អភិបាលខេត្តតាកែវ អញ្ជើញចុះត្រួតពិនិត្យទីតាំង ត្រៀមរៀបចំប្រារព្ធពិធីបុណ្យអ៊ុំទូក នៅរមណីយដ្ឋានទន្លេបាទី ស្រុកបាទី

ភ្នំពេញ៖ ឯកឧត្តម អ៊ូច ភា អភិបាលខេត្តតាកែវ និងជាប្រធានគណៈកម្មការរៀបចំប្រារព្ធពិធីបុណ្យអ៊ុំទូក បណ្តែតប្រទីប និងសំពះព្រះខែ អកបំបុក ខេត្ត នាព្រឹកថ្ងៃអង្គារ៍ ទី០៧ ខែវិច្ឆិកា ឆ្នាំ២០២៣ បានអញ្ជើញត្រួតពិនិត្យមើលទីតាំងប្រារព្ធពិធីបុណ្យអ៊ុំទូក បណ្តែតប្រទីប និងសំពះព្រះខែ អកបំបុក ដែល រដ្ឋបាលខេត្ត រៀបចំធ្វើឡើងនៅរមណីយដ្ឋានទន្លេបាទី ស្ថិតនៅឃុំក្រាំធ្នង់ ស្រុកបាទី ខេត្តតាកែវ ដែលប្រព្រឹត្តិទៅរយៈពេល ០២ថ្ងៃ ចាប់ពីថ្ងៃទី១៨ ដល់ថ្ងៃទី១៩ ខែវិច្ឆិកា ឆ្នាំ២០២៣ ឆាប់ៗខាងមុខនេះ។

សូមជម្រាបជូនដែរ ដើម្បីអបអរសាទរ ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក រដ្ឋបាលខេត្ត ក៏បានរៀបចំមានការប្រគុំតន្រ្តី សម្ដែង សិល្បៈ តាំងពិព័រណ៍ និងការតាំងបង្ហាញនូវមុខម្ហូប អាហារ សម្ភារៈ ផលិតផលរបស់ភូមិមួយផលិតផលមួយ សម្រាប់ប្រើប្រាស់ផ្សេងៗ ចាប់ពីថ្ងៃទី១៤ ដល់ថ្ងៃទី១៩ ខែវិច្ឆិកា ឆ្នាំ២០២៣ ក្នុងនោះដែរក៏មានការបាញ់កាំជ្រួចនាពេលរាត្រី គឺនៅថ្ងៃទី១៨ និងថ្ងៃទី១៩ ខែវិច្ឆិកា ឆ្នាំ២០២៣ ផងដែរ ៕