អភិបាលខេត្តកំពង់ឆ្នាំង ចូលរួមកាន់បិណ្ឌវេនទី១៣ នៅវត្តអារញ្ញិការាម ស្ថិតនៅក្រុងកំពង់ឆ្នាំង និងវត្តធម្មវ័ន ស្ថិតនៅស្រុករលាប្អៀរ
ភ្នំពេញ៖ នៅក្នុងឱកាសនៃពិធីបុណ្យកាន់បិណ្ឌទី១៣នេះ ឯកឧត្ដម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង និងលោកស្រី លោក ស៊ីវ រុន ប្រធានក្រុមប្រឹក្សាខេត្ត និងលោកស្រី កែ ច័ន្ទមុនី តំណាងរាស្រ្តមណ្ឌលកំពង់ឆ្នាំង ព្រមទាំងសមាជិក សមាជិកា ក្រុមប្រឹក្សាខេត្ត អភិបារងខេត្ត ថ្នាក់ដឹកនាំមន្ទីរ អង្គភាព ជុំវិញខេត្ត នៅព្រឹកថ្ងៃទី ១២ ខែតុលា ឆ្នាំ២០២៣ បានអញ្ជើញចូលរួមកាន់បិណ្ឌវេន ទី១៣ ជាមួយនឹងប្រជាពុទ្ធបរិស័ទ នៅវត្តអារញ្ញិការាម ស្ថិតនៅក្រុងកំពង់ឆ្នាំង និងវត្តធម្មវ័ន ស្ថិតនៅស្រុករលាប្អៀរ ។
នៅឱកាសនោះ ឯកឧត្ដម ស៊ុន សុវណ្ណារិទ្ធិ លោក ស៊ីវ រុន និង លោកស្រី កែ ច័ន្ទមុនី ព្រមទាំងសហការី បានប្រគេនព្រះសង្ឃ គង់ចាំព្រះវស្សា ដោយក្នុងមួយវត្តៗ មានអង្ករ ១០០ គីឡូក្រាម មី១០កេស បាកាស៥កេស ទឹកសុទ្ធ១០កេស ត្រីខ១កេសធំ ទឹកត្រី ទឹកស៊ីអ៊ីវ១០យួរ បច្ច័យកសាងចំនួន ៥ លានរៀល និងស៊ីម៉ង់ត៍ ១០តោន សម្រាប់វត្តអារញ្ញិការាម ព្រមទាំងប្រគេនបច្ច័យបួន សម្រាប់ព្រះសង្ឃ និង ចែកយាជី តាជីផងដែរ៕
