ឯកឧត្តម សួន រស្មី ដឹកនាំកិច្ចប្រជុំពិនិត្យសេចក្តីព្រាងប្រកាសស្តីពីវិធាន និងនីតិវិធីអធិការកិច្ចមុខងារសាធារណៈ និងសេចក្តីព្រាងស្តីពីវិធីសាស្ត្រនៃការធ្វេីអធិការកិច្ចលេីការគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា

ភ្នំពេញ៖ ឯកឧត្តម សួន រស្មី អគ្គាធិការ ក្រសួងមុខងារសាធារណៈ នារសៀលថ្ងៃទី០៩ ខែតុលា ឆ្នាំ២០២៣ បានដឹកនាំកិច្ចប្រជុំពិនិត្យសេចក្តីព្រាងប្រកាសស្តីពីវិធាន និងនីតិវិធីអធិការកិច្ចមុខងារសាធារណៈ និងសេចក្តីព្រាងស្តីពីវិធីសាស្ត្រនៃការធ្វេីអធិការកិច្ចលេីការគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា ដោយមានការចូលរួមពីថ្នាក់ដឹកនាំ​ ព្រមទាំងមន្ត្រីរាជការនៃអគ្គាធិការដ្ឋាន។

ក្រោយពីស្តាប់ លោក​ ហែន​ សារិទ្ធ​ លោក​ ភូង​ ពិទូ​ អគ្គាធិការរងទទួលបន្ទុក និងនាយកដ្ឋានជំនាញ បានរាយការណ៍ពីសេចក្តីព្រាងទាំងពីរ និងដំណេីរនៃការកសាងសេចក្តីព្រាងនេះ រួចមក ឯកឧត្តមអគ្គាធិការ និងអង្គប្រជុំទាំងមូលបានបញ្ចេញមតិ គំនិតយោបល់ និងផ្តល់ធាតុចូលក្នុងសេចក្តីព្រាងខាងលេីឱ្យគ្រប់ជ្រុងជ្រោយនិងស្របតាមច្បាប់និងលិខិតបទដ្ឋានគតិយុត្តជាធរមាន។

មុននឹងបញ្ចប់​ ឯកឧត្តម​អគ្គាធិការ​ ​បានណែនាំឱ្យថ្នាក់ដឹកនាំ​ និងមន្ត្រីរាជការ​នៃអគ្គាធិការដ្ឋាន​ សូមបន្តខិតខំស្រាវជ្រាវបន្ថែម​ និងគោរពស្នេីសុំគោលការណ៍ថ្នាក់ដឹកនាំក្រសួង ពិនិត្យសម្រេច​ ដេីម្បីយកទៅអនុវត្តប្រកបដោយប្រសិទ្ធភាព​ គុណភាព​ និងការទទួលខុសត្រូវខ្ពស់​ ដេីម្បីសម្រេចបានតាមចក្ខុវិស័យរបស់ក្រសួង ៕