កម្លាំងការិយាល័យប្រឆាំងគ្រឿងញៀន ចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់សារធាតុញៀន ក្នុងស្រុកត្រាំកក់
ភ្នំពេញ៖ នៅវេលាម៉ោង ១៤:២០នាទី ថ្ងៃទី៣១ ខែតុលា ឆ្នាំ២០២៣ ដោយទទួលបានបទបញ្ជាពី លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនីតិវិធីពីឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ។
កម្លាំងការិយាល័យប្រឆាំងគ្រឿងញៀន នៃមន្ទីរស្រាវជ្រាវ បង្រ្កាបបទល្មើស សហការជាមួយកម្លាំងអង្គភាពនគរបាលយុត្តិធម៌ ដឹកនាំដោយលោកវរសេនីយ៍ឯក ង៉ែត ចាន់ធី មេបញ្ជាការរងខេត្ត បានចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់សារធាតុញៀន នៅចំណុចក្នុងខ្ទមស័ង្កសី ស្ថិតនៅភូមិអណ្តូងថ្ម ឃុំគុស ស្រុកត្រាំកក់ ខេត្តតាកែវ។
ឃាត់ខ្លួនជនសង្ស័យបាន ចំនួន០១នាក់ ឈ្មោះ សឿន វុិត ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ (ជួញដូរនិងប្រើប្រាស់ដោយខុសច្បាប់នូវសារធាតុញៀន) រស់នៅភូមិអណ្តូងថ្ម ឃុំគុស ស្រុកត្រាំកក់ ខេត្តតាកែវ។
ដកហូតវត្ថុតាង៖
១-ម្ស៉ៅក្រាមពណ៌សថ្លាចំនួន០៦កញ្ចប់តូច ទម្ងន់១.០៥ក្រាម (ថ្លឹងទាំងសំបកថង់)
២-សម្ភារៈសម្រាប់វេចខ្ចប់ថ្នាំញៀន និងសម្ភារៈសម្រាប់សេពថ្នាំញៀនមួយចំនួន
៣-កាំភ្លើងកែច្នៃបាញ់គ្រាប់កង់ចំនួន០១ដេីម
៤-ទូរស័ព្ទដៃចំនួន០៤គ្រឿង។
បច្ចុប្បន្ន ជនសង្ស័យ និងវត្ថុតាងបានឃាត់ខ្លួននៅទីបញ្ជាការដ្ឋានកងរាជអាវុធហត្ថខេត្តតាកែវ កម្លាំងជំនាញកំពុងកសាងសំណុំរឿងបញ្ជូនទៅអយ្យការ អមសាលាដំបូងខេត្តតាកែវតាមនីតិវិធី ៕
