ឯកឧត្តមបណ្ឌិត ជិន ម៉ាលីន ទទួលជួបពិភាក្សាការងារជាមួយនាយកកម្មវិធីសិក្សា នៃសាកលវិទ្យាល័យបច្ចេកវិទ្យា NANYANG

ភ្នំពេញ៖ ឯកឧត្តមបណ្ឌិត ជិន ម៉ាលីន រដ្ឋលេខាធិការក្រសួងយុត្តិធម៌ អមដោយ ឯកឧត្តម នាក់ សើគីរីន រដ្ឋលេខាធិការក្រសួងយុត្តិធម៌ និងឯកឧត្ដម ឃ្លោក ដារ៉ា អគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ នាល្ងាចថ្ងៃចន្ទ ៨រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៦ ខែវិច្ឆិកា ឆ្នាំ២០២៣ បានទទួលជួបពិភាក្សាជាមួយលោកសាស្ត្រាចារ្យ Yougesh Khatri, នាយកកម្មវិធីសិក្សា នៃសាកលវិទ្យាល័យបច្ចេកវិទ្យា NANYANG (NANYANG TECHNOLOGICAL UNIVERSITY) នៅទីស្ដីការក្រសួង ដែលមានរបៀបវារៈដូចខាងក្រោម៖
១-ពិភាក្សាអំពីលក្ខខណ្ឌ និងដំណើរការនៃការជ្រើសរើសបេក្ខជនសម្រាប់អាហារូបករណ៍ថ្នាក់អនុបណ្ឌិតផ្នែកគ្រប់គ្រងធុរកិច្ចរយៈពេល១ឆ្នាំ នៅសាកលវិទ្យាល័យបច្ចេកវិទ្យា NANYANG ប្រទេសសិង្ហបុរី
២-ពិភាក្សាអំពីកិច្ចសហប្រតិបត្តិការ និងគម្រោងផ្សេងៗ ក្នុងការបណ្តុះបណ្តាលធនធានមនុស្សនៅក្រសួងយុត្តិធម៌ តាមរយៈការបញ្ជូនមន្រ្តីចូលរួមវគ្គបណ្ដុះបណ្ដាលនានា នៅសឹង្ហបូរី ៕