ឯកឧត្តម អ៊ុំ រាត្រី ផ្តាំផ្ញើដល់បងប្អូនដែលរងគ្រោះដោយជំនន់ទឹកភ្លៀងសូមបង្កើនការប្រុងប្រយ័ត្ន ចំពោះក្មេងតូចៗកុំចុះលេងទឹក ដែលនាំឱ្យបាត់បង់ជីវិត

ភ្នំពេញ៖ នៅរសៀលថ្ងៃពុធ ទី១៨ ខែតុលា ឆ្នាំ២០២៣ ក្រុមការងារ សាខាកក្រក ដឹកនាំដោយឯកឧត្តម អ៊ុំ រាត្រី ប្រធានគណៈកម្មាធិការសារ និងមានការចូលរួមពី លោកជំទាវជ័យ ណារីអ៊ុំរាត្រីអនុប្រធានកិត្តិយសសាខា លោកជំទាវនួម សុភ័ណអនុប្រធានកិត្តិយសសាខា លោកប្រធានអនុសាខាក្រុងសិរីសោភ័ណ លោកប្រធានអនុសាខាស្រុកមង្គលបូរី ក្រុមកាកបាទក្រហម ឃុំ សង្កាត់ អ្នកស្ម័គ្រចិត្ត យុវជន កក្រក បាននាំយកអំណោយមនុស្សធម៌សាខា ទៅសួរសុខទុក្ខគ្រួសាររងគ្រោះដោយទឹកជំនន់ចំនួន២៤២គ្រួសារ ដែលមកពីឃុំត់ត្រង់ស្រុកមង្គលបូរីចំនួន១០១គ្រួសារ សង្កាត់អូរអំបិលចំនួន៥០គ្រួសារ និងសង្កាត់ព្រះពន្លាក្រុងសិរីសោភ័ណចំនួន៩១គ្រួសារ។

ក្នុងឱកាសសាកសួរសុខទុក្ខនេះដែរ ឯកឧត្តមប្រធានបាននាំនូវប្រ សាសន៍ផ្តាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជាដែលសម្តេចតែងតែគឹតគួរពីសុខទុក្ខប្រជាពលរដ្ឋដែលរងគ្រោះ និងប្រជាពលរដ្ឋងាយរងគ្រោះផ្សេងៗទៀត។

ជាថ្មីម្តងទៀតឯកឧត្តមប្រធានបានផ្តាំផ្ញើដល់បងប្អូនដែលរងគ្រោះសូមបង្កើនការប្រុងប្រយ័ត្ន ចំពោះក្មេងតូចៗកុំចុះលេងទឹក ដែលនាំអោយបាត់បង់ជីវិត ព្រោះក្នុងរយៈពេលប៉ុន្មានថ្ងៃនេះករណីក្មេងលង់ទឹកស្លាប់នៅស្រុកអូរជ្រៅ និងស្រុកមង្គលបូរីមានជាបន្តបន្ទាប់។

ជាចុងក្រោយឯកឧត្តមប្រធានសូមផ្តាំផ្ញើដល់បងប្អូនប្រុងប្រយ័ត្នដល់សត្វអស្សេរពិស ទាំងអស់គ្នា និងពេលរដូវទឹកសម្រកត្រូវចេះសម្អាតបរិស្ថានជុំវិញផ្ទះ ដើម្បីសុខភាពបងប្អូនគ្រប់ៗគ្នា។

អំណោយដែលសាខានាំមកនូវថ្ងៃនេះសម្រាប់មួយគ្រួសារៗទទួលបាន÷អង្ករ១៥គីឡូក្រាម, មីជាតិ១កេស, ត្រីខ១យួរ និងទឹកត្រី១យួរ៕