រដ្ឋមន្ត្រីក្រសួងយុត្តិធម៌ ដាក់ចេញនូវយុទ្ធនាការសំខាន់ចំនួន៣ ដើម្បីឱ្យប្រព័ន្ធយុត្តិធម៌នៅកម្ពុជាកាន់ល្អប្រសើរ
ភ្នំពេញ៖ ដើម្បីឱ្យប្រព័ន្ធយុត្តិធម៌នៅកម្ពុជាកាន់ល្អប្រសើរ ឯកឧត្ដម កើត រិទ្ធ ឧបនាយករដ្ឋមន្ត្រី រដ្ឋមន្ត្រីកក្រសួងយុត្តិធម៌ បានដាក់ចេញនូវយុទ្ធនាការសំខាន់ចំនួន៣រួមមាន ១-យុទ្ធនាការដោះស្រាយក្រៅប្រពន្ធតុលា ការ និងផ្សះផ្សារវិវាទ, ២-យុទ្ធនាការជម្រុញ និងពន្លឿន ដោះស្រាយសំណុំរឿងនៅតុលាការឱ្យបានឆាប់, ៣- យុទ្ធនាការត្រួត និងដោះស្រាយភាពមិនប្រក្រតី នៅតាមតុលា ដើម្បីលៀកកម្ពស់ សុច្ចរិកភាព តម្លាភាព គុណភាព និងយុត្តិធម៌ ជាពិសេសជំនឿទុកចិត្តលើការអនុវត្តច្បាប់របស់ប្រព័ន្ធតុលាការ ពីសំណាក់មន្រ្តីអនុវត្តច្បាប់ និងពីសំណាក់តុលាការ។
ឯកឧត្ដមបានលើកឡើងបែបនេះក្នុងឱកាសអញ្ជើញជាអធិបតីភាពប្រកាស ចូលកាន់មុខតំណែង លោក សេង លាង ជាប្រធានសាលាដំបូងខេត្តបន្ទាយមានជ័យ ជំនួសលោក ងួន ណារ៉ា ដែលត្រូវទៅបំពេញភារកិច្ចថ្មី ជាប្រធានសាលាដំបូង រាជធានីភ្នំពេញ។ ដែលពិធីនេះធ្វើឡើងនៅព្រឹកថ្ងៃទី១៩ ខែតុលា ឆ្នាំ២០២៣ នៅសាលាដំបូងខេត្តបន្ទាយមានជ័យ។
ឯកឧត្ដម កើត រិទ្ធ ឧបនាយករដ្ឋមន្ត្រី បន្តថា យុទ្ធនាការទាំង៣ គឺជាទិសដៅដ៏មុតស្រុចដែលក្រសួងត្រូវអនុវត្ត ហើយដើម្បីចូលរួមអនុវត្តធានាបានជោគជ័យ ទី១-ត្រូវ មានយល់ទាំងអស់គ្នា ឯកភាពលើទស្សន និងកិច្ចការងារដែលយើងត្រូវធ្វើ, ២-ត្រូវមានឯកភាពគ្នាផ្ទៃក្នុង ក្នុងចំណោមន្ត្រីអនុវត្តច្បាប់ ដើម្បីបោះជំហានរកភាពជោគជ័យ។ យុទ្ធនាការទាំង៣នេះ គឺជាកិច្ចការកែទម្រងរបស់ប្រព័ន្ធដោះស្រាយវិវាទរបស់កម្ពុជាយើង គឺជាកិច្ចការកែទម្រងប្រព័ន្ធយុត្តិធម៌។
រដ្ឋមន្ត្រីក្រសួងយុត្តិធម៌ បញ្ជាក់ថា ” បើយើងយកយុទ្ធនាការទាំង៣នេះមកមើល យើ ងនឹងឃើញ សសរស្ដម្ភ សម្រាប់កែទម្រងវិស័យយុត្តិធម៌ ដោយផ្តោសលើ សសរស្តម្ភធំចំនួន២ ទី១-ដៃម្ខាងការខិតខំដាក់ចេញនូវវិធានការ ដើម្បីកែលម្អប្រព័ន្ធតុលាការឱ្យបានកាន់តែល្អប្រសើរ , ទី២ ខិតខំដោះស្រាយវិវាទក្រៅប្រព័ន្ធតុលាការ”៕
