ការប្រកួតកីឡាបាល់ទាត់ដណ្ដើមពានមិត្តភាព កីឡាករគ្រូគង្វាលខេត្តសៀមរាប ជាមួយកីឡាករមេតូឌីខេត្តបន្ទាយមានជ័យ

ភ្នំពេញ៖ កីឡានាំមកនូវសុខភាពល្អ រឹងមាំ និងសាមគ្គីភាព នេះគឺជាការលើកឡើងរបស់ លោក គឹម វិវឌ្ឍន៍ ប្រធានក្រុមជំនុំមេតូឌីប្រចាំខេត្តបន្ទាយមានជ័យ បានលើកឡើងក្នុងឱកាស នៃការប្រកួតកីឡាបាល់ទាត់មិត្តភាពដណ្ដើមយកពានរង្វាន់ កីឡាករគ្រូគង្វាលខេត្តសៀមរាប ជាមួយកីឡាករមេតូឌីខេត្តបន្ទាយមានជ័យ ដោយធ្វើការប្រកួតនៅទីលានបាល់ទាត់ វិទ្យាល័យសម្ដេចឪ ស្ពតក្លឹប នាល្ងាចថ្ងៃទី២៨ ខែតុលា ឆ្នាំ ២០២៣។

ក្នុងការប្រកួតរវាងក្រុមទាំងពីរឃើញថាមានភាពស្វិតស្វាញ គឺអាចនិយាយបានថាមានសមត្ថភាពបច្ចេកទេសក្នុងការប្រកួតប្រហាក់ប្រហែលគ្នា។ ជាលទ្ធផលគឺក្រុម កីឡាករគ្រូគង្វាលខេត្តសៀមរាប ទទួលបានជ័យជំនះ ៨ ទល់នឹង ៧។

លោក ហ៊ឹល រ៉ាយ៉ា អភិបាលរងខេត្ត បានមានប្រសាសន៍ថានេះជាលើកទី១ ដែលបានចូលរួមប្រគល់ពាន រង្វាន់បាល់ទាត់រវាងក្រុមកីឡាករគូគង្វាលខេត្តសៀមរាប Vs ជាមួយកីឡាករមេតូឌីស្ទខេត្តបន្ទាយមានជ័យ។

លោកបានសំដែងនូវ ការកោតសរសើរ ដល់លោកគ្រូ អ្នកគ្រូគង្វាលទាំង២ខេត្ត ដែលបានបង្កើតទំនាក់ទំនងល្អរវាងគ្រូគង្វាលពីខេត្តមួយទៅ ខេត្តមួយ ។ មិនតែប៉ុណ្ណោះ លោកគ្រូអ្នកគ្រូគង្វាលនៅក្នុងខេត្តបន្ទយមានជ័យ បានជួយកិច្ចការងារសង្គមយ៉ាងច្រើនទាំង ផ្នែកសមនុស្សធម៍ ផ្នែកអភិវឌ្ឍ សុខមាលភាព ជួយទាំងផ្លូវចិត្តជួយទាំងផ្លូវកាយ ជាពិសេសសប្បាយចិត្តដែល បានឃើញលោកគ្រូអ្នកគូ និងប្អូនៗ ចូលរួមយ៉ាងសកម្មក្នុងវិស័យកីឡា និង ផ្នែកបរិស្ថាននាពេលកន្លងមក។

ជាចុងក្រោយលោកក៏បានមានមត្តិផ្ដាំផ្ញើ ដល់លោកគ្រូអ្នកគ្រូប្អូនៗ និង ក្មួយៗ សូមចៀសអោយផុតពីគឿងញៀន ចៀសអោយផុតពីអំពើអបាយមុខ សូមលេងកីឡាដើម្បីសុខភាពល្អ មិត្តភាព និងមានវិន័យល្អ ជាពិសេសកីឡា នៃសេចក្តីស្រលាញ់ សូមខិតខំបន្តរមាគានៃជីវិត ទោះបីអាយុច្រើនក៏ដោយ កីឡានាំមកសុខភាព មិត្តភាព និងវិន័យ។

សូមបញ្ជាក់ផងដែរថា៖ ក្រុមទទួលបានជ័យលាភី លេខ១គឺទទួលបាន៖ បានពានមួយ មេដៃកីឡាករម្នាក់មួយក្រុមលេខ២ ទទួលបាន -មេដៃកីឡាករម្នាក់មួយ៕