ថ្នាក់ដឹកនាំរដ្ឋបាលខេត្តក្រចេះ អញ្ជើញចូលរួមពិធីបុណ្យកាន់បិណ្ឌវេនទី១៣នៅវត្តទួលមនោរម្យ សង្កាត់ក្រគរ ក្រុងក្រចេះ
ភ្នំពេញ៖ ឯកឧត្តម វ៉ា ថន អភិបាលខេត្ត និងលោកជំទាវ ហឹង ណារី ឯកឧត្តម ហឿ សុីយ៉ែម ប្រធានក្រុមប្រឹក្សាខេត្ត និងលោកជំទាវ ព្រមទាំងថ្នាក់ដឹកនាំ មន្ត្រីរាជការ ប្រជាពុទ្ឋបរិស័ទចំណុះជើងវត្ត នាព្រឹកថ្ងៃព្រហស្បតិ៍ ១៣រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១២ ខែតុលា ឆ្នាំ២០២៣ បានអញ្ជើញចូលរួមពិធីបុណ្យកាន់បិណ្ឌវេនទី១៣នៅវត្តទួលមនោរម្យ សង្កាត់ក្រគរ ក្រុងក្រចេះ ដើម្បីឧទ្ទិសកុសលផលបុណ្យជូនដួងវិញ្ញាណក្ខន្ធលោកអ្នកមានគុណ បុព្វបុរសជាតិ យុទ្ធជន យុទ្ធនារី ដែលបានពលីមរណៈដើម្បីបុព្វហេតុជាតិមាតុភូមិទៅកាន់លោកខាងមុខ។
ក្នុងឱកាសកាន់បិណ្ឌវេនទី១៣នេះ ឯកឧត្តម លោកជំទាវ ព្រមទាំង ថ្នាក់ដឹកនាំមន្ត្រីរាជការក្រោមឱវាទ រួមជាមួយពុទ្ធបរិស័ទ ចំណុះជើងវត្តសូមថ្វាយ និងប្រគេននូវគ្រឿងឧបភោគ បរិភោគ ទេយ្យទានភេសជ្ជៈ និងបច្ច័យចំនួន ៣,៤៥០,០០០រៀល និងប្រគេនបច្ច័យចំនួន៦,០០០,០០០៛ ដល់ព្រះចៅអធិការវត្តទួលមនោរម្យ សម្រាប់កសាងសាលាពុទ្ធិកសិក្សា ៕
