អ៊ីស្រាអែលទទួលស្គាល់ការវាយប្រហារតាមអាកាសលើរថយន្តសង្គ្រោះបន្ទាន់នៅជិតមន្ទីរពេទ្យបានស្លាប់ និងរាប់សិបនាក់ទៀតរងរបួស

បរទេស៖ អ៊ីស្រាអែលបានអះអាងទទួលខុសត្រូវចំពោះការវាយប្រហារលើរថយន្តសង្គ្រោះបន្ទាន់មួយនៅខាងក្រៅមន្ទីរពេទ្យ Al-Shifa នៃទីក្រុង Gaza ដែលជាកន្លែងព្យាបាលដ៏ធំបំផុតនៅក្នុងរង្វង់ដែលមានសាក្សីបានឲ្យដឹងថា បានស្លាប់និងរងរបួសរាប់សិបនាក់។

អាជ្ញាធរសុខាភិបាលដែលគ្រប់គ្រងដោយក្រុមហាម៉ាសបានលើកឡើងកាលពីថ្ងៃសុក្រថា យ៉ាងហោចណាស់មនុស្ស ១៥ នាក់បានស្លាប់ និង ៥០ នាក់ផ្សេងទៀតបានរងរបួស។ ខ្សែអាត់វីដេអូពីកន្លែងកើតហេតុបានបង្ហាញឱ្យឃើញយ៉ាងហោចណាស់ជនរងគ្រោះបង្ហូរឈាមរាប់សិបនាក់ពាសពេញដីនៅជិតរថយន្តសង្គ្រោះ។

អ៊ីស្រាអែលបានបញ្ជាក់ថា ខ្លួនបានកំណត់គោលដៅរថយន្តសង្គ្រោះបន្ទាន់ ដោយសារតែវាត្រូវបានប្រើប្រាស់ដោយក្រុមហាម៉ាស នេះបើយោងតាមសេចក្តីថ្លែងការណ៍របស់កងកម្លាំងការពារអ៊ីស្រាអែល (IDF)។ វាបានសរសេរថា យន្តហោះ IDF មួយបានវាយប្រហាររថយន្តសង្គ្រោះបន្ទាន់ដែលត្រូវបានកំណត់អត្តសញ្ញាណដោយកងកម្លាំងថាត្រូវបានប្រើប្រាស់ដោយភេរវករ Hamas នៅជិតទីតាំងរបស់ពួកគេនៅក្នុងតំបន់ប្រយុទ្ធ។

សេចក្តីថ្លែងការណ៍បានឲ្យដឹងថា ប្រតិបត្តិករភេរវករ Hamas មួយចំនួនត្រូវបានសម្លាប់នៅក្នុងការវាយប្រហារ។ យើងមានព័ត៌មានដែលបង្ហាញថា វិធីសាស្រ្តនៃប្រតិបត្តិការរបស់ Hamas គឺផ្ទេរប្រតិបត្តិការភេរវកម្ម និងអាវុធនៅក្នុងរថយន្តសង្គ្រោះ។

ប្រភព៖ CNN

ប្រែសម្រួលដោយ៖ ហៃ ឆៃមុីនាង