អភិបាលខេត្តកណ្ដាល ដឹកនាំកិច្ចប្រជុំបូកសរុបលទ្ធផលការងារប្រចាំខែតុលា ឆ្នាំ២០២៣ របស់រដ្ឋបាលខេត្ត
ភ្នំពេញ៖ ឯកឧត្តម គង់ សោភ័ណ្ឌ អភិបាលនៃគណ:អភិបាលខេត្តកណ្ដាល នារសៀល ថ្ងៃពុធ ១០រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៨ ខែវិច្ឆិកាឆ្នាំ២០២៣ បានអញ្ជើញជាអធិបតីភាពដ៏ខ្ពង់ខ្ពស់ ដឹកនាំកិច្ចប្រជុំបូកសរុបលទ្ធផលការងារប្រចាំខែតុលា ឆ្នាំ២០២៣ របស់រដ្ឋបាលខេត្ត នៅសាលប្រជុំសាលាខេត្តកណ្តាល។
កិច្ចប្រជុំនារសៀលនេះ ផ្តោតលើរបៀបវារៈសំខាន់ៗមួយចំនួនដូចខាងក្រោម៖
-ពិនិត្យ និងពិភាក្សា សេចក្តីព្រាងរបាយការណ៍ប្រចាំខែតុលា ឆ្នាំ២០២៣ ស្តីពីការអនុវត្តការងាររបស់រដ្ឋបាលខេត្ត។
-ពិនិត្យ និងផ្តល់យោបល់លើកម្មវិធីសន្និបាតបូកសរុបលទ្ធផលការងាឆ្នាំ២០២៣ និងលើកទិសដៅការងារឆ្នាំ ២០២៤ របស់រដ្ឋបាលខេត្ត និងក្រុមការងាររាជរដ្ឋាភិបាលចុះមូលដ្ឋានខេត្តកណ្តាល។
-ផ្សព្វផ្សាយលិខិតបទដ្ឋាន ដល់មន្ទីរ អង្គភាព និងរដ្ឋបាលក្រុង ស្រុក ដើម្បីមុខការអនុវត្ត។
-បញ្ហាផ្សេងៗ ៕
