នាយករដ្ឋបាលខេត្តក្រចេះ អញ្ជើញទទួលរក្សាទុកដាក់ហឹបប្រធានវិញ្ញាសាប្រឡងបាក់ឌុប ពីក្រសួងអប់រំ
ភ្នំពេញ៖ លោក ម៉ែន វណ្ណា នាយករដ្ឋបាលខេត្តក្រចេះ នាព្រឹកថ្ងៃសុក្រ ៥រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៣ ខែវិច្ឆិកា ឆ្នាំ២០២៣ បានអញ្ជើញទទួលរក្សាទុកដាក់ហឹបប្រធានវិញ្ញាសាប្រឡង សញ្ញាបត្រមធ្យមសិក្សាទុតិយភូមិ សម័យប្រឡង៦វិច្ឆិកា ឆ្នាំ២០២៣ ពីក្រសួងអប់រំ យុវជន និងកីឡា នៅសាលាខេត្ត។
សូមបញ្ជាក់ថា៖ ខេត្តក្រចេះ មាន៤មណ្ឌល បេក្ខជនសរុបចំនួន២.៣៤៤នាក់/ស្រី១.១១៩នាក់ ចែកចេញជា២គឺ៖
-ថ្នាក់វិទ្យាសាស្រ្ត មាន២មណ្ឌល៖ ១. មណ្ឌលវិទ្យាល័យសម្តេចតេជោ ហ៊ុន សែន ក្រុងក្រចេះ(ខាងជើង)មាន១៥បន្ទប់ បេក្ខជនចំនួន៣៧៥នាក់/ស្រី២៤នាក់ និង២. មណ្ឌលវិទ្យាល័យខូវប៊ុនស៊ុន ក្រចេះក្រុង មាន២៣បន្ទប់ បេក្ខជនចំនួន៥៥៦នាក់/ស្រី៣៥១នាក់។
-ថ្នាក់វិទ្យាសាស្រ្តសង្គម មាន២មណ្ឌល៖ ១. មណ្ឌលវិទ្យាល័យសម្តេចតេជោ ហ៊ុន សែន ក្រុងក្រចេះ(ខាងត្បូង) មាន៣០បន្ទប់ បេក្ខជនចំនួន៧៥០នាក់/ស្រី៤១២នាក់ និង២. មណ្ឌលវិទ្យាល័យព្រះកុសុមះ មាន២៧បន្ទប់ បេក្ខជនចំនួន៦៦៣នាក់/ស្រី៣៣២នាក់ ៕
