បង្ហោះម៉ូតូតាមដងផ្លូវហើយថតបង្ហោះឌឺទៀត ត្រូវបានសមត្ថកិច្ចហៅមកអប់រំណែនាំ
ភ្នំពេញ៖ កាលពីថ្ងៃទី២ ខែវិច្ឆិកា ឆ្នាំ២០២៣ លោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ វេ គឹមចត់ អធិការនគរបាលស្រុកកំរៀងបានដឹកនាំ កម្លាំងផ្នែកជំនាញរួមជាមួយកម្លាំងប៉ុស្តិ៍នគរបាលរដ្ឋបាលកំរៀងធ្វើការស្រាវជ្រាវនិងឃាត់ខ្លួនក្មេងទំនើងចំនួនពីរនាក់និងម៉ូតូមួយគ្រឿង ក្នុងនោះមានឈ្មោះវ៉ាន់ ណេតភេទប្រុសអាយុ—ឆ្នាំរស់នៅភូមិកំរៀងឃុំកំរៀងស្រុកកំរៀងខេត្តបាត់ដំបង មានមុខរបរ សិស្សនិងឈ្មោះខេង ឡៃភេទប្រុ ស អាយុ—ឆ្នាំរស់នៅភូមិកំរៀង ឃុំកំរៀងស្រុកកំរៀងខេត្តបាត់ ដំបង មានមុខរបរ កសិករ។
ចំពោះមូលហេតុដែលឈានដល់ការឃាត់ខ្លួននេះគឺកាលពីថ្ងៃទី០១ខែ វិច្ឆិកា ឆ្នាំ២០២៣វេលាម៉ោង១៥និង០០នាទីពួកគេទាំងពីរនាក់បានធ្វើសកម្មភាពបង្ហោះម៉ូតូនៅតាមដងផ្លូវស្ថិតនៅផ្លូវលេខ៥៩និងនៅក្នុងសៃឡូក្នុងភូមិកំរៀង ឃុំកំរៀង ស្រុកកំរៀងខេត្តបាត់ដំបងដោយគេបានថតវីដេអូពីសកម្មភាពបង្ហោះម៉ូតូយកទៅផុសតាមបណ្ដាញសង្គមហ្វេសប៊ុកបង្កឱ្យមានការរិះគន់ពីមហាជន។
ឃើញសកម្មភាពតាមបណ្តាញសង្គមបែបនេះទើបសមត្ថកិច្ចធ្វើការស្រាវជ្រាវនិងនាំខ្លួនមកធ្វើការសាកសួរ ហើយគេបានឆ្លើយទទួលស្គាល់ថាបានធ្វើសកម្មភាពបែបនេះប្រាកដមែន។
ករណីនេះនគរបាលស្រុកបានធ្វើការអប់រំដោយធ្វើកិច្ចសន្យាបញ្ឈប់ធ្វើសកម្មភាពបង្ហោះម៉ូតូទៀតដោយមានអាណាព្យាបាលដឹងឮព្រមទាំងធានាយកទៅលំនៅដ្ឋានវិញដើម្បីអប់រំបន្ត៕
