សេចក្តីណែនាំ ពីការងារផ្សព្វផ្សាយ ឆ្ពោះទៅការអបអរសាទរខួបទី៤៥ ថ្ងៃកំណើត ស.ស.យ.ក ថ្ងៃ២ ធ្នូ និងការប្រគុំតន្រ្តីរបស់ ស.ស.យ.ក ថ្ងៃទី១៦ ធ្នូ
ភ្នំពេញ៖ ដើម្បីជំរុញឱ្យការងារផ្សព្វផ្សាយឆ្ពោះទៅការអបអរសាទរខួបទី ៤៥ ថ្ងៃកំណើតសហភាពសហព័ន្ធយុវជនកម្ពុជា ថ្ងៃ ២ ធ្នូ ២០២៣ និងការប្រគុំតន្រ្តីរបស់ ស.ស.យ.ក. ដែលនឹងប្រព្រឹត្តទៅនៅថ្ងៃទី១៦ ខែធ្នូ ឆ្នាំ២០២៣ ខាងមុខនេះឱ្យបានទូលំទូលាយ និងមានប្រសិទ្ធភាព ក្រុមការងារផ្សព្វផ្សាយ និងទំនាក់ទំនងសាធារណៈនៃគណៈកម្មាធិការកណ្តាល សូមស្នើកិច្ចសហការពីក្រុមការងារផ្សព្វផ្សាយ និងទំនាក់ទំនងសាធារណៈ ប្រចាំគណៈកម្មាធិការ រាជធានី-ខេត្ត ក្រុមការងារតាមបណ្តាវិស័យ និងនីតិបុគ្គលចំណុះ ស.ស.យ.ក. ទូទាំងប្រទេស អនុវត្តនូវភារកិច្ចចាំបាច់មួយចំនួនដូចតទៅ៖
១- រៀបចំបង្កើតមាតិកាជាខ្លឹមសារ និងរូបភាពនៃការគាំទ្រ និងកម្រងអនុស្សាវរីយ៍ដែលផ្សារភ្ជាប់នឹងការអបអរសាទរថ្ងៃកំណើត ស.ស.យ.ក. ហើយផ្សព្វផ្សាយឲ្យបានទូលំទូលាយតាមគ្រប់យន្តការផ្សព្វផ្សាយ ដែលខ្លួនមាន (កម្មវិធីអបអរសាទរជាផ្លូវការ ថ្ងៃទី២ ខែធ្នូ និងការប្រគុំតន្រ្តី ថ្ងៃទី១៦ ខែធ្នូ)
២- ចូលរួមចែករំលែកមាតិកាផ្សព្វផ្សាយគោលមួយចំនួន ដែលចេញផ្សាយដោយក្រុមការងារផ្សព្វផ្សាយ និងទំនាក់ទំនងសាធារណៈ ថ្នាក់កណ្តាល
៣- ចូលរួមសហការចែករំលែក ឬផ្សព្វផ្សាយបន្តនូវមាតិកាពាក់ព័ន្ធពីគ្រប់បណ្តាញផ្សព្វផ្សាយរបស់ ស.ស.យ.ក. ទូទាំងប្រទេស។
៤- បំផុសចលនាសមាជិក សមាជិកាឱ្យមានការចូលរូមអបអរសាទរ និងបង្ហាញពីមោទនភាពក្នុងនាមជាសមាជិក ស.ស.យ.ក. តាមគ្រប់យន្តការលើបណ្តាញសង្គម ដើម្បីបង្ហាញពីស្មារតីគាំទ្រដ៏ខ្លាំងក្លានៃមហាគ្រួសារ ស.ស.យ.ក. ទូទាំងប្រទេស។
៥- ក្តាប់ខ្លឹមសារ និងមតិប្រតិកម្មសាធារណជននានាដើម្បីជាមូលដ្ឋានព័ត៌មាន ឬធ្វើការឆ្លើយតបក្នុងករណីចាំបាច់។
ដើម្បីសម្រួលដល់ការងាររចនា និងដើម្បីធានានូវសង្គតភាពនៃការប្រើប្រាស់ឡូហ្គោនៃពិធី ក្រុមការងារផ្សព្វផ្សាយ និងទំនាក់ទំនងសាធារណៈនៃគណៈកម្មាធិការកណ្ដាល ស.ស.យ.ក. សូមផ្ញើជូននូវការងាររចនា ចំនួន០២ ដូចដែលភ្ជាប់ក្នុងlinkខាងក្រោម។ លើសពីនេះទៅទៀត ក្រុមការងារថ្នាក់កណ្តាល នឹងផ្ញើជូននូវឯកសារគោល រូបភាពពាក់ព័ន្ធ និងការងាររចនាសំខាន់ៗចូលទៅក្នុងក្រុមជាបន្តបន្ទាប់ ដើម្បីជាជំនួយដល់ការជំរុញការផ្សពផ្សាយឱ្យបានជ្រួតជ្រាប។
អាស្រ័យដូចបានជម្រាបជូនខាងលើនេះ សូមក្រុមការងារផ្សព្វផ្សាយ និងទំនាក់ទំនងសាធារណៈប្រចាំគណៈកម្មាធិការ រាជធានី-ខេត្ត ក្រុមការងារតាមបណ្តាវិស័យ និងនីតិបុគ្គលចំណុះ ស.ស.យ.ក. ទូទាំងប្រទេស អនុវត្តនូវសេចក្តីណែនាំនេះប្រកបដោយការទទួលខុសត្រូវខ្ពស់។
link សម្រាប់ទាញយកឯកសារ៖ http://bit.ly/3t6HuNB
