មន្ត្រីការទូតកំពូលរបស់ចិន លោក Wang Yi ចាប់ផ្តើមធ្វើដំណើរទស្សនកិច្ចនៅសហរដ្ឋអាមេរិក

វ៉ាស៊ីនតោន៖ អ្នកការទូតកំពូលរបស់ប្រទេសចិន បើកកិច្ចចរចានៅថ្ងៃព្រហស្បតិ៍ ទី២៦ ខែតុលា ក្នុងទីក្រុងវ៉ាស៊ីនតោន ខណៈដែលលោកបានត្រៀមរៀបចំកិច្ចប្រជុំកំពូលដ៏មានសក្តានុពលមួយរវាងលោកប្រធានាធិបតីចិន លោក Xi Jinping និងប្រធានាធិបតីសហរដ្ឋអាមេរិក លោក Joe Biden ដែលនៅមុនការចរចាបានប្តេជ្ញាការពារសម្ព័ន្ធមិត្តអាស៊ី។ រដ្ឋមន្ត្រីការបរទេសចិន លោក Wang Yi កំពុងបំពេញទស្សនកិច្ចកម្រិតខ្ពស់ដ៏កម្រមួយទៅកាន់ទីក្រុងវ៉ាស៊ីនតោន ខណៈដែលប្រទេសដែលមានសេដ្ឋកិច្ចធំជាងគេទាំងពីរស្វែងរកការគ្រប់គ្រង ប្រសិនបើមិនអាចដោះស្រាយបាននោះទេ ជម្លោះជាច្រើនដែលបានធ្វើឱ្យភាពតានតឹងកើនឡើងជាបន្តបន្ទាប់ក្នុងឆ្នាំថ្មីៗនេះ។ លោក Wang Yi នឹងចាប់ផ្តើមធ្វើដំណើរទស្សនកិច្ចរបស់លោកដោយជួបជាមួយរដ្ឋមន្ត្រីការបរទេសសហរដ្ឋអាមេរិក លោក Antony Blinken ដែលបានធ្វើដំណើរទៅកាន់ទីក្រុងប៉េកាំងក្នុងខែមិថុនា ហើយនឹងស្វាគមន៍សមភាគីរបស់គាត់សម្រាប់អាហារពេលល្ងាច។ នៅថ្ងៃសុក្រ លោក Wang Yi នឹងជួបជាមួយទីប្រឹក្សាសន្តិសុខជាតិ លោក Jake Sullivan នៅសេតវិមាន។ គ្មាន​ជំនួប​ត្រូវ​បាន​ប្រកាស​ជាមួយ​លោក Joe Biden ប៉ុន្តែ​ការ​ជួប​គ្នា​ត្រូវ​បាន​គេ​រំពឹង​ទុក​យ៉ាង​ទូលំទូលាយ​បន្ទាប់​ពី​លោក Xi Jinping បបានទទួលលោក Antony Blinken នៅ​ទីក្រុង​ប៉េកាំង។ លោក Joe Biden បានអញ្ជើញលោក Xi Jinping ទៅធ្វើដំណើរទស្សនកិច្ចនៅ San Francisco នៅខែក្រោយសម្រាប់កិច្ចប្រជុំកំពូលនៃវេទិកាកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅក្នុងអ្វីដែលនឹងក្លាយជាកិច្ចប្រជុំលើកដំបូងរបស់មេដឹកនាំក្នុងរយៈពេលមួយឆ្នាំ។ ប្រភព៖ CNA ប្រែសម្រួលដោយ៖ ហៃ ឆៃមុីនាង