ឃាត់ខ្លួនជនសង្ស័យចំនួន ៥នាក់ ពាក់ព័ន្ធករណីគាស់ផ្ទះលួចទ្រព្យសម្បត្តិ
ភ្នំពេញ៖ ដោយអនុវត្តតាមបទបញ្ជារបស់ ឯកឧត្តម ឧត្តមសេនីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានដឹកនាំកម្លាំងស្រាវជ្រាវឈានដល់បង្ក្រាបពាក់ព័ន្ធគាស់ទ្វារផ្ទះលួចទ្រព្យសម្បត្តិ និងឃាត់ខ្លួនជនសង្ស័យចំនួន០៥នាក់។
ការឃាត់ខ្លួននេះបានធ្វើឡើង នៅថ្ងៃទី២៣ ខែតុលា ឆ្នាំ២០២៣ វេលាម៉ោង០០និង១៥នាទី
នៅចំណុចផ្ទះលេខ១៦២៦E1 ផ្លូវជាតិលេខ៥ ក្រុមទី១ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ជនសង្ស័យចំនួន០៥នាក់មានឈ្មោះ ៖
១- ឈ្មោះសេង ប៊ុនធឿន ហៅឈឹម ភេទប្រុស មុខរបរ មិនពិតប្រាកដ ទីលំនៅផ្ទះជួលភូមិ ១៦ សង្កាត់ស្រះចក ខណ្ឌដូនពេញ (មានសារធាតុញៀន)។
២- ឈ្មោះសៀន សីលា ហៅអាហួរ ភេទប្រុស មុខរបរ មិនពិតប្រាកដទីលំនៅជាមួយគ្នា (មានសារធាតុញៀន)។
៣- ឈ្មោះសោម ពិសិដ្ឋ ហៅ អាស្វិត ភេទប្រុស មុខរបររត់ម៉ូតូឌុប មានទីលំនៅ ជាមួយគ្នា (មានសារធាតុញៀន)។
៤- ឈ្មោះហ៊ុន សុីនៀត ហៅអាតោ ភេទប្រុស មុខរបរមិនពិតប្រាកដ មានទីលំនៅជាមួយគ្នា (មានសារធាតុញៀន)។
៥- ឈ្មោះអាន ចិន្តា ហៅអាខ្មៅ ភេទប្រុស មុខរបរមិនពិតប្រាកដ មានទីលំនៅជាមួយគ្នា(មានសារធាតុញៀន)។
សម្ភារៈបាត់បង់រួមមាន៖ ប្រាក់ដុល្លា ចំនួន៩០០ដុល្លា, ប្រាក់រៀល ចំនួន២០៦០០០០រៀល, ខ្សែករមាស០១ខ្សែ ទម្ងន់០៥ជី, ខ្សែដៃ លោកហៈធាតុមិនសុទ្ធមួយខ្សែ, នាឡិកា ចំនួន០២គ្រឿង, ជញ្ជៀនដាំត្បូង ០២វង្ស, ក្រវិល ០២គូ ព្រះ ០៣អង្គ, ឯកសារមួយចំនួន និងកាបូបចំនួន០១ កូនសោពីរចង្កោម, ទូរស័ព្វពីរគ្រឿង។
សម្ភារៈដកហូតមាន៖ប្រាក់ដុល្លា ចំនួន៦០០ដុល្លា, ប្រាក់រៀល ចំនួន២៨០០០០រៀល, ខ្សែករមាស០១ខ្សែ ទម្ងន់០៥ជី, ខ្សែដៃ លោកហៈធាតុមិនសុទ្ធមួយខ្សែ, នាឡិកា ចំនួន០១គ្រឿង, ជញ្ជៀនដាំត្បូង០២វង្ស, ក្រវិល០២គូ ព្រះ០៣អង្គ, ឯកសារមួយចំនួននិង កាបូប ចំនួន០១ កូនសោពីរចង្កោម និងទូរស័ព្វពីរគ្រឿង។
បច្ចុប្បន្នជនសង្ស័យ និងវត្ថុតាងខាងលើ កំពុងឃាត់ខ្លួនបណ្តាអាសន្ន នៅអធិការដ្ឋាននគរបាលរាជធានីភ្នំពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕
