សម្តេចធិបតី ហ៊ុន ម៉ាណែត៖ រាជរដ្ឋាភិបាលតែងតែចុះជួបផ្ទាល់ ជាមួយបងប្អូនកម្មករ ដើម្បីបង្ហាញការយកចិត្ដទុកដាក់ និងបំពេញបំណងប្រាថ្នារបស់ពលរដ្ឋ
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា រាជរដ្ឋាភិបាលតែងតែចុះជួបផ្ទាល់ ជាមួយបងប្អូនកម្មករ ដើម្បីបង្ហាញការយកចិត្ដទុកដាក់ និងបំពេញបំណងប្រាថ្នារបស់ប្រជាពលរដ្ឋ ជាពិសេស ក៏សាងផែនការ។
ក្នុងឱកាសអញ្ជើញចុះជួបសំណេះសំណាលជាមួយកម្មករ និយោជិតប្រមាណ ១៨,១៩០នាក់ មកពីបណ្តារោងចក្រ សហគ្រាសចំនួន២៩ ក្នុងខេត្តកណ្តាល នាព្រឹកថ្ងៃទី០២ ខែវិច្ឆិកា ឆ្នាំ២០២៣ សម្តេចធិបតី ហ៊ុន ម៉ាណែត បានមានប្រសាសន៍ថា ការចុះជួបបងប្អូនកម្មករនិយោជិត គឺដើម្បីផ្សារភ្ចាប់មនោសញ្ចេតនា និងដឹងសុខទុក្ខដោយផ្ទាល់របស់បងប្អូនកម្មករយើង។
សម្តេចធិបតី ហ៊ុន ម៉ាណែត បានបន្តថា រាជរដ្ឋាភិបាលក្នុងរយៈពេល២ខែនេះ បានបង្ហាញផែនទី ជាក់ស្ដែងជូនដល់ប្រជាពលរដ្ឋជាម្ចាស់ប្រទេស។
សម្តេចធិបតី ហ៊ុន ម៉ាណែត បានបន្ថែមថា រាជរដ្ឋាភិបាល នឹងបន្ដការដំឡើងប្រាក់ឈ្នួលជូនបងប្អូនកម្មករជារៀងរាល់ឆ្នាំ ក្នុងកាលៈទេសៈណាដែលគណបក្សប្រជាជនកម្ពុជាបន្ដដឹកនាំប្រទេស ៕
