ចំនួនអ្នកស្លាប់ដោយសារខ្យល់ព្យុះ Otis កើនឡើងដល់ 48 នាក់នៅម៉ិកស៊ិក

បរទេស៖ អាជ្ញាធរបានឲ្យដឹងថា ចំនួនអ្នកស្លាប់ដោយសារខ្យល់ព្យុះ Hurricane Otis ដែលបានវាយប្រហារទីក្រុងឆ្នេរសមុទ្រ Acapulco ភាគខាងត្បូងប្រទេសម៉ិកស៊ិក បានកើនឡើងដល់ ៤៨ នាក់ហើយ។

លោក Evelyn Salgado អភិបាលរដ្ឋ Guerrero បានបញ្ជាក់ថា មនុស្សចំនួន ៣៦ នាក់នៅតែបាត់ខ្លួននៅឡើយ។

ប្រធានាធិបតីម៉ិកស៊ិក លោក Andres Manuel Lopez Obrador បានសង្កត់ធ្ងន់ថា ប្រតិបត្តិការស្វែងរក និងជួយសង្គ្រោះកំពុងបន្ត ដោយលោកបានបន្ថែមថា លោកគ្រោងនឹងធ្វើទស្សនកិច្ចក្នុងតំបន់។

ដោយបង្ហាញពីការប្តេជ្ញាចិត្តក្នុងការកសាងទីក្រុង Acapulco ដែលរងគ្រោះដោយខ្យល់ព្យុះនេះឡើងវិញ គាត់បានបញ្ជាក់ថា ពួកគេកំពុងទាក់ទងយ៉ាងជិតស្និទ្ធជាមួយអាជ្ញាធរមូលដ្ឋាន។

កាលពីថ្ងៃទី ២៦ ខែតុលា ព្យុះសង្ឃរា Otis បានឆក់យកជីវិតមនុស្ស ៣៩ នាក់ក្នុងប្រទេសម៉ិកស៊ិក និងបានបំផ្លាញផ្ទះរាប់ពាន់ខ្នង និងធ្វើឱ្យមនុស្សជាច្រើនគ្មានអគ្គិសនីប្រើប្រាស់។

រដ្ឋាភិបាល​បាន​ដាក់ពង្រាយ​ទាហាន និង​ប៉ូលិស​ប្រមាណ ១៧.០០០ នាក់ ដើម្បី​ឆ្លើយតប​នឹង​ឧបទ្ទវហេតុ​លួច​ប្លន់​នៅ​ក្រោយ​ខ្យល់ព្យុះ Otis។

https://www.aa.com.tr/en/americas/hurricane-otis-death-toll-rises-to-48-in-mexico/3037592