លោក ពូទីន បានលុបចោលការផ្តល់សច្ចាប័នរបស់រុស្ស៊ីលើសន្ធិសញ្ញាហាមឃាត់ការសាកល្បងនុយក្លេអ៊ែរ
មូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចុះហត្ថលេខាលើច្បាប់មួយកាលពីថ្ងៃព្រហស្បតិ៍ ដើម្បីលុបចោលការផ្តល់សច្ចាប័នរបស់ប្រទេសលើសន្ធិសញ្ញាហាមឃាត់ការសាកល្បងនុយក្លេអ៊ែរគ្រប់ជ្រុងជ្រោយ (CTBT) នេះបើយោងតាមឯកសារដែលបានចេញផ្សាយជាផ្លូវការ។
វិមានក្រឹមឡាំង បាននិយាយមុននេះថា ការដកខ្លួនរបស់រុស្ស៊ីចេញពីសន្ធិសញ្ញានេះ នឹងមិនមានន័យថា ការស្តារឡើងវិញនូវការធ្វើតេស្តនុយក្លេអ៊ែរនោះទេ។
ប្រធានរដ្ឋ Duma Vyacheslav Volodin បាននិយាយថា ទីក្រុងមូស្គូបានរង់ចាំក្រុងវ៉ាស៊ីនតោន ផ្តល់សច្ចាប័នលើសន្ធិសញ្ញានេះអស់រយៈពេល ២៣ ឆ្នាំ ប៉ុន្តែសហរដ្ឋអាមេរិកបានបង្ហាញពីវិធីសាស្រ្តមិនទទួលខុសត្រូវរបស់ខ្លួនចំពោះបញ្ហាសន្តិសុខពិភពលោក។
CTBT គឺជាកិច្ចព្រមព្រៀងពហុភាគីដែលហាមប្រាមរាល់ការធ្វើតេស្តបំផ្ទុះនុយក្លេអ៊ែរដែលធ្វើឡើងក្នុងគោលបំណងសន្តិភាព ឬយោធា។
