រដ្ឋមន្ត្រី ប៉េង ពោធិ៍នា អនុញ្ញាតឱ្យ ឯកអគ្គរដ្ឋទូតឥណ្ឌា ប្រចាំនៅកម្ពុជា ចូលជួបសម្តែងការគួរសម និងពិភាក្សាការងារ
ភ្នំពេញ៖ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន នាព្រឹកថ្ងៃព្រហស្បតិ៍ ទី២៦ ខែតុលា ឆ្នាំ២០២៣ បានអនុញ្ញាតឱ្យ លោកជំទាវបណ្ឌិត Devyani Uttam Khobragade ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឥណ្ឌា ប្រចាំនៅព្រះរាជាណាចក្រកម្ពុជា និងសហការី ចូលជួបសម្តែងការគួរសម និងពិភាក្សាការងារ ដោយមានការចូលរួមពី លោកជំទាវ ឯកឧត្តម ថ្នាក់ដឹកនាំ និងមន្ត្រីពាក់ព័ន្ធផ្សេងទៀត។
ជំនួបនេះ មានគោលបំណងក្នុងការពង្រឹង និងពង្រីកចំណងការទូត និងកិច្ចសហប្រតិបត្តិការល្អៗ រវាងប្រទេសទាំងពីរដែលធ្លាប់មានកន្លងមក ជាពិសេសលើវិស័យសាធារណការ និងដឹកជញ្ជូន នៅកម្ពុជា។ ក្នុងនោះ លោកជំទាវឯកអគ្គរដ្ឋទូត បានបង្ហាញចំណាប់អារម្មណ៍ខ្ពស់លើការរៀបចំគម្រោងអភិវឌ្ឍន៍នានារបស់ក្រសួង សម្រាប់នីតិកាលទី៧នេះ ដោយរំពឹងថា ភាគីឥណ្ឌានឹងមានឱកាសក្នុងការចូលរួមសហការ នាពេលអនាគត ៕
