ឧត្តមសេនីយ៍ទោ សេង សុគន្ធ ជួបសំណេះសំណាល ជាមួយក្រុមកីឡាករ និងគ្រូបង្វឹក ក្លិបបាល់ទះស្នងការដ្ឋាននគរបាលខេត្តប៉ៃលិន មុនពេលចេញទៅប្រកួតកីឡាបាល់ទះពានរង្វាន់ សម្តេចក្រឡាហោម ស ខេង ឆ្នាំ២០២៣
ភ្នំពេញ៖ លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន នាព្រឹកថ្ងៃទី៨ ខែវិច្ឆិកា ឆ្នាំ២០២៣ បានអញ្ជើញជួបសំណេះសំណាល និងមានមតិផ្តាំផ្ញើដល់ក្រុមកីឡាករ និងគ្រូបង្វឹក ក្លិបបាល់ទះស្នងការដ្ឋាននគរបាលខេត្ត មុនពេលចេញទៅប្រកួតកីឡាបាល់ទះពានរង្វាន់ សម្តេចក្រឡាហោម ស ខេង ឆ្នាំ២០២៣ ដែលនឹងចាប់ផ្តើមពីថ្ងៃទី៩ ដល់ថ្ងៃទី១៩ ខែវិច្ឆិកា ខាងមុខ នៅពហុកីឡដ្ឋានជាតិ (ស្តាតអូឡាំពិក)។
ក្នុងឱកាសនោះដែរ លោកឧត្តមសេនីយ៍ទោ ស្នងការ បានជម្រុញលើកទឹកចិត្តដល់ក្រុមកីឡាករ ឱ្យយកចិត្តទុកដាក់ សាមគ្គីភាព ខិតខំប្រឹងប្រែង ក្នុងការប្រកួតនីមួយៗ អោយពីកម្លាំងកាយចិត្ត និងបានឧបត្ថម្ភថវិកាមួយចំនួនដល់ក្រុមកីឡាករផងដែរ ៕
