកមោងឫស្សី រួមនិងឯកឧត្តម លោកជំទាវ លោក លោកស្រី ជាថ្នាក់ដឹកនាំ និងសមាជិក សមាជិកានៃក្រុមការងារចុះជួយស្រុកមោងឫស្សី បាននាំយកនូវទេយ្យទាន និងបច្ច័យប្រគេនព្រះសង្ឃដែលគង់នៅវត្តចំនួន ២ ក្នុងស្រុកមោងឫស្សី រួមមាន វត្តកាឡោមភ្លុក ស្ថិតក្នុងឃុំព្រៃស្វាយ និងវត្តឫស្សី ស្ថិតក្នុងឃុំមោង ក្នុងឱកាសនៃថ្ងៃបុណ្យកាន់បិណ្ឌវេនទី១។
ពិធីនេះក៏មានការអញ្ជើញចូលរួមផងដែរពីសំណាក់លោកតា លោកយាយ បងប្អូនប្រជាពលរដ្ឋ និងសិស្សានុសិស្សជាច្រើនកុះករ។
ទេយ្យទានដែលក្រុមការងារបាននាំយកប្រគេនព្រះសង្ឃនាពេលនេះ រួមមាន សាដក គ្រឿងដង្វាយព្រះ គ្រឿងឧបភោគបរិភោគ និងគ្រឿងទេសជាច្រេីន ព្រមទាំងបច្ច័យមួយចំនួនទៀតផងដែរ៕
