ជង់មិនភ្លេចកុកទេ! ករណីឃាតកម្មជិតមួយឆ្នាំមុននៅមុខធនាគារFTBសង្កាត់ស្វាយប៉ោ ក្រុងបាត់ដំបង ពេលនេះសមត្ថកិច្ច ចាប់ខ្លួនបានបក្សពួកម្នាក់ទៀតបញ្ជូនទៅតុលាការ
ភ្នំពេញ៖ នៅថ្ងៃទី១៧ ខែ តុលា ឆ្នាំ ២០២៣ វេលាម៉ោង០៥និង១៥នាទីនៅចំណុច ភូមិក្បាលស្ពាន១ សង្កាត់អូរជ្រៅក្រុង ប៉ោយប៉ែត ខេត្ត បន្ទាយ មាន ជ័យអនុវត្តតាមបទបញ្ជារបស់លោកឧត្ដមសេ នី យ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និងដោយបានការសម្របសម្រួលលើនីតិវិធី ពី ឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង និង ឯក ឧត្តម កើត វណ្ណារ៉េត ព្រះរាជអា ជ្ញា នៃអយ្យការអមសាលាដំបូងខេត្តបន្ទាយមានជ័យ សមត្ថកិច្ចនគរបាលខេត្តបាត់ដំបង ដែលមានលោកឧត្ដមសេនីយ៍ត្រី លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ លោក វរសេនីយ៍ឯក ឈឿង គឹមសុង ស្នងការរង ដឹកនាំការិយាល័យនគរបាលព្រហ្មទណ្ឌកម្រិតស្រាល លោក វរសេនីយ៍ឯក ចៀក ថានិន នាយការិយាល័យនគរបាលព្រហ្មទណ្ឌកម្រិតស្រាល និង មានការសហការជាមួយសមត្ថកិច្ចនគរបាលខេត្តបន្ទាយមានជ័យដែលមានលោក ឧត្ដមសេនីយ៍ទោ សិទ្ធិ ឡោះ ជាស្នងការ និងលោក លោក ឧត្ដមសេនីយ៍ត្រី នូ ជីវន្ត័ ស្នងការរងផែនការងារនគរបាលព្រហ្មទណ្ឌ លោក វរ សេនីយ៍ឯក សៅ សារឿន អធិការ នៃអធិការដ្ឋាននគរបាលក្រុងប៉ោយប៉ែត លោក វរសេនីយ៍ទោ ព្រហ្ម ពិសិទ្ធ អធិការរង ទទួលការងារព្រហ្មទណ្ឌ បានចាប់ខ្លួន ជនសង្ស័យ ឈ្មោះ វ៉េង ចិត្រា ហៅ ធី ភេទប្រុស មានទីលំនៅភូមិ អូរបាក់ត្រា ឃុំ ព្រងិល ស្រុកភ្នំក្រវ៉ាញ ខេត្តពោធិ៍សាត់ នៅចំណុចក្រុងប៉ោយប៉ែតតាមអំណាចដីកាបង្គាប់ឱ្យចាប់ខ្លួនលេខ៧៧៤ ត.ព្រ របស់លោក គា សីហា ចៅក្រមស៊ើបសួរ នៃសាលាដំបូងខេត្តបាត់ដំបង ពីបទ ឃា-តក-ម្មគឹតទុកជាមុន ប្រព្រឹត្តនៅ ភូមិព្រែកមហាទេព សង្កាត់ស្វាយ ប៉ោ ក្រុងបាត់ដំបង ខេត្តបាត់ដំបង កាលពីថ្ងៃទី ០៨ ខែ ធ្នូ ឆ្នាំ ២០២២ បណ្តាលឱ្យជនរងគ្រោះ ឈ្មោះ រឿន សំរ៉ង ភេទប្រុស អាយុ ២០ឆ្នាំ មានទីលំនៅភូមិកន្តួត សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង ( ស្លា-ប់ ) ពេលបញ្ជូនទៅកាន់មន្ទីរពេទ្យនិងជនរងគ្រោះផ្សេងទៀតរងរបួស ។
គួរបញ្ជាក់ថា កាលពីវេលាម៉ោង៤និង០០នាទីទៀបភ្លឺនៃ យប់ថ្ងៃទី ៧ខែធ្នូឆ្នាំ២០២២ឈានចូលថ្ងៃ ទី០៨ ខែធ្នូ ឆ្នាំ២០ ២២ នៅចំណុចសួន ច្បារមាត់ស្ទឹងសង្កែ ត្រើយខាងលិចទល់មុខធនាគារFTB ស្ថិតនៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង មានជនសង្ស័យមួយក្រុមបានបើករថយន្តមកដល់ចំនុចខាងលើ រួចបានយកកាំភ្លើ-ង-ខ្លីបា-ញ់-រះ លើយុវជនមួយក្រុមដែលកំពុងអង្គុយលេងជួបជុំគ្នា បណ្តាលឱ្យរងរបួសធ្ងន់ស្រាលចំនួន០៣នាក់ ភ្លាមៗនោះជនសង្ស័យបាននាំគ្នាជិះរត់យន្តគេចខ្លួនបាត់ស្រមោលហេីយ ក្នុងហេតុការណ៍នោះជនរងគ្រោះ០១នាក់ ក្នុងចំណោម០៣នាក់ បានស្លាប់បាត់បង់ជីវិតពេលគេបញ្ជូនទៅសង្គ្រោះនៅមន្ទីរពេទ្យ។
កាលនោះបន្ទាប់ពីពេលកេីតហេតុសមត្ថកិច្ចនគរបាលខេត្តបាត់ដំបង សហការជាមួយសមត្ថកិច្ចនគរបាលខេត្តបន្ទាយមានជ័យស្រាវជ្រាវនិងឃាត់ខ្លួនជនសង័្សយចំនួន០២នាក់បញ្ជូនទៅសាលាដំបូងខេត្ត រីឯបក្សពួកមួយចំនួនទៀតសមត្ថកិច្ចកំណត់មុខ សញ្ញាបាននិងស្នេីសុំដីកាពីស្ថាប័នតលាការដេីម្បីស្វែងរកចាប់ខ្លួន ជាក់ ស្តែងដូចករណីនេះអីចឹង ហេីយមុខសញ្ញាផ្សេងទៀតដែលកំពុងគេចខ្លួនសមត្ថកិច្ចបន្តកិច្ចប្រតិបត្តិការជាបន្តទៀត។
បច្ចុប្បន្នការិយាល័យជំនាញបានរៀបចំបញ្ជូនទៅកាន់សាលាដំបូងខេត្តបាត់ដំបងចាត់ការបន្តតាមនីតិវិធីហេីយ៕
