ឯកឧត្តម ហង់ ចាន់ឌី ដឹកនាំកិច្ចប្រជុំអនុគណៈកម្មការមេប្រយោគគ្រប់គ្រងការប្រណាំងទូក”ង” ដើម្បីអបអរសាទរពិធីបុណ្យអុំទូក បណ្ដែតប្រទីប អកអំបុក សំពះព្រះខែ ឆ្នាំ២០២៣
ភ្នំពេញ៖ ឯកឧត្តម ហង់ ចាន់ឌី អភិបាលរងខេត្តក្រចេះ និងជាប្រធានអនុគណៈកម្មការមេប្រយោគគ្រប់គ្រងការប្រណាំងទូកង និងឯកឧត្តម គង់ គឹមនី អភិបាលរងខេត្តក្រចេះ និងជាអនុប្រធានអនុគណៈកម្មការ នាព្រឹកថ្ងៃអង្គារ ១០កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៤ ខែតុលា ឆ្នាំ២០២៣ បានអញ្ជើញដឹកនាំកិច្ចប្រជុំអនុគណៈកម្មការមេប្រយោគគ្រប់គ្រងការប្រណាំងទូក”ង” ដើម្បីអបអរសាទរពិធីបុណ្យអុំទូក បណ្ដែតប្រទីប អកអំបុក សំពះព្រះខែ ឆ្នាំ២០២៣ ដែលនឹងប្រព្រឹត្តទៅនៅថ្ងៃសៅរ៍ ទី២៨ ខែតុលា ឆ្នាំ២០២៣ នៅទីរួមខេត្តក្រចេះ។
ឯកឧត្តម ហង់ ចាន់ឌី អភិបាលរងខេត្ត និងជាប្រធានអនុគណៈកម្មការ បានប្រសាសន៍ណែនាំតួនាទី ភារកិច្ច ដើម្បីធានាឱ្យពិធីនេះប្រព្រឹត្តទៅដោយរលូន និងជោគជ័យ -រៀបចំបទបញ្ជាផ្ទៃក្នុង នៃការប្រណាំងទូក”ង”៖
-រៀបចំបញ្ជីឈ្មោះទូក ដែលត្រូវចូលរួមប្រកួត -គ្រប់គ្រងទូក ទីកន្លែងស្នាក់នៅនិងការហូបចុក របស់កីឡាករ
-រៀបចំផ្នូរផ្គងទូក បទបញ្ជាទូកចេញ ដោះស្រាយឧបករណ៍ទាំងឡាយបម្រើការប្រណាំងទូក ទូកអាជ្ញាកណ្តាល ទូកដើមទី ទូកកងព័ន្ធទី១ ទី២ និងទូកផ្តាច់ព្រ័ត
-គណៈមេប្រយោគផ្តល់ពិន្ទុ និងប្រកាសលទ្ធផលតាមចំណាត់ថ្នាក់ទូក រៀបចំពានរង្វាន់ ដែលទទួលបានជ័យលាភី ក្នុងការប្រណាំងទូក។
សូមបញ្ជាក់ថា មានទូកចំនួន២២ទូក ត្រូវចូលរួមប្រណាំង ដើម្បីអបអរសាទរពិធីបុណ្យអុំទូក បណ្ដែតប្រទីប អកអំបុក សំពះព្រះខែ នៅថ្ងៃសៅរ៍ ទី២៨ ខែតុលា ឆ្នាំ២០២៣ ទីរួមខេត្តក្រចេះ ៕
