ឧត្តមសេនីយ៍ទោ ហួត សុធី អញ្ជើញចូលរួមក្នុងពិធីសំណេះសំណាលសួរសុខទុក្ខ បងប្អូនអតីតយុទ្ធជនកម្ពុជា ដែលមានជីវភាពខ្វះខាត ចំនួន ១០០គ្រួសារ នៅភូមិស្រះទឹកតេជោសែនជ័យ ឃុំចុងកាល់ ស្រុកចុងកាល់
ភ្នំពេញ៖ លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ និងជាប្រធានគណៈកម្មាធិការ ស អ.ក ខេត្ត នាព្រឹកថ្ងៃព្រហស្បតិ៍ ៤រោច ខែអស្សុជ ឆ្នាំថោះ បញ្ចស័ក ព.ស ២៦៥៧ ត្រូវនិងថ្ងៃទី០២ ខែវិច្ឆិកា ឆ្នាំ២០២៣ បានអញ្ជើញចូលរួមក្នុងពិធីសំណេះសំណាលសួរសុខទុក្ខ បងប្អូនអតីតយុទ្ធជនកម្ពុជា ដែលមានជីវភាពខ្វះខាត ចំនួន ១០០គ្រួសារ នៅភូមិស្រះទឹកតេជោសែនជ័យ ឃុំចុងកាល់ ស្រុកចុងកាល់ ខេត្តឧត្តរមានជ័យ ក្រោមអធិបតីភាព ព្រះវិជ័យរង្សីបណ្ឌិត ឡាច លាង ព្រះធម្មធរគណខេត្តសៀមរាប នឹងជាព្រះអនុគណក្រុងសៀមរាប។ ពិធីនេះដែរក៏ការនិមន្ត និងអញ្ជើញចូលរួមដោយ ព្រះសង្ឃអមដំណើរមកពីក្រុង-ខេត្តសៀមរាប លោក លោកស្រីស្នងការរង លោក រឹទ្ធិ ប៉ាក់ អភិបាល នៃគណអភិបាលស្រុកចុងកាល់ ក្រុមការងារលេខាធិការ ស.អ.កខេត្ត ក្រុមការងារ ស អ.ក ស្រុកចុងកាល់។
ក្នុងនោះក៏បាននាំយកនូវអំណោយដ៏ជ្រះថ្លារបស់ សម្តេចព្រះព្រហ្មរតនមុនី ពិន សែម សិរីសុវណ្ណោ និងព្រះវិជ័យរង្សីបណ្ឌិត ឡាច លាង ព្រះធម្មធរគណខេត្តសៀមរាប នឹងជាព្រះអនុគណក្រុងសៀមរាប ចែកជូនក្នុងមួយគ្រួសារទទួលបាន៖ អង្ករ ១ការ៉ុង, ២០គីឡូក្រាម, ទឹកត្រី ០១យួរ, ទឹកសុីអុីវ ១យួរ, មី ១កេស និងថវិកា ៣០,០០០រៀល ៕
